تسلسل موقفك كان ايه ؟

**Ayman-Ahmed** · 11-02-2011 10:04 PM

قبل : متوقعتش تصعيد الامور(مش هنمشى-هو يمشى)
أثناء : مؤيد وشاركت يوم 4 فبراير معنويا فى ميدان الشهداء
الان : اتلخبطت اول ما سمعت خبر التنحى وبعدين فوقت على زغروطة وايميلات من برا بالتهانى

**Ralliart** · 11-02-2011 10:09 PM

يوم 25 مؤيد بشده ومشاركتش علشان الامتحانات
من يوم 26 مؤيد ومشارك لحد خطاب الريس اترددت شوية بس بعدها ب6 ساعات شفت البلطجية ففضلت مؤيد ومشاركتي متقطعه لحد النهاردة

**MaZaGAngeE** · 12-02-2011 12:02 AM

قبل - مؤيد بشدة
اثناء - مؤيد بشدة
الان - مؤيد للتنحى و المحاكمة لكل اللصوص

**yoko** · 12-02-2011 12:08 AM

قبل ما بين شاكك ومهتم
في الأول مع
في الأخر خايف ممن المستقبل وكنت مع بقائة لحد أخر المده
الأن فرحتي متتوصفش

**FunnyMickey** · 12-02-2011 12:19 AM

قبل الثوره : عيال عبيطه ثوره ايه اللي يقوموا بيها
يوم 25 و26 : ياااااااااااااااااااااه مصر بتتغير (كرمبه قاعد قدام التلفزيون )
الخطاب الاول : الله عليك ياحسني روحوا بقي
يوم 27 و28 : لا حول ولا قوه الا بالله الله يخربيتك ضيعت البلد
الخطاب الثاني ونزول الجيش : الحمد لله روحوا بقي الجيش نزل
موقعه الجمل : ياولاد التيييييييييييييييييييييي يييييييت (كرمبه قاعد قدام التلفزيون بردو)
قبل الخطاب الثالث : ما زلت كرمبه بس بتنزل الشغل
الخطاب الثالث : الكرمبه اتشلت وجالها استبحس واتخنقت بس لسه قدام التلفزيون
التنحي : بيب بيب وزي العبيط بالعلم

تقييمي لنفسي : شخص سلبي يعيش علي هامش المجتمع ينتظر اخرون ليأتوا بحقه المسلوب
الاسم المختصر : كرمبه
:( :( :(

**Mohamed_Rashad** · 12-02-2011 12:45 AM

الله أكبر و الحمد لله رب العالمين.
اللهم لك الحمد و الشكر كما ينبغي لجلال و جهك و عظيم سلطانك.
استقبلت كمية تهاني و مكالمات من مختلف طبقات الشعب الروماني هنا في رومانيا فرحانين و سعداء جداً لينا.
أصل بصراحة الطاغية كان حارق دمهم 18 يوم بيتفرجوا على نشرات الأخبار و منتظرين الفرج و مش متخيلين ازاي رئيس بيحب بلده يتسبب في مقتل المئات من خيرة ابناء بلده شهدائنا الله يرحمهم و يكونوا ان شاء الله من أهل الجنة.

**mahmoodallam** · 12-02-2011 01:13 AM

البداية ما كنت اتوقع انه هيكون في عدد
وقلت لو الاخوان هيروحو هروح لقيت الاخوان ما نزلوش من البداية قلت مش هنزل لانه كان عندي اعتقاد خاطئ ان المظاهرة اللي ما فيهاش اخوان مش هيكون فيها عدد كبير
وبعدين الخميس اللي قبل جمعة الغضب سمعت عن مظاهرة عندي في شبين لكن الاخوان ما كانوش لسه اعلنو انهم هينزلو الشارع بس قلت اروح اشوف العدد لو لقيت عدد حلو هشارك
رحت ما لقيتش ولا بني ادم ولقيت حوالي 15 عربية امن مركزي غير البوكسات وعربيات الضباط و و و و ..... الخ
بعدها علطول الاخوان اعلنو مشاركتهم في المظاهرات وحددو اماكن التظاهر بعد صلاة الجمعة ورحت وكانت فعلا جمعة الغضب !
ومن ساعتها يا في التحرير بايت هناك يا انزل شبين علشان احضر مظاهرة او علشان استحما وانضف هههههههههههههه .
ولغيت شغلي كله والله الاسبةعين اللي فاتو دول وناس كتير اضايقت مني بس جمعة الغضب دي شوفت فيها شوية حاجات ما تصعب على الكافر يا راجل .
الحمد لله والشكر لله
وما النصر الا من عند الله

**Egyzizo** · 12-02-2011 01:33 AM

قبل مؤيد ..
25 يناير وحتى خطاب الرئيس الأول .. مؤيد بشدة
بعد التنازلات التى قدمها النظام .. كده رضا
الآن : الحمد لله وأرجو أن لا تطول الفترة الانتقالية العسكرية أكثر من بضعة شهور.