-
عملت حادثه جامده
قبل اى حاجه انا خرجت من العربيه سليم 100 بالمئه والحادثه كانت جامده طبعا وانا ماشى فى طريق ناصر بالسويس لقيت نص بلاعه باكابورت لو كنت اخدتها كنت اتقلبت ببعد عنها وفجأ ايدى اتشلت ولقيت نفسى رايح للرصيف علو نص متر والحمد لله العربيه من بره سليمه بس المقصات باظت ولا زم تتغير
وكنت عايز اعرف
سعر القنطره والمقصات اللى قدام يكلفوا كام
لان الميكانيكى قالى لو ركبت قنطره جديده ومقصات جديده العربيه ترجع فابريكه زى الاول
بالله عليكم اى حد عنده معلومه يدخل يقولى عليها بسرعه
واللى يعرف اى حد ميكانيكى يسأله على الحاجات دى
وفى نهايه الموضوع الحمد لله الحمد لله والحمد لله لو كنت خرجت ميت منها الحمد لله فى كل شئ
-
1000 حمدا لله علي سلامتك . دلوقتي حد من الوحوش يجوبك .
-
الف سلامة عليك
و شوف ايدك عاملة ايه و اكشف عند دكتور اعصاب
و ربنا يوفقك
-
الله يسلمكم يا جماعه الحمد لله على كل شئ وبجد جايز يكون ان كان اعصابى تعبانه علشان كده ايدى وقفت والحمد لله
والله متشكر ليكم جدا ونفسى حد يرد عليا على اسعار الحاجات دى
مستنى رد الوحوش
-
حضرتك مش مامن؟؟؟؟؟ انا افضل تعملها في التوكيل عشان هيدوك ضمان جديد علي القطع الجديده ....
لو عايز تعملها بره قولنا انت ساكن فين يمكن نقدر نساعد
-
انا ساكن فى السويس وخايف يكون التوكيل حراق
وانا هحاول اتصل اسألهم يكلفوا كام
-
أولا الف الف الف سلامة عليك وثانيا !!!! حضرتك مأمن على العربية ولا لأ
-
انا راي تسال فى التوكيل عن سعر اصلاحها - فاذا كان فى ذيادة فى سعر عن الميكانيكى فى حدود 30% فاعملها فى التوكيل - لان مهما كان الميكانيكى شاطر انا مش بثق فى كلامهم لانهم بوظولي العربية القديمة بتاعتى ( فولكس بوينتر)- التوكيل مهما كان غالي بس فى راي بتشترى راحت بالك
-
انا ان شاء الله هروح التوكيل وسألتهم لقيت الفرق فى حوالى الف جنيه زياده بس مش مشكله بس هحس ان العربيه رجعت زى الاول
وشكرا ليكم كلكم
-
المبلغ الكلي كان كام؟ ممكن تقلنا علشان نبقى عارفين !!
و ربنا سترها معاك عالطول و يباركلك فيها و يحفظلك و يرزقك خيرها و يكفيك شرها
Content Relevant URLs by
vBSEO 3.6.0 PL2