صوتها عامل ازاي الونة دي؟؟
عرض للطباعة
صوتها عامل ازاي الونة دي؟؟
ممكن تحط زيت شنبر بمقدار 1:7
وان شاء الله الصوت هيروح
[quote=the_hero2005;3873317359]ممكن تحط زيت شنبر بمقدار 1:7
وان شاء الله الصوت هيروح
[تقصد زيت الشنبر يتحط فى الفتيس ولا فى المكنه
ويعنى ايه مقدار 1:7
متابع مع حضراتكم ولكم جزيل الشكر ( عربيتي اكسيل 1500 مو 95 )
طيب انا عربيتى جر أمامى نيو اكسنت ولو ماشى على سرعة عالية 100 مثلا بسمع نحرة فعلا ولو مورت الفتيس على السرعة دى بيبقى نفس الصوت كانى ماشى على الغيار
وهل مش معنى الكلام دة انى لما بمور بيفصل حركة المرتور عن الفيس والعربية بتبقى حرة مع ان العربية موتورها حلو ولسه مغير زيت الفتيس لانى كنت بغير طقم دبرياج وغيرلى الزيت
فهل ممكن تكون الونه فى العجل ولا ايه وهل ( نوع الكاوتش - البلى - ولا ايه )
وشكر للرد
1:7
يعنى مثلا لو هتحط فى الفتيس 70 لتر زيت ... يبقى 60 لتر زيت فتيس + 10 لتر زيت شنبر
انتا الفتيس بتاعك بياخد حوالى 1.8 لتر زيت يبقى هتحط 250 جرام زيت شنبر والباقى زيت فتيس
ياجدعان هو صوت الونة دا زي صوت الصفارة كدا بس علي تخين؟
لأن لو كدا يبقي انا عندي ونة في الفتيس
بس انا بسمعها علي الرابع والخامس وبتبقي باينة اكتر حاجة علي سرعة 100 ووقت ماكون دايس بنزين بس انما لو ممور وعلي نفس السرعة مش بسمع حاجة
حد يفيدني يا رجالة
السلام عليكم
عربيتي اكسيل 1500 مو 95
انا غيرت بلي الفتيس والحمد لله اتحسنت كتيييييييييير
لكن يبقي ونه خفيفه جدا تكاد تكون قريبه من صوت المكنه او صوت العربيه فى المارشدير
واحد شار عليا احط زيت موبيل 160 مع اضافة امريكيه خاصه بالتروس
وناس تقولى لا خليك زى منت على زيت 80-90 موبيل
واعانى ايضا من دقرة فى النقلات العصايا مش سلسه فى النقل وكان هذا موجود ايضا قبل ما اغير البلي
العفشجي بيقولى عاوز اركبلك فبرة تقليب النقلات بتاعة الفيرنا هتكون ناعمه وتظبطلك العصايا مظبوط فى النص
هل فبرة الفيرنا بتركب ع الاكسيل
طيب احط زيت شنبر مع زيت 5-90 ولا احط زيت تقيل 160 مع الاضافه الامريكيه للتروس ولا مع ويت الشنبر
واللى انا اعرفه ان زيت الشنبر بتاع الموتور ولا ايه ؟
ارجو التوضيح وشكرا جزيلا
السلام عليكم ورحمة الله وبركاته
المشكلة دي حصلت معايا
انا معايا عربية لانسر 91 (عيون صفية)
وكانت المشكلة عبارة عن صوت ونه كده بس بتختفي لما ادوس دبرياج
وكانت بتظهر لما العربية بتكون باردة يعني الصبح
حل المشكلة
بلية الدبرياج طبعا غيرتها
والصوت راح خالص
المهم انها كانت بتاكل في الديسك عشان كدة اللي يظهر العيب ده عنده مايتاخرش لان البلية تمنها عشرة جنيه
بدل ماتخسر الديسك
والله اعلم
دي تجربتي