الشارك فيها فعلا باور كهربا والطارة تتقل كل ما السرعة تزيد
عرض للطباعة
بالنسبه لأصحاب سيارة شارك كنت عايز اتأكد منهم على كام حاجه شغلين بالى
1-كان فى شارك كامله توكيل منزلين نظام عازل صوت هل جربتوة و فعلا فعال و لا لأ ن ناس كتيرة بتقولى صوتها عالى ففكرت لو جبت كامله هتختلف
2-جسم عربيه و اكصدامات ورق و لا قويه يعنى تستحمل و لا من اقل تريحه على اكصدام يفرق
3-انا قرأت و عايز ملاكها يأكدولى معلومه دى ان لما عربيه ماشيه على كوبرى 6 اكتوبر مثلا بسرعه و تعدى على مفصل تحس انها عامت حاجه بسيطه او ثباتها قل هل ده صحيح ام لا
4-بالنسبه لكراسى و عفشه عربيه هل مريحه فى قياده مسافه طويله او فى زحمه
5-موضوع الusb هل موجود او له حل لتشغيل فلاشه
6-طبعا انا قرأت هنا انها مبتحكش و هى محمله و دى كانت مقلقانى فشكرا انى اتأكدت منها
7-هل كامله فيها حساس ركن و طى مرايا بكهرباء و مرايا تعتيم
8-الأستبن جنط 16 زى اللى متركب و لا ايه و اخبار جنط 16 معاكم ايه فى شوارع مكسرة او مطبات حلو و لا 15 افضل
فى انتظاركم لأنى محتار مابينها و بين كورولا بسانا مايل ليها اكتر فعايز اتأكد من نقط دى علشان اقدر احدد
ارجو من اخوه الأتيه و من ملاكها
kholio , king1974 , ahmedalkouly,brkatt,amr_2009,mimohsen,khaledmekawy 2008,
ارجو منكم مساعدتى برد على اسفسارتى لأنى محتار و فى انتظاركم
:plusone2:
الـ Speed Sensitive Power Steering دى device بتبقى integrated فى الباور الكهرباء, وبتاخد معلوماتها من عداد السرعة عشان تقدر كمية الـAssistance اللازمة للدركسيون حسب السرعة
دى موجودة من زمان فى عربيات كتيييييييييير (باور كهرباء) زى البونتو الـ بـ 70 ألف..!!! :grinder:
انا بحترم الشارك جدا بس انا حاسس ان صوت الماتور بتاعها فى الطلعة غريب شوية
1-انا معايا الشارك الكويتي وفيها عازل تحت ٣ ار بي ام صوتها غير مسموع فوق ٣ ار بي ام صوت الموتور مسموع لكن جميل جدا و رياضي
2-جسمها زي الجديد كله واكصداماتها قوية وبتستحمل الخبطات وبتاخد وتدي
3-العربية تابتة جدا ومبتعومش مهما كانت سرعتك وحتي لو على كوبري وفي مفصلات مبتعومش في الملفات
4-كراسيها مريحة جدا وصالونها يعتبر من اوسع الصالونات في الفئة دي اما عفشتها مع الوقت بتنعم وتبقى مريحة وفي نفس الوقت مدية ثبات عالي جدا ففعلا نظام التعليق في الشارك معمول بعبقرية ومحقق معادلة صعبة جدا
الراحة و الثبات العالى والارتفاع في نفس الوقت
5-مفيهاش يو اس بي لكن فيها سي دس تشانجر ٦ سيديهات ام بي ثري ووصلة اوكس
6-فعلا الشارك عالية جدا ومبتحكش في المطبات كلامك مضبوط
7-ببيقى في الشارك الكويتي زينون وصب ووفر و حساسات نور ومطر و تعتيم ذاتي للمرايا لاكن مفيهاش حساسات ركن و لا مرايات ضم
8-الاستبن ١٦ لاكن مش جنط سبور بيبقى عادي بنسبة للجنط ال ١٦ ممتاز جدا للمشي في الشوارع المكسرة وعموما اللانسر شارك مبتنزلش بجنوط 15 خالص واصغر مقاس اوريجينال نازلة بيه ال 15
انا في رأيي اتوكل على الله واشتري الشارك مادامت عجباك وانا زمان في سنة ٢٠٠٨ اتحطيت في المقارنة بين الشارك والكورولا والسيفيك واخترت الشارك لانها من رايي احسنهم تقريبا في كل شيء
بالنسبة للنقطة الثامنة اصغر مقاس جنوط اوريجينال نزلت بيه الشارك 16 مش 15اسف انا غلطت في الكتابة
هههههههههههههههه و الله انا فرحان جدا رينا يكرمك انك ردت عليا و اجابتك وافيه
انا بشكرك kholio على افادتك واضحه و كامله
سؤال اخير ايه اللى مضايقك فيها و كنت تتمنى انه يكون موجود