استسمحكم اكتوبر من شبرا بشكل عاجل جدااااا

ازيكم يا اخواتى

كنت عايز اروح العنوان من دوران شبرا او من رمسيس بالعربية

16 ش اللوادر - قطعة رقم 19 - المنطقة الصناعية التالتة - 6 اكتوبر

علما بانى ضعيف فى الطرق فمعلش استسمحكم اللى يقولى يشرحلى بالتفصيل الممل جدا ويعذرنى فغبائى معلش

وعايز اعرف الطريق لهناك امان ولا فيه بلطجية فى الطرق زى مابيقولو ؟؟؟
والمنطقة اللى انا رايحها دى صحرا واحذر منها ولا امان ومليانه ناس؟؟؟
والمفروض متخطاش سرعة كام على الطريق؟؟

طب وحد ليه ملاحظات على الطريق والمنطقة؟؟ لو فيه حاجة قولولى ومتقلقوش عشان اخد بالى

معلش انا عارف ان اسالتى كتير بس انا لسة جديد فى السواقة

محدش عبرنى خااااااااااالص!!!!!

معلش الظروف مش هيه :)
حضرتك تاخد كوبرى اكتوبر و تدخل تانى يمين بعد ما تعدى من فوق رمسيس ... هتمشى فوق كوبرى 15 مايو فى اتجاه المحور و خليك دايما على الشمال
و تفضل ماشى طوالى على المحور سرعه 90 و اول ما تعدى من فوق الصحراوى السرعه 60 و تفضل ماشى هتوصل اشارة ميدان جهينه كده انت على اول اكتوبر ... اسأل هناك لأنى معنديش فكره جوه اكتوبر

خلي بالك اكتوبر مش امان

احسن طريق اطلع الكورنيش من شارع مسره
وكمل في اتجاه المعادي وبعد الكونراد هتلاقي طلعه كوبري علي اليمين اطلعها (ده كوبري 15 مايو )
لما تطلع بقي خليك ماسك الشمال وعلي طووووووووووووول ماتنزلش اي نزله لحد ما تلاقي الكوبري خلص والطريق نزل ومكمل في مطلع تاني باردو زي ما انت
لحد ما تلاقي الطريق الدائري معدي من فوقك
كمل باردو علي طوووووووووووووووول انت كده علي المحور التزم بالسرعه 90
افضل مكمل علي طووووووووووووووووووول لحد ما تلاقي ميدان فيه اشاره وفيه يفطه اعلان (جهينه) ده ميدان جهينه
هنا بقي تسأل علشان الوصف مش هيكون دقيق بس عموما انت هتكمل علي طول وأول دخله يمين مع سور النادي
هتدخل فيها وتكمل أخر الطريق خالص انت كده في المنطقه الصناعيه
بس طبعا االكلام ده تروحو الصبح وبلاش الجمعه
وربنا معااااااك

اشكركم بجد اوووووووى اساتذتى على ردودكم وانا عارف ان الظروف مش هية فعلا :) بس اعمل ايه غصب عنى...

بس ليه اكتوبر مش امان زى ما استاذ pepsi007 قال؟؟؟؟؟

هو الواحد ممكن فعلا يالاقى بالطجية على هيئة كماين فى السكة؟؟؟

انا رايح الاحد الساعة 11 الصبح وراجع بعديها بساعة يعنى كله فى النور ولا برضه فى مشاكل؟؟؟ ارجوكم دلونى لانى لو كده ممكن مروحش خالص

لو خلاص رحت وخلصت مشورارك يبقى نقولك حمد الله على السلامه اذا لسه مروحتش -- بقولك اكتوبر امان انا عايش فيها والمرور ابتدى ينزل الشوارع من 3 ايام وظباط محترمين مش زى زمان --- بعد ما توصل لنادى 6 اكتوبر ( امتداد ميدان جهينه وانت ماشى ) هتسأل على ميدان الحصرى ومنه هتفضل ماشى على طول هايقابلك اول ميدان بعده اسمه ميدان فودافون تفضل ماشى كمان هايقابلك ميدان ليلة القدر وتنزل تانى يبقى انت فى المنطقه الصناعيه ومنطقة البنوك وهناك تسال عل المنطقه او القطعه اللى انت عاوزها .. وربنا يوفقك