السلام عليكم .
بعض السيارات يتم تحديد السرعه
القصوى لها مثلا 80 كم / للساعه ,
ومهما تدوس على دواسة البنزين ,
فان السرعه لاتزيد عن ذلك .
السؤال :
كيف يتم ذلك ؟ يرجى التوضيح .
مع الشكر لكم .
.
عرض للطباعة
السلام عليكم .
بعض السيارات يتم تحديد السرعه
القصوى لها مثلا 80 كم / للساعه ,
ومهما تدوس على دواسة البنزين ,
فان السرعه لاتزيد عن ذلك .
السؤال :
كيف يتم ذلك ؟ يرجى التوضيح .
مع الشكر لكم .
.
حضرتك بتتكلم علي حاجه من اتنين
يا اما الكروز كنترول اللي هوا مثبت السرعه عشان ما تفضلش دايس بنزين في الطرق السريعه بس لو دوست بنزين العربيه حتسرع معاك
يا اما التحديد الاكتروني للسرعه زي ما بي ام محدداه في عربياتها علي 250 كم\ساعه
ممكن تحط دواسه او مسمار مثلا تحت دواسه البنزين
فى عربيات بتنزل كده زى الميكروباص التويوتا والبولو 99
اعتقد فيه جهاز تحديد سرعة بيركب في الميني باصات السياحية بتحدد سرعتها على 90 ولما السواق بيحب يجري بينزل يفك سلك الجهاز من تحت العربية وفي اخر اليوم بيقوم موصله تاني
انا معرفش اسم الجهاز ايه الحقيقة او بيركب فين ولكن عرفتها من سواقين التويوتات السياحية
شكرا لكم .
وبانتظار توضيحات اخرى .
.
أيون ،، تلجيم العربية ،، شفته في العربيات الي في الخليج ،،، ده بيكون في الكارته بتاعت الإي سي يو ... بحيث أنه بيفصل ضخ أي بنزين زيادة للعربية أول متوصل للسرعن المُحدَدة ... و دي بتعتبر زي أعادة برمجة للإي سي يو ...
أرجو أن أكون أفدتك .. و علشان تعملها ،، لازم تكون عندك عربية أنجيكشان .. و تظبط في برمجة الأي سي يو ... :)
بالمناسبة ... هو مختلف عن الكروز كنترولر ...
انا عندى فى العربيه مسمار تحت الدواسه كان راكب فيه بكره كده مهما ادوس على الاكسريتير اخره 140 مش راضى يزيد روحت فاككها فاكيد عند حضرتك المسمار ده وواحد صديق ليا كانت عنده برضه فى الشاهين
آآآآآآآآآآآآآآآآآآآآآآآآآ ه .. لالالا .. ده مش مسماار و مش بيحكم العربية ،، ده بيحكم فتحة الثروتل بتاعك :))
لأن الثروتل بيتفتح بالكابل بتاع الأكسراتير الي بيتشد مع الدوس على دواسة الأكسراتير ... فغلط أنك تفك الدواسة دي ،، لأنها بتحدد آخر مشوار الدواسة و لو فكتها ... كده أنت زودت المشوار أكتر و بالتالي حتشد كابل الاكسراتير أكتر من اللازم و ممكن تبوظ البكره ،، ده غير أنك بقيت تفتح الثروتل أكتر من الأول .. و ده غلط !!! لأنه غلط عامةً أنك تفتح الثرةتل على آخره و أنت ماشي ... و كمان معنى كده أن عربية حضرتك كانت بتنتع عشان تجيب ال 140 ؟ ولا كانت لسه عايزه تاني بس مش بتزود ؟؟
و نصيحتي بجججد ... رجعه تاني زي الأول ... :((
أنا بتكلم على الي أعرفه .. أن تحديد التوب سبيد للعربية الي مش حتتخطاها .. عن طريق الكمبيوتر بتاع العربية .. حتى في الأمارات كانوا بيبرمجوا العربيات تاني و يلعبوا في الأي سي يو ،، عشان تفتح معاهم ،، لنها بتنزل من المصنع على هناك كده ... لها سرعة قصوى محددة .... و هما عشان بيحبوا اللعب و الجري و كده .. بيفتحوا العربية :)) و عندهم فتح العربية يعني فتح حدود السرعة عادي ،، يبقى معاك كامارو ،، و ممكن تجيب معاك 220 كم \ساعة مستريحة جداً جداً جدااااااً ... بس آخرها 160 أو 200 بالكتير أوي ... :((( شوفت بقا أزاي :(( بزمتك مش حاجة تزعل :((
الف شكر لك .
