الدكتور البرادعي بطل الثورة

**wawoo** · 11-02-2011 11:12 AM

المشاركة الأصلية كتبت بواسطة ams

لا بطل و لا حاجة
و البطل مش "ينادى" بس
البطل بيعمل و اللى هو الشباب فالشعب
الكلام اللى بتقولوه ده زى بالظبط ما اوباما اخد نوبل للسلام عشان "نواياه"

و انت عاوز يعمل اية اكتر من اللى عملة ..مهو لازم اللى حيعمل فى الاخر هو الشعب .و لا انت عاوز البرادعى ينزل يعمل مظاهرة لوحدة مثلا فى الشارع
القائد بيكون هو الملهم و هو المحرك و هو الذى يوجة ..و العمل بيكون دائم عن طريق من يؤمنون بمبادئة و رؤيتة
هذة صفات القائد فى اى ثورة و فى اى حركة ..احنا بس اللى معندناش ثقافة التظاهر و ثقافة الحركات الشعبية عشان كدة هذة الثورة متخبطة الان حول اهدافها و حول انجزاتها

**ams** · 11-02-2011 11:25 AM

و لما اعتصمنا قبل كده فى 6 ابريل كان هو فين ؟
الايام من 25 ل 28 يناير كان هو فين ؟
و جاء بعد ماتمت هزيمة الامن و نزول الجيش بعد بذل الدم و تحمل الخساير المادية
و مين اللى جمع الناس اصلا ؟
اقولك مين
النظام
مفيش غيره هو اللى جمع الناس ضده بفساده و صلفه و غباوته

**wawoo** · 11-02-2011 11:43 AM

المشاركة الأصلية كتبت بواسطة ams

و لما اعتصمنا قبل كده فى 6 ابريل كان هو فين ؟
الايام من 25 ل 28 يناير كان هو فين ؟

مين اول من طالب بالتغير ..مين اللى بداء بجمع التوقيعات للمطالبة باللتغير ..مين اللى طرح فكرة التغير من اساسة
6 ابريل و غيرها من الاعتصامات و مظهارت العمال و غيرها من الاعتصمات كانت نييجة مطالبة البرادعى بالتغير و تنفيذ مطالب البيان اللى اصدرة من بدرى جدا قبل كل الاعتصمات دى

طبعا لازم ينزل الشباب الشارع و لازم تحصل مواجهة و هو ما دعى اية البرادعى من وقت وصولة ..و هو ما اتقنع بة الشباب الذى قام بثورة 25 يناير ..

و البرادعى فى النهاية اكد اكتر من مرة انة لا يطمع فى سلطة ولا يريد قيادة ..و هو حقق اهدافة بالفعل بدفع الشباب و كل المظلومين و المقهورين للنزول للشراع والتعبير عن رايهم بكل شجاعة ..

**wael3m** · 11-02-2011 12:06 PM

بص ياسيدى انا واحد من أوائل الناس اللى وقعت على بيان التغيير بتاعة اللى دعا فيه
لتعديل مواد الدستور لترشح رئاسة الجمهورية ومشاركة المصريين اللى فى الخارج اللى زى فى العملية الانتخابية
يمكن هو من أوائل الناس اللى دعت للتغيير وناس كتيير وقفت معاه لانه شخصية دولية وله علاقات جيدة جدا جدا
على مستوى العالم بس لا أعتقد انه يكون مؤهل لرياسة الجمهورية فى الوقت الحالى لانه بعيد عن مصر 30 سنة
يعنى لو مسك دلوقتى هيكون فى أخطاء كتييرة هيعملها بدون قصد نظرا لعدم معرفته بمصر يعنى متابعة جرايد
او اجازة شهر فى السنة عمرها ما هتكون كفاية ابدا انه يعرف مصر كويس

انا شايف انه ممكن يكون نائب رئيس اهو منها مخسرناش الراجل ومنها أستفدنا منه فى نفس الوقت
( دى وجهة نظرى الشخصية ) يعنى تحتمل النقد والنقاش

**wawoo** · 11-02-2011 12:54 PM

المشاركة الأصلية كتبت بواسطة wael3m

انا شايف انه ممكن يكون نائب رئيس اهو منها مخسرناش الراجل ومنها أستفدنا منه فى نفس الوقت
( دى وجهة نظرى الشخصية ) يعنى تحتمل النقد والنقاش

وجهة نظر تحترم يا استاذ وائل ..لكن ادينى عقلك كدة ..يعنى الرئيس اللى كان عايش بننا 30 سنة ماذا قدم لمصرو انت شايف بنفسك مستوى الثورة الشعبية عامل ازى..

منصب الرئيس يحتاج الى شخصية سياسية و حكيمة و تستمع لمطالب الشعب و تاخذ القرارات المناسبة لذلك و يختار الشخصيات المناسبة للمناصب المناسبة ..

