يا جماعه فى فيلم كرتون جديد مسىء للرسول عليه افضل الصلاه و السلام
و مسىء لزوجات الرسول عليه افضل السلام
و بألاخص يجسد علاقه الرسول بالسيده عائشه
الفيلم هولندى
و توجد حمله لمقاطعه المنتجات الهولنديه من يوم 10 ابريل و حتى 25 ابريل
برجاء المشاركه فى هذه المقاطعه لنصره رسولنا و نصره الاسلام
و لكم الاجر ان شاء الله ؛؛؛؛؛؛؛؛
ياريت يا سندريلا تقوليلنا ايه هى المنتجات الهولندية
علشان ما اشتريهاش
وليه من 10 الى 25 بس ان شاء الله طول العمر ومش كده بس الى ربنا يقدرنا عليه نعملة كمان
ولاد الخنازير دول لازم يقفو عند حدهم
:confused::confused::confused::confused::confused: :confused::confused::confused::confused::confused: :confused:اقتباس:
المشاركة الأصلية كتبت بواسطة sokasoon
موضوع المقاطعه أقترحه الدكتور محمد سليم العوا بالاشتراك مع عمرو أديب
و السبب زى مقلت لكم الفيلم الكرتون المسىء للرسول عليه افضل الصلاه و السلام
و قد أعرب رئيس الوزاء الهولندى عن استياءه و رفضه لهذا الفيلم الكرتون
و لكنه لم يتخد أجراء حازم بمنع الفيلم
او اصدار قانون يمنع الاساءه الى الاديان
هدف المقاطعه :
الضغط على الحكومه الهولنديه لاصدار قانون يمنع الاساءه الى الاديان
سبب تحديد مده المقاطعه من الفتره 10 ابريل الى 25 ابريل :
اولا : ان تكون فى فرصه نستطيع من خلالها نشر موضوع المقاطعه بين المسلمين فى جميع العالم الاسلامى
و بذلك تكون المقاطعه مؤثره على التجاره الهولنديه
زى ما انتوا عارفين الغرب مبيفهمش غير لغه المال
فتره محدده بعدد كبير من الناس من جميع انحاء العالم حيكون له تأثير كبير على الاقتصاد الهولندى
و بذلك تكون ضغطه قويه على الحكومه الهولنديه.
ثانيا : اننا بندى فرصه للمستوردين فى العالم العربى و الاسلامى انهم يصرفوا منتجاتهم المستورده من هولندا
او تخزينها مؤقتا و بيعها بعد فتره المقاطعه
و ذلك حتى لا تحدث خسائر ماديه للمستوردين العرب
بالنسبه لأسماء المنتجات الهولنديه :
ان شاء الله حكتبها لما عمرو اديب يقولها فى البرنامج
لكن اكيد احنا ممكن نقرأ على المنتجات المستورده بلد الصنع
كمان فى الطيران الهولندى و الجبن و القهوه.
برجاء نشر خبر المقاطعه و سببها و مدتها و هدفها لنصره نبيكم و لكم الاجر ؛؛؛
وأكد فينتيس أن مقاطعة أكثر من 1.3 مليار مسلم لمنتجات الشركات الهولندية
يمكن أن يضر بالصادرات الهولندية خاصة لدى شركات دولية كبرى
مثل (شل) و(فيليبس) و(أونيليفر) معروفة بأنها هولندية.
المصدر: موقع محيط
http://www.moheet.com/show_news.aspx?nid=106622&pg=3
معلش بس ممكن اقول كلمة ممكن تكون معارضة بس بالراحة
دلوقتي احنا لما قاطعنا منتجات الدانمارك كان عشان الدولة قلبا وقالبا رفضت الاعتذار
صح
لكن دلوقتي ده فرد واحد هولندي اساء
والدولة من وراه بتقولوة احنا مش هانسيبك يبقي كدة دي اساءة فرد مش اساءة دولة كاملة
انا بس حبيت اتناقش معاكم في النقطة دي
خاصة ان الفيلم مش معروض في قنوات حكومية هولندي
لاء ده معروض على الانترنت وكمان يوتيوب مش مواقع رسمية حكومية
بس ممكن يا كريم الشركات دى "وهى شركات كبيرة" تبقى ورقة ضغط على حكوماتهم إنهم يعملوا تشريعاقتباس:
المشاركة الأصلية كتبت بواسطة karim_monir
يمنع الإساءة للأديان!
(طبعاً مش حباً فينا و لكن مراعاة للمصالح التجارية وهو ده اللى بيهمهم)
اقتباس:
المشاركة الأصلية كتبت بواسطة GoldenManEye
بالظيط كده
يظهر انك يا كريم بتحب لمبات فيليبس
ها ها
لمبات ايه بس يا محمد
طب مانتم لو قريتوا الخبر اللي في محيط :
ورفضت الحكومة الهولندية الفيلم الذي يأتي بعد سنتين من مواجهات عنيفة بين المسلمين والغرب بعد بنشر رسوم كاريكاتورية مسيئة للنبي محمد في الصحف الدنماركية ،التي قدرت خسائرها غرفة التجارة الدنماركية بحوالي إلى 3 مليارات دولار وفقدان 20 ألف وظيفة.
