لحام الكاوتش بالخوابير بيعمل صوت اثناء السير

السلام عليكم


هل لحام الكاوتش الفردة الواحدة حوالى 4 خوابير بيعمل صوت اثناء المشي على السلانسيه
صوت زى رفه او هدهدة

ارجو الافادة

اين الردود افادكم الله

ايوه لحام الخوابير بيعمل صوت طبعا اثناء المشي. ومش لازم يكونوا 4 خوابير علشان يعملوا صوت ، يكفي واحد بس علشان يعمل صوت. الأفضل هو اللحام لأن الخابور بيبوظ فردة الكاوتش وبيقصر عمرها لأنه بيقطع النسيج الداخلي لها.

طيب اعمل ايه اشيل الخوابير دية والحمهم داخلى ولا اعمل ايه

اعتقد مش هيبقى حل عملي وهيبقى له تأثير سلبي جامد على فردة الكاوتش. لو هي راكبة عندك قدام انقلها ورا ومفيش داعي للحام الخابور تاني علشان بتوع الكاوتش بيستسهلوا. الخابور بياخد منه دقيقة واحدة وبيلهف فلوس قد كده. مفيش فردة ماينفعش تتلحم لحام عادي حتى لو الخرم في الجنب مهما بتاع الكاوتش اكد لك انه ماينفعش. الكلام ده اكيد من بتاع الكاوتش اللي بتعامل معاه.

الفردة دى ماتت خلاص... البقاء لله

MMamdouh

طيب لو رجعتها ورا ايه اللى هيخلى الصوت يروح

لا شىء

MMamdouh

يعنى ايه لا شيء يعنى الصوت هيفضل

الصوت هيفضل زي ما هو
كل ما في الامر انك تتلاشاه وتنساه عادي مش قضية
للأسف انا عامل خوابير وبسمع صوت برده فعادي جدا متقلقش

اقتباس:

---

المشاركة الأصلية كتبت بواسطة ahmedshafei77

يعنى ايه لا شيء يعنى الصوت هيفضل

---

yes

عملية تركيب الخابور سببت تلف فى الطبقات الداخلية المكونة للاطار و دة سبب الصوت

MMamdouh

شيل الخوابير عادى واعمل لحام عادى ولو قالك ماينفعش قوله ماليكش دعوه اعمل اللى باقولك عليه وانت ساكت المشكله ان الصنايعى من دول فاكر نفسه عارف كل حاجه وهو يمكن مابيعرفش يقرأ اساسا وطبعا احنا عمالين ننفخ فيه ونقوله الله ينور يا بش مهندس غلط يا جماعه الكلمه دى تتقال لمهندس ميكانيكى او ما يشابه ذلك انت تقوله فك الفرده _ شيل الخوابير _ الحم مكان الخوابير _ ومالوش دعوه