في طواريء مش عارفه في ايه؟
وفي اوامر لجميع الموظفين بالخروج فوراً
شركات البترول وبعض الوزارات وبعض الشركات الخاصه
انا قلقانه جداً
حد عنده اخبار؟
عرض للطباعة
في طواريء مش عارفه في ايه؟
وفي اوامر لجميع الموظفين بالخروج فوراً
شركات البترول وبعض الوزارات وبعض الشركات الخاصه
انا قلقانه جداً
حد عنده اخبار؟
ايوه خروج يعملوا ايه يعني
مظاهرات تأييد
ولا يروحوا علي بيوتهم
عشان فيه اشاعة انتشرت ان ميعاد حظر التجول اتعدل ل 4 مساءا النهاردة
بس الاشاعة مالهاش مصدر
و لا الحكومة بعتت sms
و لا الخبر اتذاع عالتليفزيون و لا على مصراوي ......
يا جبل ما يهزك ريح ....... ماتخافيش
طلعت اشاعه
وقالوا لنا اقعدوا تانى
تقريبا كلامك مظبوط الستات بدأت تمشي من عندنا و قالولنا اللي في ايده حاجة يخلصها بسرعة (شركة بترول)
اليوم السابع | مصادر بالجيش: مواعيد حظر التجوال كما هى ولم تتغير
الجيش ينفي الاشاعة .......
انا في القرية الذكية في وزارة الاتصالات و مفيش حاجة هو المفروض انن بنسمع اخبار قبل الناس بشوية عشان مقربين للحكومة فسمعنا شوية حاجات بس غلط
مش لاقيه اي مصادر للخبر ولا اسباب
بس اتصلت بموظفين في اماكن مختلفه وكلهم صدر لهم القرار ده
وانا منهم خروج على الساعه 2
كل اللي قالوه في الشركه عندنا ان في حريقه في الجيزه واضرابات
وتحرك للجيش لتأمين المواقع
واحتمال فرض حظر التجول في ميعاد بدري
والنهارده آخر يوم للمظاهرات قبل قدوم جمعة الشهداء
وتحذير من بعض الطرق المتطرفه مثل الدائري
عندي شعور انهم متخوفين من تكرار موضوع الحرائق في المباني العامه
ماتخافوش يا جماعة
لازم نبقى اشجع و مانخافش من اي اشاعة
مش خوف ده مجرد قلق
وعلى رأي أستاذ wesam_salom
انا هأروح بدري :verygood:
ده لو عرفت طبعاً
لسه حالا مكلم موظفه في شركة قطاع اعمال عميل للشركة اللي انا بشتغل فيها و عرفت منها انهم ماشيين بدري النهارة باوامر من مجلس الإدارة
فيه قلق
عموما ربنا يسترها و ينصر الثورة
انا برده جاتلي اخبار دلوقتي ان الباصات هتمشي كمان 10 دقايق و اللي معاه عربية يمشي برده كله 2:30
مش علشان حاجه ... هم مش عايزين حد يتظاهر تانى و يطالب بأى حاجه ... كفايه عليهم النهارده المترو و النقل العام و نفق الازهر
نوع من ان الناس تقلق فتروح و الضغط يقل شويه