الموضوع: نائب رئيس الجمهورية سيتحدث بعد قليل ...

المشاركة الأصلية كتبت بواسطة ralliart

قبل حوار الثورة والحاجات دي
حضرتك قريت ويكيليكس بيقول عليه ايه من زمان؟؟
المخابرات العامه المصرية شغاله داخلياً وخارجياً
بالنسبة للحق والباطل بسم الله ما شاء الله كان حاضر صفقات الغاز مع اسرائيل اللي بيتباع ببلاش!!!

قرات كل الكلام اللى حضرتك كتبته عن عمر سليمان وللاسف لم اجد فيها ما يدل علي عدائه للاسلام او كرهه للاسلام
الرجل ينفذ عمله كظابط مخابرات واجبه الحفاظ على بلده
ولو زعلان علشان حربه ضد الجماعات الاسلامية في الثمانينات واول التسعينات ارد على حضرتك بان حضرتك محضرتش سنة 80 لما السادات اتقتل والرعب اللي انتشر في البلد كلها وكان زي دلوقت بس الخطورة الاكبر ان القتلة من الجيش وحصل تمرد في اسيوط اتقتل فيه حوالى 400 شخص والجيش نزل البلد وكان فيه حالة اضطراب رهيبة وكان القتلة من الجماعات الاسلامية الموجودين في الجيش
وبعد ذلك خرجت جماعات كثيرة منشقة عن الاخوان مثل الجماعة الاسلامية والجهاد والفرماوية وكان قد سبقهم التكفير والهجرة قتلة الشيخ الذهبي وهي فترة شديد العنف لدرجة ان القتل كان في الشوارع وانا نفسي رايت حادثة قتل اليونانيين في فندق اوربا اعتقادا انهم اسرائيليين وغيرها الكثير من العمليات العسكرية مثل قتل الصاغة وسرقة البنوك والقتل وووووو
اظن لما يبقي رجل مخابرات ويكره من يدمر في بلده يكون على حق
اما كلامه عن حماس فالايام اثبتت ان حماس ومنظمة التحرير كلاهما لا يهمه الشعب الفلسطيني
والجمل الكثيرة على كلامه كلها من اعدائه ولا يؤخذ بها