إن لم تهتف اليوم "يا أيها النظام ارحل" ستصرخ غدا "يا أيها النظام ارحم"

**Tarek Gen 2** · 10-02-2011 12:18 AM

انا عايز نتكلم هنا فيما بعد
يعنى نتكلم على السلوكيات بعد انتهاء الموضوع ده سواء ان رحل الان و انفضت الثورة و الحياة مشيت او كمل و الحياة مشيت برضه

عايزين نتخطى المرحلة الحالية الدائرة جدلاً دى
و نفكر ايه اللى هيتغير
تفتكرو ايه هيبقى سلوك الناس واخص بالذكر كسواقين مكروباص كموظفين حكوميين كجهاز شرطى كناس هيتعاملوا مع من سبق ذكرهم هل هيرشى تانى هل هيضرب و تهدر ادميته و يسكت

انا مثلا شفت سواق مكروباص مشاى جنبى شاف امين شرطة ام نط من الازاز و قال باللفظ
(( سعادة الباشاااااااااااااا مكناش عارفين نمشى من غيرك حمد الله على سلامتك ))

انا بصراحة اتخنقت منه فبدأت حملة تهزيق ليه و اتعصبت جدا بس كان معايا عمر صاحبى احد شباب 25 يناير رسميا و تدخل فالحديث و اتكلم معاه بهدوء يحسد عليه و قاله احنا موتنا عشانك و عشانى و عشان امين الشرطه نفسه عشان حاجات كتير تتغير ليه انت بتبوظها لازم توصله انه هو قوى جدا و انت كمان قوى جدا متركبهوش عليك و كلام من هذا بس انا برضه كنت عايز اكله لانه سواق مكروباص اصلا

ما علينا
و بما انى فى التحرير و من عملاء كنتاكى فجيبتلكوا دى على الماشى

[mtohg=#050000]http://a3.sphotos.ak.fbcdn.net/hphotos-ak-ash1/180863_186268681407318_100000725633956_474099_3066 059_n.jpg[/mtohg]

هههههه الرحمة من عندك ياااااااااااااااااااااا رب

**maka** · 10-02-2011 12:27 AM

انا حاسس ان لو النظام متغيرش و لعبوا مع بعض لعبة الكراسى الموسيقية هنشوف ايام صعبة وربنا يستر

اما بالنسبة للناس اللى اتعودت على طعم الذل او بمعنى اصح مغسولها دماغهم غسلة تمام مع ضعف ثقافتهم وواعيهم التفكيرى لازم للاسف تطول بالك لاقصى الحدود و تنزل لمستوهم التفكيرى و تحاول تفهمهم و للاسف هتكتشف انهم محتاجين وقت على بال ما يستوعبوا مجريات الامور و النظرة المستقبلية و الكلام ده ينطبق تماما على اصحاب جملة وقفتوا حالنا

**Abo_Lina** · 10-02-2011 12:56 AM

احنا لو ماهتفناش
هانفقد النطق و نتخرس إلى الأبد

**frhateg** · 10-02-2011 01:00 AM

ان الله لا يغير ما بقوم حتي يغيروا ما بانفسهم . و بصراحه نفسيه معظم المصريين مش و لا بد . و ربنا يستر .

**cheetos_892005** · 10-02-2011 03:19 AM

سابوا كل حاجه و ماسكين الحاجات اللي في الميدان ....
بات في الشارع في الجو ده 15 يوم و شوف كل انواع الرعب و الدم و انت قف علي دماغك
مش تغني
الثوره دي لو باظت هتبوظ بسبب الشعب نفسه
اللي اتعود علي العبوديه و مش مصدق التغيير

**misoalex** · 10-02-2011 04:24 AM

المشاركة الأصلية كتبت بواسطة maka

انا حاسس ان لو النظام متغيرش و لعبوا مع بعض لعبة الكراسى الموسيقية هنشوف ايام صعبة وربنا يستر

اما بالنسبة للناس اللى اتعودت على طعم الذل او بمعنى اصح مغسولها دماغهم غسلة تمام مع ضعف ثقافتهم وواعيهم التفكيرى لازم للاسف تطول بالك لاقصى الحدود و تنزل لمستوهم التفكيرى و تحاول تفهمهم و للاسف هتكتشف انهم محتاجين وقت على بال ما يستوعبوا مجريات الامور و النظرة المستقبلية و الكلام ده ينطبق تماما على اصحاب جملة وقفتوا حالنا

+++11111111111

زود كمان ان النظام تفنن فى كيف ينشر الجهل بين الناس حتى المثقفين منهم

يعنى البلطجى ده لو اتعلم مكانش بقى بلطجى الا لو هو عنده ميول لكده وساعتها يبقى يستاهل