يعني يتم ذلك عن طريق برمجة كمبيوتر السياره .
طيب ما هو الذي يحدث بهذا الاجرارء
الذي يحدد سرعة السياره القصوى ؟
ما هو الكنترول اكزوز ؟
هل هو ما يسمى فرملة الاكزوز ؟
وان نعم كيف تحدث فرملة الاكزوز ؟
او ما هو الاجراء الذي يحدث من اجل
ان تكون ما يسمى فرملة الاكزوز ؟
.
أها .. بس في الخليج .. الطرق بتساعد على كده اوي ...
عفواً....
اما عن الأجراء.. فده بيكون حسب الشركة نفسها ... بس عامةً.. بمجرد الوصول للسرعة المحددة .. بيقف ضخ البنزين للموتور .. و مهما دوست على دواسة البنزين .. لن يستجيب المحرك للأمر و لن يزيد ضخ البنزين و لن تزيد السرعة :) فقط حتثبت .. او تقل لو شيلت رجلك من على الدواسة بفعل مقاومة الهوا ... أما لو عنجم بالأضافة للموضوع ده كروز كنترول .. يبقى حتى لو شيلت رجلك من على الدواسة .. حتفضل السرعة ثابتة .. إلا عند الفرملة
أما عن الذي يحدد السرعة القصوى للسيارة .. هي البرمجة نفسها
أما عن الكنترزل أكزوز ... لم أسمع بهذا المصطلح من قبل .. ارجو أني اكون عرفت أساعدك :)
ممكن لو هي خليجي تكون مقفولة فعلاً.... بس برده دي عشان تتفتح تاني و تجيب أعلى من كده .. لازم يتعمل ري مابينج .. او يتفتح الكمبيوتر بتاعها و يتهكر عليه ... :)))
ككده يبقى قشطة المهم انها فتحت معاك مش اكتر :)) بغض النظر عن الطريقة
لكن عامةً ألي انا اعرفه عن الطريقة دي قلته للأخ صاحب الموضوع :)
تقبلوا مروري :)
تحديد سرعة العربية زي العربيات البي ام و المرسيدس الجديد كلها محددة الكترونيا علي 250كم/س كسرعة قصوي (بس العربية تقدر تجيب اكتر من كده) و عشان العربية تجيب كمان لازم بتعمل حاجة اسمها remap و دا يغير الmap بتاعت العربية
لان طبعا العربيات البي ام او المرسيدس الحديثة دي عبارة عن كمبيوتر ماشي علي الارض
كل حاجة فيها اومر قمة في التعقيد مش زي العربيات القديمة خااااااااااااااالص و طبعا بيبقي لها map و دا بيبقي فيه وقت كل حاجة و اي حاجة من اول ما العربية يتتفتح و الانوار بتشتغل لحد كمية البنزين و الهوا اللي حتتحرق و توقيت فتح الصمامات ...كل حاجة محسوبة في الMap طبعا حضرتك العربيات دي قمة في التعقيد و صعبة في الصيانة انا مرة كنت بتكلم مع مهندس في توكيل بي ام و شرحلي ازي الفتيس الاوتوماتك الحديث بيغير علشان تغير بس في وحدة اسمها TCU و وحدة تانية مش عارفه اسمها ايه و سنسورات بتقيس السرعة و سنسورات بتقيس العزم و موضوع معقد جدا جدا عشان العربية تغير بس
فالناس بتعدل في الmap بحيث ان العربية تجيب اقصي سرعة لها
و الاكروز كنترول دا عمري ماسمعت عنه لو قصد سيادتك الكروز كنترول دا مثبت السرعة و له كذا نوع
