الموضوع: عايز رايكم في موضوع مهم بالنسبه ليا

اولا مبروك عليكم وعلينا الحريه

بما اني زي اي شاب نفسه في شقه ونظرا للظروف اللي فاتت والكام سنه اللي فاتو واللي خلت كل حاجه ولعت ومش عارف اشتري شقه حتي الان

وزي ماالبعض عارف موضوع المقاول اللي بيروح لصاحب بيت ويهده ويبنيه من جديد ويطلع عماره وياخد النص وصاحب الارض النص

واحد معرفه بقي قالي هات 100 الف وفي عماره 10 ادوار عايزيين نطلع بيها 13 يعني هيذودو 3 ادوار وغالبا وبنسبة 99% مفيش ترخيص بس الدنيا في الكس معظمها دلوقتي شغاله كده الا الشركات

هو هياخد ال 100 الف يطلع بيهم ال 3 ادوار وانا اخد شقه وهما الباقي يعني ببساطه في ظروف 6 شهور بالكتيير قوي ال 100 الف هتبقي مش اقل من 350 الف لاني سالت قبل كده هناك وكانت العماره اللي جنبها شقه 135 متر ب 420 الف

الموضوع بيلف في دماغي وشايفها فرصه ممكن اشتري بيها شقه في حته حلوه زي سموحه وابقي اقسط الباقي او اعمل نفس الحوار كذا مره لحد ماالعمليه تتظبط

بس السوال بقي حد جرب المواضيع دي قبل كده؟

ولو هدخل معاهم المفروض اعمل ايه عشان اضمن حقي؟

وياتري بعد اتنحي الرئيس هل مواضيع البناء من غير تراخيص والحوارات اللي بيعملوها عشان يدخلو مياه وكهرباء ويدفعو غرامه كل شهر هتفضل ماشيه ومفيش عماير تتهد ولا هيفتحو التراخيص ولا ايه النظام؟؟

ارجو المساعده ضروري

جزاكم الله خيرا مقدما

خلاص ياشباب ان شا ءالله هنفض للموضوع
انا برده قلت اكيد الفتره الجايه هيبقي في تشديد جامد علي الحاجات دي