لا شيء بلا ثمن ...... ولا مخاض بدون ألم

دماء الشباب الطاهر اللي روت ارض مصر
الحالة الامنية متردية والشعب كله اشتغل خفراء تحت بيوتهم
الخسائر الاقتصادية رهيبة
الاخطار الخارجية والداخلية محدقة
الناس مش عارفة تجري على لقمة عيشها
...
كل ده حقيقة وواقع بنعيشه كلنا .... لكن
لازم يكون فيه ثمن للحرية والديموقراطية والحياة الكريمة .... والثمن ده لازم يدفع مقدما ....
وده الل حصل وبيحصل
اي ثورة لازم لها شهداء .... ولازم لها تضحيات
هيا امريكا علشان تبقى كدة .... مش مرت ببلاوي اكتر من كدة بمراحل
وفرنسا وثورتها الدموية
واسبانيا ومجازرها .... واوروبا والحروب اللي خاضتها
من زمان في المنتدى هنا وفي غيره وانا باردد ان اكثر الاوقات اظلاما هي ما قبل الفجر
لكن عمري ما تخيلت اني ح اشوف الايام دي بنفسي .... بصراحة لم ارتقى بأحلامي لهذا
ربنا يبارك في شباب مصر واهلها ويحفظنا من الفتن .... ويحفظنا من كيد الكائدين وحقد الحاقدين ....
الا بالمناسبة هما الحكام العرب كلهم ساكتين ومطنشين كدة ليه ؟؟؟؟؟ ولا خايفين احسن مبارك يفضل في الحكم ... ولا خاييفين من امريكا ......... ده حتى دول امريكا اللاتينية اتكلمو ...... صحيح .... الجبن سيد الحلاق
....
عتابي الوحيد هو النزعة التهكمية والانتقامية والسباب والشتيمة اللي بنشوفو من البعض
المفروض نترفع عن كدة ونحفظ لساننا وكرامتنا
احنا اول ثورة على الهواء مباشرة في التاريخ ......... يعني العالم كله بيتفرج علينا .... واحنا شعب عريق وصاحب حضارة .... مش احنا اللي نشتم ونشمت بالشكل ده