ترشيحك للرئيس الجديد

**mahmoodallam** · 12-02-2011 01:01 AM

انا اقترح عبدالله الأشعل
وهو مساعد وزير الخارجية الاسبق
او محمد سليم العوا
او فهمي هويدي
والبلد مليانة ناس محترمين وبيفهمو الحمد لله
الناس كانت بتقول يعني مين ممكن يحكمنا غير حسني
80 مليون مش لاقيين فيهم واحد بيفهم ؟ وعجبي !

نسيت اقول ان انا ارفض اي شخص كان له اي صفة في النظام الساقط حتى ولو كانت مهنته فراش .

**Col. Eng. Khaled** · 12-02-2011 01:25 AM

المشاركة الأصلية كتبت بواسطة ralliart

بس عنده مشكلة ان قراراته حازمه ومفيهاش سياسة و كان مضايق بتوع الدفاع الجوي جامد
مش عايزين نرجع تاني لحكم الجيش
هما رجالة محترمين جداً لكن في مجالهم

خدمتي كلها دفاع جوي ، مين إللي قال لحضرتك الكلام ده ؟

أما الحزم عنده إن كان زائد فده كان له أسبابه في فترة توليه للقيادة .

المشاركة الأصلية كتبت بواسطة nabaster

سيادة العقيد

متهيالي كفايه اوي كده حكم عسكري

ولا ايه راي حضرتك؟؟؟؟

a.yakout

حضراتكم عندكم كل الحق في إن الرئيس القادم يكون من خارج العسكريين

و أنا معاكم في التجربة دي من باب التجديد .

**SeiffoZ** · 12-02-2011 01:41 AM

زويل ... رجل هيرتقى بالعلم فى مصر ...

بالنسبة للسياسة ... وزارة الخارجية ... هتقوم بالواجب ..

إلا لو نفذنا إقتراح هيكل بالدولة البرلمانية

**Ralliart** · 12-02-2011 01:44 AM

المشاركة الأصلية كتبت بواسطة col. Eng. Khaled

خدمتي كلها دفاع جوي ، مين إللي قال لحضرتك الكلام ده ؟

أما الحزم عنده إن كان زائد فده كان له أسبابه في فترة توليه للقيادة .

ليا قرايب دفاع جوي فنيه عسكريه وكانو عندنا في البيت لما جت سيرة سامي عنان وانهم استدعوه من واشنطن ولقيتهم في نفس واحد بيعترضو وبيقولو ده كان مطلع عنينا

**AhMeD EzZ** · 12-02-2011 02:44 AM

المشاركة الأصلية كتبت بواسطة cayman69300

و الله العظيم يا احمد انت برنس الملوك و جبت من اخر الاخر
و فعلا كل واحد فيهم اللى انت اخترتهم باشا بمعنى الكلمة
عمر سليمان ( الرجل الحديدى او الرجل الوطنى او الخصم العنيد ) و الاسماء دى علشان فى الاتقاقات بيبقى جامد موت و جبار و بيموت فى تراب بلده & هو الوحيد اللى حل ازمة دول حوض النيل بعد ما ابو غيط دهول الدنيا
سامى عنان لا غبار علية
احمد شفيق فوق الوصف
جودت الملط اثق فية اكتر من نفسى
احمد زويل هيخلى العيال فى 3 ابتدائى نوابغ
و اوعى تنسى احمد الجويلى وزير التموين السابق
و طبعا كمال الجنزورى
و احمد كمال ابو المجد فى وزارة العدل
و يا رب نعمل احلى كوكتيل زى اللى عند فرغلى بتاع جامعه الدول
و الله الموفق

ربنا يخليك يا باشا
بس الجنزروي استبعد الاعتماد عليه في الفترة القادمة لعامل السن و الصحة