ونقل راديو (سوا) عن رئيس المنظمة الهولندية لأرباب العمل برنارد فينتيس قوله اليوم "لا أعرف إذا كان فيلدرز غنيا أو يملك تأمينا جيدا لكن اذا تعرضنا لمقاطعة فسنرى إذا كنا نستطيع تحميله مسؤولية ذلك" ،فيما أكد فيلدرز زعيم حزب الحرية الذي يشغل تسعة مقاعد في البرلمان الهولندي انه لا يتحمل مسؤولية عواقب عرض الفيلم.
وأكد فينتيس أن مقاطعة أكثر من 1.3 مليار مسلم لمنتجات الشركات الهولندية يمكن أن يضر بالصادرات الهولندية خاصة لدى شركات دولية كبرى مثل (شل) و(فيليبس) و(أونيليفر) معروفة بأنها هولندية.
من جانبهم اعتبر وزراء خارجية الدول الأعضاء في الاتحاد الأوروبي أن الفيلم "يخلط بين الإسلام والعنف" رافضين هذا الموقف ومعربين عن "دعمهم الكامل" للحكومة الهولندية التي أعربت رسميا عن "آسفها" لبث الفيلم.
ودعا الاتحاد الأوروبي كافة الحكومات إلى بذل كل ما في وسعها لتفادي العنف والاعتداءات.
سحب الموقع البريطاني "لايفليك.كوم" الذي استضاف العمل الفيلم مساء الجمعة مشيرًا إلى تهديدات للعاملين فيه. إلا ان الفيلم ما زال موجودا على موقع "يوتيوب" ومواقع أخرى.
وأدان الأمين العام للأمم المتحدة بان كي مون بشدة بث الفيلم معتبرًا ان لا شيء "يبرر خطاب الحقد والتحريض على العنف".
يعني هو ده اللي انا بقولوة
ان الحكومات نفسها رافضة كدة حتى الامم المتحدة
وانت عارف ان سن التشريعات والقوانين مش سهلة كدة
بس حتى الشركات مش ناوية تسكت وبتقولوة انتم مش اغنياء كدة وتقدروا تتفعولنا للخساير اللي هاتحصل
يعني مش هانسيبك لا انت ولا حزب الحرية بتاعك
والموقع البريطاني رفع الفيلم من علية وقاللك انا ماللي
طب ده موقع خاف ليه
تكيد من المسلمين برضه
يعني احنا الحمد لله قوة لا تستهان بها وخايفين من سلاح المقاطعة بشدة بس طالما فرد ماحكمش دولة بحالها
الا لو الحكومة الهولندية وقفت معاه زي الدانمارك وحمته يبقي اخدو بالجزمة
لاء واقل من الجزمة كمان
كويس إنت بتقول إن الشركات دى بتهدده برفع قضايا تعويض عليه "اذا تعرضنا لمقاطعة فسنرى إذا كنا نستطيع تحميله مسؤولية ذلك"اقتباس:
المشاركة الأصلية كتبت بواسطة karim_monir
إحنا بقى عايزنهم يرفعوا قضايا عليه و يخربوا بيته علشان كل واحد يفكر مليون مرة قبل ما يعمل حاجة تانية!
للأسف الحاجة التانيه جايه فى السكة و هو فيلم يسىء لأمهات المؤمنين!
يا جماعة مهو المقاطعة دى مش عمال على بطال كدة , يعنى اعتقد المقاطعة دى تستخدم كحل اخير , مش معنى كدة اننا نسكت على اى اسائة , بس هناك قنوات كتير للمواجهة قبل المقاطعة , و احسن حاجة فعلا اننا نشتغل مع الامم المتحدة على قانون يمنع ازدراء الاديان و الرموز الدينية , دة حيحط حد لكل المشاكل دى , و بالقانون نقدر نقاضى اى حد , تمام زى اليهود مهم عملين مع الهولوكوست .اقتباس:
المشاركة الأصلية كتبت بواسطة alsindrella
أعتقد محتاجين نقنن استخدام سلاح المقاطعه حتي لا يفقد مفعوله
و بعدين انا معلوماتي ان شل شركة متعددة الجنسيات حاليا يعني ليس لها جنسية حاليا و لا أتكلم عند بدء الإنشاء (و برضه بدء انشاءها مش هولندي)
الامم المتحدة والقنوات الشرعية دى كلها مش متاحة لينا! دى متاحة للحكومات و المؤسسات ذات الطابع الرسمى ...اقتباس:
المشاركة الأصلية كتبت بواسطة wawoo
وفى الاخر عارفين نهايتها إيه فيتوو!
