الموضوع: المتظاهرون يحيطون بالقصر الرئاسى ومبنى التليفزيون

السلام عليكم و رحمة الله و بركاته

أنا متهيألى أن الجيش, حتى لو عنده أوامر بالضرب فى المليان, بس مستحيل يضرب الشعب بالرصاص الحى و خاصة أن اعلام العالم كله عينه علينا دلوقتى و بيراقب و يشوف الأحداث الجاية هتحصل ازاى.

و كان علينا من ده كله بايه بس, ماكان يتنحى و خلاص.

أنا سمعت كلام, أن مبارك بالفعل غادر القاهرة النهاردة حوالى الساعة 6 المغرب, أنا مش عارف اذا كان الكلام ده صح و لا لأ, بس و أنا قاعد كده زى الباشا فى الصيدلية بتاعتنا, كذا واحد عدى عليا و قاللى الكلام ده.

ربنا ييسر الأحوال لما نحبه و يرضاه .

ده هتبقى مذبحة
ربنا يحفظنا

ربنا يعدي الايام دي على خير يارب

المشاركة الأصلية كتبت بواسطة dr-mohamed

هل المطلوب من الجيش ان يترك المتظاهرين يحتلوا مبني الاذاعة والتليفزيون ويحتلوا القصر الجمهوري ويصفق لهم ؟؟؟؟؟؟؟؟؟
هذه رموز الدولة وليست رموز النظام
ما معني ان يصر المتظاهرين على اقتحام هذه الاماكن ؟؟؟؟؟؟؟؟؟؟؟
من يدفعهم الي التصادم مع الجيش ؟؟؟؟؟؟؟؟؟
سمعت احدهم يسئل هل تضمن ألا تسيل الدماء فقال نأمل
قيل له هل تضمن ذلك قال الجيش المصري لن يطلق الرصاص على المصريين

هل المطلوب ان يفعل كل انسان ما يريد ويقول الجيش لن يطلق النار على مصري ؟؟؟؟؟؟؟؟؟؟؟

اتقوا الله في مصر واهل مصر

هو ده اللى عايز افهمه ليه مصممين يحتكوا بالجيش وليه فعلا اماكن بعينها والله فعلا بحس ان فى كواد وسط الناس مصممة على عمل خلل وحدوث اضطرابات وفتن بين الناس وحسهم على الاعمال ديه وتحصل مجازر والدنيا تخرب والجيش يتورط فى ضرب ناس والناس تضرب فى الجيش وناس تانيه تجلنا من بره بئا بحجة حماية مصالحها وكله تحت غطاء الحرية
وخلينا احنا نتمحك فى الدستور ونبص تحت رجلينا كمان وكمان