الموبيل xhp اتغير شكله

**mhmdalsaadany** · 13-02-2011 02:39 AM

طالما الزيت انت حاسس ان لزوجته جيده ومابينقص يبقي ممكن تكمل بيه عادي جدا ولا داعي للقلق ابدا

**mhmdalsaadany** · 13-02-2011 02:44 AM

وكمان عايز اوضح نقطه تانيه مهمه في ناس بتكون فرحانه ان الزيت نازل لونه نضيف زي الجديد وبيقول كدا تمام وناس تانيه بتخاف جدا وبيقول الزيت لونه اسود قوي وشكل الموتور باظ لأ غلط
المفروض ان الزيت دا من احد خصائصه انه ينضف الموتور وينزل البلك والهباب الموجود في البلوك عشان ميتراكمش جوه واللى الزيت بينزل عنده زي ما بيحطه يبقي الزيت دا مش كويس ممكن يكون متخزن كتير او معيوب مش اقصد الشركه لأ اقصد الجركن اللى هو جابه وطبعا العربيات الجديده بيكون في نسبه تغير في اللون بس برده مش كبيره اوي ولكن موجوده عشان لسه البلوك نضيف
وبرضه في فرق بين اللون الاسود للنظافه وان يكون الزيت محروق وله ريحه نفاذه ويكون مأكسد يعني اشتغل واتحرق اكتر من اللازم

**mhmdalsaadany** · 13-02-2011 02:46 AM

ومعلش في ملحوظه كمان في ناس بتقلك غير زيت ال5000 على 3000 عشان الزحمه والعربيه بتدور كتير في طريق زحمه من غير ما تمشي يعني الكيلو تاخده في نصف ساعه وبتكون العربيه دايره
لأ غلط كل الكلام دا معمول حسابه في عدد ال كم ان تكون العربيه شغاله ايديال من غير لود عليها يعني وهي واقفه حتي لو مشغل التكيف في الصيف برضه ملوش دعوه
والله الموفق