الموضوع: العقيد خالد قالها .. بس محدش خد باله

المشاركة الأصلية كتبت بواسطة amir

انا مستغرب زيك بالظبط خصوصا ان من باب اولي سبب غلق الموضوع يكتب فيه منعا علي الاقل لفتح عشرات المواضيع من عشرات الاعضاء المشاركين فيه متسألين علي الاقل عن سبب الغلق


و ان كنت شايف في الفيس بوك متنفس اكتر حريه في الفتره الاخيره عن المنتدي اللي خايف عليه انه يتجه لنفس السياسه اللي اتسببت في غضبه شعب كامل


سياسه فرض الواقع و عدم اتاحه مجال للحوار


و قبل ما احد المشرفين يوقفني ايقاف متسرع برجاء اعاده قراءه الكلام في مشاركتي و محاوله فهمه

لو المنتدي مش عايز يتكلم عن الاوضاع الحاليه سواء سياسيه او اقتصاديه او اجتماعيه يبقي المنتدي و ادارته اختارو طريق معين و علي الساخطين او الرافضين عدم التمرد و الانصياع لقوانين المنتدي


و بصراحه و بدون اي توريه و دون توجيه ايه اهانه

لازم المنتدي يثبت علي رأي و قضيه مش كل يوم بوش و شكل مختلف عن سابقه علشان مصداقيته علي الاقل ان مكنش تفوقه و استمراره بينا و معانا

انا مش خايف قوي من موضوع ايقافي و لو ايقاف نهائي من المنتدي و مع اني سددت الاشتراك بالكامل في فتره ايقافي الاخيره الا اني عملت كده بدافع الشكر للمكان اللي استفدت منه و قدرت افيد منه ناس كتير

و بقول مش خايف من ايقاف مع ذلك ايقاف نهائي لأن مجرد التلويح او التهديد بايقاف نظرا للتعبير عن الرأي لا يختلف كثيرا عن نفس الموقف علي ارض الواقع الان

و بخصوص التوقيع .......


و مع احترامي الكامل للباشمهندس خالد

البلد حاليا ظهر و بان فيها كل رأي من اراء ابنائها و مش مسأله تحول الخلاف الي نقطه فليرحل الان من عدمه

بالنسبه ليا و لكتير من الاعضاء رحيله يعني رحيل رمز

رمز و علي مدار عقود ضم معاني كتير جواه

بقي ايقونه لكل ما هو ممثل عن طريق الحزب الوطني

و عموما المعارضين و المتأففين من الثوره احب اقولهم الف الف مبروك

ادي الثوره تم القضاء عليها

ارجو ان تنبسطو من الان الي اخر العمر

و علي امثالي التفكير جديا في الرحيل عن ارض وطن اصبح غريب عنا لا يساعنا التعبير حتي عن رغباتنا فيه او محاوله تحقيقها

بالنسبة لغلق المواضيع
انا مش شايف تفسير الحقيقة
المواضيع بتتقفل بشكل غريب
حتي مواضيع كريم منير برضه بتتقفل !
والغريب أكتر ان مبيتكتبش أسباب
هو أتقفل

بالنسبة لأنه يمشي
فهو مشي بكل ما تعنيه الكلمة ..
مبقاش في حاجة أسمها حزب وطني
مبقاش هو الرئيس الفعلي
مبقاش في قصره

ده كدة رحمنا من الحكم العسكري
هيغير الدستور .. مش هو .. هو عمل طلب
كل اللي طلبناه أتعمل
بس الناس عايزاه زي بن علي .. فيلم تونس لازم ننفذه بالحرف !
مع أن مطالبنا كلها تحققت
فيما عدا رحيله .. مع أني شايفه رحل !

المشاركة الأصلية كتبت بواسطة xander2010_evo

وأنا هعمل بقي زي الناس إللي ف التحرير و بتدور علي مصلحتها
لما يعملوا أحكام عرفية؟؟
المدارس والجامعات؟؟ إيه نظامها؟؟؟
نفسي ف أجازة لحد قبل الإمتحانات كده
يقولولنا روحوا ع الإمتحانات بس :))

مصلحة من ورا الحكم

المشاركة الأصلية كتبت بواسطة sunset

فيه الحقيقة مش شايفة في الاحكام اي شئ يزعل

ما احنا كنا محكومين بقانون الطوارئ وكله في المعتقلات واي حد له ملف في أمن الدولة

القانون اهو

المشاركة الأصلية كتبت بواسطة a.saad

اقرا بقى قانون الاحكام العسكرية وانت هتلاقى ان الطواريء جنبه مالوش لازمة

أيوة .. بالظبط كدة