في اللي التقليدي اللي تثبت علي السرعة
و في الحديث و بيبقي اسمه Radar Guided Cruise Control و دا بيخلي العربية تمشي علي سرعة العربية اللي قدامها مع المحافظة علي فرق 2.5 متر بينهم
بصراحة رد حضرتك وافي ماشاء الله .. بس عندي تعليق علة حاجة ..او حاجتين بمعنى اصح
أولاً.. هي في عربيات تانية غير المرسيدس و البي أم .. زي الكامارو و الومينا أس أس الجديدة .. و الكرايزلر .. و أي حاجة في الخليج بتعدي ال 200 :))
ثانياً ... هما بيحددوا الليميت بتاعها اقل من كده ... لدواعي الامان .... في دول الخليج مثلاً.. لدواعي امان المسافرين و كده .. العربيات بتنزل آخرها 200
يعني تخيل عربية موستانج شيلبي !!! و آخرها 200 .... و غصباً عنك .. و تكاليف فك الشفرة بتاعت الكوبيوتر دي هناك .. غالية .. و لو أتمسكت بعربيتك عامل كده بتبقا فيها مشااكل عالية اوي ...
هناك عربيات الشرطة هي الي بتنزل من الشركة مفتوحة :))
اشمعنا الشرطة بقا متعرفش ... :)) :E_braces[1]::E_braces[1]::E_braces[1]:
شكرا يا فندم
هوا تقريبا موضوع الليمت دا علي حسب المكان
انا ولدي معاه مرسيدس w211 E280 و مقفولة علي 250
و لازم طبعا في الخليح تتقفل علي 200 دول ناس بيدخلوا علي الاكسلتير علي طول و يحط رجله و يخليها علي الله و المشكلة انها مش عربيات 4 سلندر زي بتاعتنا 1600 و 2000 و الكلام القاضي دا
دي عربيات بكل ما في الكلمة من معني ....... مواتير 8 و 6 سلندر و دوسه البنزين لها قيمة و فيها كلام تاني خاااااااااااااااااااااااا االص غير اللي عندنا (اوعدنا يا رب )
و اكيد عربيات الشرطة مفتوحة عشان يعكشوا علي الناس اللي فاتحين الليمت من قفاهم
ان شاء الله ربنا يكرمك يا باشا و تجيب حتة Exotic و لا American Muscle و تبقي تشيل الليمت و تطير بيها
شكرا لكم جميعا .
اقصد ما يسمى بفرملة الاكزوز : وهي بالشاحنات وبدل ما تدوس
فرامل باستمرار وتسخن الفرامل فانه يوجد صوت فرمله وكانه
يلف الدرايف شافت بشكل عكسي او مش عارف كيف
هذا هو سؤالي .
.
سؤالك في اول الموضوع كان مختلف
ولكن عامة
فرامل الاكزوز
الاكزوز في الخليج معناه الشكمان
يعنى فرامل الشكمان
بتستخدم في الشاحنات فعلا او ومحركات الديزل عموما
عن طريق زرار معين بيفصل دخول الوقود وفي نفس الوقت يقفل مجرى الشكمان
فيحصل انضغاط للعادم في مجرى الشكمان ويدخل العادم مرة تانية للسلندر ويضغط على البستم بشكل عكسى فيخلي الموتور يلف بشكل عكسى وده معناه مقاومة لحركة الشاحنة وبالتالى فرملة
دى الفكرة بشكل مبسط جدا
و ده مقال ويكيبيديا بالانجليزى لو عايز تفاصيل فنية اكتر
Exhaust brake - Wikipedia, the free encyclopedia
طب دا مش غلط على الموتور ؟!