وائل غنيم: كان هدفنا التغير وليس الانتقام

**م. حاتم السباعي** · 11-02-2011 03:09 AM

اكاد اجزم بأن هذه هي الفتن التي حذرنا منها رسولنا الكريم
الا يوجد بينهم رجل حكيم
بيكون شاطر في التاريخ يعلمهم ان (( في الاتحاد قوه ))

وان خروجهم من التحرير هو بداية النهايه
سواء انقسام فيما بينهم
او خروج عن الشرعية المتمثلة في رأي الاغلبية منهم (( اي الجموع المحتشده في التحرير ))
اخاف من الصباح ان اجدهم يخونو بعضهم كما خونونا من قبل خلال الايام السابقة لمجرد اننا طالبناهم بالانتظار و المضي قدما نحو الانتاج

م.حاتم السباعي

**dr-mohamed** · 11-02-2011 03:15 AM

المشاركة الأصلية كتبت بواسطة egyzizo

وائل بيقول على (صفحته) فى الفيس بوك انه هيعمل استطلاع للرأى ، حد يعرف فين الاستطلاع ده ، ونشترك فيه ازاى؟

الرابط بتاع الاستطلاع مش شغال

المشاركة الأصلية كتبت بواسطة hagan

اخاف من الصباح ان اجدهم يخونو بعضهم كما خونونا من قبل خلال الايام السابقة لمجرد اننا طالبناهم بالانتظار و المضي قدما نحو الانتاج

م.حاتم السباعي

هههههههههههههههههه
باشمهندس حاتم مش هايستنوا للصبح
دلوقت ناس منهم بيخونوا وائل وبيقولوا ان امن الدولة اشتراه علشان قال هرجع اعمل استفتاء للناس واشوف رايهم ايه وخد عندك بقة عينات من يا خائن يا عميل اشتروك بكام والرحيم فيهم قال يا جماعة وائل مشوش عقليا من اول ما اعتقلوه اعذروه
المهم دلوقت مش وائل ولا اللى معاه لانهم فعليا مش هما اللى بيحركوا الشارع ولا ميدان التحرير
اللى بيحركه دلوقت هما اللى يبقدروا يشحنوا ناس من المحافظات ويملوا الميدان برجالهم من كل انحاء القاهرة واللى بيوهموا الاخرين انهم المسيطرين

**dr-mohamed** · 11-02-2011 04:00 AM

ان اعلى الصفحة بتاعة وائل يا نور القمر والمشاركات فيها عادية جدا

â€«ظƒظ„ظ†ط§ ط®ط§ظ„ط¯ ط³ط¹ظٹط¯ | Facebookâ€¬

**medo_2060** · 11-02-2011 04:21 AM

المشاركة الأصلية كتبت بواسطة نور القمر

يعني اللي في التحرير مستنيين الامر من وائل
حاجة عجيبة والله
صدق اللي قال ماشيين بسياسة القطيع
وائل قال نطلع التحرير نطلع
وائل خلينا قاعدين نقعد
وائل يطلع يقول كفاية ارجعوا بيوتكم نرجع
يطلع البيان كاذب ووائل مقالش حاجة يبقى نرجع تاني
مش كل واحد عنده عقله يوزن به الامور ليه دايما مستنيين اللي يوجهكم

الكلام دا غير سليم اولا لان مفيش حد هناك ماشى بأمر وائل غنيم هما بيحبوه وبيعتبروه رمز وبس
والدليل انه بقاله 12 يوم محدش يعرف عاش ولا مات والثوره عملت كل الى حصل دا لو ماشيين بسياسه القائد كانوا وقفوا
والناس مش عايزه تفهم ليه انها ثوره شعبيه يعنى دول مش شويه شباب طالعين مع وائل والى زيه لأ الشباب هما الشراره الى حركت الثوره دى وبعد كدا كل اطياف واصناف الشعب فيها دلوقتى
ثانيا كلام حضرتك عن سياسه القطيع مهين لأى حد هناك والناس دى مضحتش بكل دا عشان نقول عليهم كلام زى دا وارجو ان حضرتك تتأكدى من اى كلام جارح زى دا قبل ما يتقال لان فعلا مش وائل ولا غيره الى بيحرك الناس دى عشان تقولى منتظرين توجيه من شخص

**dr-mohamed** · 11-02-2011 04:42 AM

المشاركة الأصلية كتبت بواسطة cheetos_892005

و انا بقيدك ...كفايا بقا
تخيل يا دكتور محمد ؟؟؟ فاكر انا كنت بايد المظاهرات باستماته ازاي
ليه بتراجع؟؟؟ اولا انا شايف ان كده فعلا ان شوكه النظام بتتكسر
ثانيا و ده الاهم : كفايه دم .... انا واثق في شباب 25 يناير المثقف
بس في نفس الوقت الغوغاء زادو اوي و بقوا متهورين اوي و ده هيبوظ الثوره
لان كده هيعمل تصادم مع الجيش و كفايه دم و هيحصل فوضي
نفسي شباب 25 يعلنوا الرضي و الانسحاب من الميدان
عشان بس محدش يقول اني كنت اهبل الاسبوع اللي فات
انا كنت مؤيد الاسبوع اللي فات المظاهرات ...وده مكاسبه بانت ان الحكومه بقت بتجري بجد في خطوات الاصلاح
لكن كده بقي خطر .... توقفووووووووووووووووو

يا شيتوس انا مشارك فيها من ايام الدعوة لها وبعد كدة من يوم 25 فعليا لكن دلوقت الامور وصلت للفوضي الرهيبة في اخر يومين وبيان النهاردة انهي كل شئ والسلطة الفعلية منقول من ايام للجيش
وشباب 25 يناير المثقف طلبة الجامعات اللى خرجوا وخرج الشعب المصري كله وراهم والله العظيم قابلت ناس كتير منهم في التحرير الايام اللى فاتت وطبعا بعرف انهم كانوا موجودين من الروايات عما جري في ايام التظاهر تايهين وحاسين بالضياع دول الشباب الحقيقيين مش المقييمين في مدينة الانتاج الاعلامي من قناة لقناة او اللى قالوا مش هنشارك نهائي وندعو للحوار واول ما بدات بشاير نجاح الثورة جريوا يركبوا الموجة ويخطفوها وللاسف خطفوها هما دول اللى مسيطرين على التحرير دلوقت ودول ميهمهمش مصلحة البلد يهمهم مصلحتهم وبس حتي لو البلد اتحرقت وبقت انقاض مش مهم لانهم هما واتباعهم هايحرضواووقت الجد يختفوا ولما الجيش يخلص على نص المتظاهرين يطلعوا هما على جثث الموتي

**Sharky** · 11-02-2011 11:40 AM

وائل غنيم يؤكد فى اتصال هاتفى للعربية :

انه لم يكن الهدف الإنتقام لكن الهدف كان الإصلاح السياسى و هو ما يتك بالفعل الأن

و هو يطالب المتظاهرين بالهدوء و التعقل و اعطاء الفرصة للتعديلات
و ان لم تتم فعلا فعليهم الرجوع لميدان التحرير