عرض للطباعة
الصراحه اللي بيحصل في ميدان التحرير بقي مش مظاهرات
بقت مولد سيدي التحريري
كل واحد واخد عياله علي كتفه
واللي عملك حلاق الثوره والحلاقه مجانا
واللي عمل زار
ما تيجي نروح نعمل هناك مراجيح
وعربيات متصادمه (علشان ده موقع سيارات)
ورجاء يا كريم متعتبرش ده اعلان
عن التحرير بارك
الشعب لا يريد اسقاط النظام, الشعب يريد تقليد تونس
اللي يعرف الفرق بين السرطان والحية يعرف إن كل واحد له طريقة مختلفة في الموجهه. الحية تقطع رأسها انما السرطان لا يتم مواجهته بالاستئصال, عشان ببساطة هينتشر تاني. السرطان له علاج كيماوي ينتشر برده فالجسم كله عشان يواجهه السرطان. مطالب الثورة هي اسقاط النظام واختزلوا النظام في الرئيس. محدش حس إن النظام ده سرطان لازم عشان يتغير أو يسقط كلنا نتغير أو نسقط.
لو الرئيس تنحي خلاص كده الناس تمشي وتقول نجحنا. محدش فاكر إن كل واحد فينا فساد, كلنا رشوة, كلنا تلاعب.
كام واحد فينا أول ماامين شرطة يوقفه مش بيطلع العشرين جنيه. كام واحد مش بيحاول يزرق فالطابور ويدي الموظف 5 جنيه عشان يخلص ورقه وينسي الناس اللي واقفة قبله فالطابور.
مطالب الثورة دلوقتي مبقتش اسقاط النظام, مطالب الثورة عدم تحكيم العقل وتقليد تونس.
ياريت نعيد النظر فالثورة عشان لو الرئيس مشي بس والناس روحت من التحرير احنا كده ما أسقطناش النظام. كلنا قادرين علي اقامة نفس النظام بنفس الفساد أو أكتر. لو استئصالنا اكبر خلية ليس معناه مواجهه السرطان. النظام لم يسقط و لن يسقط بتنحي رموز.
اللي بيطالب بتنحي رمز عايزه يسقط دون النظام. عايز هو يحمل الراية بعديه ويكمل بنفس النظام أو يبتدي نظام بتاعه.
تونس لم تسقط النظام ولسة الفوضي شغالة عشان لسة النظام قائم واللي حصل هو تغير رمز. ياريت نفوق ونعرف احنا عايزين إيه. نسقط النظام ولا نقلد تونس؟؟؟
+1111111111111اقتباس:
المشاركة الأصلية كتبت بواسطة john_samy_1
هههههههههه والي بيتجوز هناك وعمل فرحه
والي رايح يقابل او يتعرف
والي رايح عشان مش لاقي ياكل واهو ياكل ببلاش
والي رايح عشان فاضي فراغ الموت واهي تسليه جديدة وحركة جديده في ايامنا نعملها
صبرني يارب
دي الخلاصهاقتباس:
المشاركة الأصلية كتبت بواسطة john_samy_1
الموضوع بقي مسأله كرامه اشمعني تونس تمشي الريس و احنا لأ يعني التونسه رجاله و احنا مش رجاله
دلوقتي بلاش مبارك
بلاش عمر سليمان
بلاش طنطاوي
بلاش
بلاش
. . .
بصراحه ال نزل يوم 25 نزل شايل كفنه على ايده
اتصدى للامن المركزى والقنابل المسيله للدموع والرصاص المطاطى
هما دول شباب الثوره الحقيقين
لكن بعض ال بيروح دلوقتى واخدها فسحه
كفاية ياوائل غنيم وياشباب التحرير
- علشان ماتبقوش زى الدبة اللى قتلت صاحبها
والتاريخ يلعن افعالكم بدلا من ان يمجدها
حكموا عقولكم وبلاش تهور
- علشان ماتدوش فرصة للاعداء انها تلاقى مبررات لغزو البلاد
- علشان امنكم وامانكم
- علشان احترامكم لذاتكم
- تنفيذا لتعليمات ديننا الاسلامى الجميل بتوقير الكبير وعدم اذلاله
- علشان صورتنا الجميلة قدام العالم اننا شباب مثقف واعى وليس اهوج او اخرق
- الدرس اللى كنتوا عاوزين توصلوه وصل بكفاية وانتم لسه موجودين تقدروا تعملوها مرة واثنين وعشرة لحد ما يتحقق اللى انتم عاوزينه
- عودوا الى شعاركم الذى بدأتكم به ثورتكم الخضراء ، حرية .. كفاية .. عدل .. ديمقراطية
وتحيا مصر دائما وابدا
العالم التيت دول دلوقت عايزين عمر سليمات يتنحى
نجيب مين طيب يمسك البلد ويكون عاجبهم
دى كدة تقليد لتونس وبس
اؤيد كلام حضرتكاقتباس:
المشاركة الأصلية كتبت بواسطة john_samy_1
و اتبعه بأن اي تغيير يحدث يجب ان يأخذ الوقت كي يحقق الهدف
لو كان لنا ابن و حدث له اعوجاج او خروج عن الشرعية او انه قد ضل الطريق هل سنعدمه و نخلص منه
هل نطرده و لا نسمح بتواجده وسط اخوانه مرة اخري
ارجو ان يحكم كل واحد فينا عقله
فيما تمر به الامة من مخاطر
ما الذي سوف نكسبه من الانقسام
من سيستفيد من انقسام الوطن
انهم اعداء الوطن
اللهم ابلغت اللهم فاشهد
م.حاتم السباعي
ياريت محدش يقول ان الموجودين دلوقت دوول ابطال
انا كنت لسه هناك يوم الاربع وحلفت اني مروحش تاني خالص
فعلا ده بقي سوق التحرير او مولد او القناطر الخيريه التانيه وال funny الي بقي يميز الشعب المصري عن بقيه الشعوب والشعارات الي الناس كانت بتعملها بقت استعرضاات وبقي فيه اكل وشرب وطبل وزمر واحتفالات واغاني والميدان امتلي بناس رايحين يتفرجوا والشباب بقي همه التصوير والي ساحبلي خطبته ورايح يفسحها هناك والي بيتصورلي جنب دبابه والي رايح يظبط بنات والي بيرفعلي يافطه كل يوم عليها شعار او نكته علشان الناس تصوره وتنزلها علي الفييس بووك
بجد انا ندمت اني فكرت اروح اشارك
النظام يتحدى الشعب وعمر سليمان ظهر على حقيقته فى الازمة - لا شك انة يوجد غوغائيه بين المتظاهرين ولكن من يحرك المظاهرات مازالو هم من اشعلوها فى ال 25 - اذا لم يتغير النظام فسوف تضيع كل انجازات الثورة وسوف يكون النظام اشد فسادا وقسوة