فى النهاية الرئيس لا يحكم لوحدة فى رئيس وزراء و فى وزراء و فى مستشارين وفى مناصب كتيرة هى اللى بتتولى تنفيذ السياسات المناسبة لكل مرحلة ...و كل دول اكيد حيكون من المصريين الموجودين فى البلد و يعرفون جيدا السياسات و القرارات المناسبة للشعب المصرى

عموما موضوع الترشيح للرئاسة دة سابق لاوناة لانة الاوضاع لم تستقر بعد .. وعندما تصل البلاد لمرحلة الانتخابات الحرة ..حنشوف مين المرشح للرئاسة و و قتها نختار الافضل لمصر ان شاء الله

**otefa** · 11-02-2011 12:57 PM

المشاركة الأصلية كتبت بواسطة Xander2010_Evo

هوا آه نادي بالتغيير
بس ماكملش ولا عمل أي خطوات جادة
دفع بالشباب والشباب مقدرش يكتم في نفسو بعد الإنتخابات المزورة والمخبرين والبلطجية إللي تبع الشرطة
بس هوا إتداري فترة طوووويلة جدآآآ
وحاجة مستفزة لما يجي بعد غياب زي ما بيقولوا وهوب بالباراشوت علي الناس في ميدان التحرير
بعد ماناس إتقتلت وإنسحقت ويجي بكل برود "لا مانع عندي في تولي الرئاسة لفترة مؤقتة"
هههههههه أنا صراحة موت من الضحك
كفاية كده علشان أنا شايل منه كتير بعد ماكنت من الناس المؤيدين ليه
إكتشفت إن كل واحد فالبلد دي بيدور علي "مصلحتي أولآ"
هووووب 16 حزب نطقوا عالثورة وتحدثوا بإسم الشعب
مين فوضهم؟؟ كفاية بقي هيا كلمة قالها عمر سليمان
الشعب المصري غير مستعد للديمقراطية
بجد الراجل ده يستحق أن أرفع له القبعة زي مابيقولوا هوا والفريق أحمد شفيق
بس للأسف هما دوول الرجال المناسبين في الوقت الغير مناسب خاااااالص

**ams** · 11-02-2011 01:24 PM

المشاركة الأصلية كتبت بواسطة wawoo

6 ابريل و غيرها من الاعتصامات و مظهارت العمال و غيرها من الاعتصمات كانت نييجة مطالبة البرادعى بالتغير و تنفيذ مطالب البيان اللى اصدرة من بدرى جدا قبل كل الاعتصمات دى.

تيجى ازاى دى ؟
الكلام ده كان قبل ما هو يجى اصلا

**M.Mostafa80** · 11-02-2011 01:29 PM

برادعى مين اللى بطل مش عايز اقول كلام يزعل حد منى
انا لا مع برادعى ولا حزب وطنى ولا وفد ولا أخوان
اللى بيحصل دا مهزله وكل اللى انا زكرتهم دول هيجيبونا ورى

الرمز الوحيد النضيف اللى شايفه قدامى هو عمرو موسى
وبلاش والنبى كلمه البرادعى البطل دى (البيه هو اللى سلم العراق على طبق من دهب للأمريكان الله يفحمه زى ماهو السبب فى النار اللى فى العراق دلوقتى )

**mrwho1982** · 11-02-2011 01:35 PM

المشاركة الأصلية كتبت بواسطة m.mostafa80

برادعى مين اللى بطل مش عايز اقول كلام يزعل حد منى
انا لا مع برادعى ولا حزب وطنى ولا وفد ولا أخوان
اللى بيحصل دا مهزله وكل اللى انا زكرتهم دول هيجيبونا ورى

الرمز الوحيد النضيف اللى شايفه قدامى هو عمرو موسى
وبلاش والنبى كلمه البرادعى البطل دى (البيه هو اللى سلم العراق على طبق من دهب للأمريكان الله يفحمه زى ماهو السبب فى النار اللى فى العراق دلوقتى )

اؤيدك بشدة وارفع للك القبعة

**age** · 11-02-2011 01:58 PM

برادعي ايه وايمن نور ايه واخوان ايه
البلد بتضيع يا ريت اي حد يعرفلا واحد في ميدان التحرير يكلمه يرجع كفايه كده
الطمع يقل ما جمع

الموضوع: الدكتور البرادعي بطل الثورة

LinkBack

أدوات الموضوع

عرض

-

-

-

-

-

-

المواضيع المتشابهه

ماذا قال الدكتور يسري أبو شادي عن البرادعي!!!

موقف الدكتور عصام العريان من البرادعي

بالفيديو رأي الدكتور محمد البرادعي في التعديلات الدستوريه

تنبؤ الدكتور البرادعي بالتغيير في فبراير

شكرا سيادة الدكتور محمد البرادعي.

الكلمات الدلالية لهذا الموضوع

المفضلات

المفضلات

ضوابط المشاركة