إحنا بنتكلم عن اللى نقدر نعمله وبعدين دول 15 يوم بس، يعنى رسالة صغيرة! احسن من مفيش!!
ودى وسيله مؤثرة جداً حتى الأمريكان بيستخدموها! بس على المستوى الحكومى مش المستوى الشعبى
(يعنى لو وقفوا إستيراد او حتى حطوا قيود على الإستيراد من دول معينه ، إقتصاد الدول دى ممكن ينهار).
بس إحنا المستوى الحكومى عندنا عنده إهتمامات أخرى!
بداية شل من انجلترا و حصل اندماج بعد كدة مع شركة هولنديه ضخمه و حاليا هي شركة متعددة الجنسيات
في حالة مقاطعة شل ستتأثر شل بقوة حيث أن معظم دول الخليج تعتمد علي منتجاتها
أما مصر فتعتد أكثر بكثير علي اكسون موبيل
في سياسة عالمية مشهورة أٍسمها good cop / bad cop و دي معناها زي ما بنقول بالبلدي واحد يشد وواحد يرخي ودا عشان هما اكيد خايفين نعمل معاهم زي ما عملنا مع الدنمارك و المقاطعة كدا كدا فيها فايدة للبلد فليه لأاقتباس:
المشاركة الأصلية كتبت بواسطة karim_monir
انا بس وجهة نظري حاجتين
اننا ما نفقدش سلاح المقاطعة لان دلوقتي في ضغط داخلي علية ونشوف هما هايتصرفوا معاه ازاي
والضغوط الخارجية نسيبها للاخر
وحكومة هولندا نفسها رافضه الموضوع قلبا وقالبا
اما عن المقاطعة عشان ننشط اقتصاد بلدنا ده حاجة تانية وانا بشجعة بشدة وموافق علية تماما ويكون الاولي المنتجات الامريكية اللي مالية الاسواق
كريم منير : صباح الخير عليك و على كل الاعضاء
انا بس حرد سريعا عن نقطتين لانى مستعجله و عندى شغل
المهم
1- فعلا زى ما انت قلت فرد واحد اساء و الحكومه انكرت الموضوع ووووووو لكن مفيش اجراء حازم اوقانون اصدروه لمنع الاساءه للاديان
و نفس السؤال ده اتسال للدكتور سليم العوا و رده بمنتهى البساطه طب ليه انا المسلم اخذ على قفايا كل مره و اسكت
و هو انا كمان ذنبى ايه انهم يسيئوا اليا
زى ما بنقول ذنب الشعب الهولندى ايه
احنا كمان ذنبا ايه
و زى ما احد الاخوه الاعضاء قال برضو ان دى فتره محدده للضغط على الحكومه علشان تاخد موقف من مقاطعه دائمه .
2- احنا يا كريم مفيش فى ايدينا شىء تانى ممكن نعمله غير المقاطعه
محدش معبرنا و لا حد بيسمع لنااااااااااا
اللى بيحرقهم اوى الخساره الماديه
و اصلا هما لما شموا خبر بموضوع المقاطعه هددوا نائب عندهم ان لو حصل لهم خساره ماديه حيرفعوا عليه قضايا
و يمكن عقبال يوم 10 يكونوا وقفوا المهزله دى
و يا دار مدخلك شر
و يا ريت لو فى حد تانى عنده افكار اقوى من المقاطعه ياريت تتنفذ و كله بثوابه
كلنا هدفنا واحد ؛؛؛؛؛؛؛؛
سندريلا مساء الخير
شكلك لسه صاحية من النوم عشان كدة بتصبحي ونازلة مستعجلة هاتشيلي سنتيت على ضرس وممكن تاخد ناب في السكة يكون حايش الكماشة اللي بتخلعي بيها
انا مابطيقش الزنانة بتاعتكم دي رغم ان ضرسي واجعني من 6 شهور وبسبب صوت ال زززززززز دي مش هاروح للدكتور حتى ولو عملت زي توم هانكس وخلعتة بايدي
انا معاكي ان سلاح المقاطعة هو بس اللي في ايدينا وانا اقصد اننا نستني تدخل الدولة لحد النائب عن التمادي عشان مش كل دولة اقول هاقطع هاقطع
لازم يعرفوا اننا لو نوينا المقاطعة يبقي فيها خراب بيوتهم
بس تدخل الحكومات لحماية المصالح بالقوانين بياخد وقت فعلا
وواضح ان اروبا كلها هاتتجة نفس الاتجاة وتمنه ازدراء الاديان
وخدي باللك ان اكتر ديانة واكتر شخصية بتذدري بالخارج سيدنا المسيح علية السلام
عشان كدة لازم يكون لينا وقفة ايجابية فعلا بس نشوف تصرف الدولة هناك ازاي
وانا معاكم مع المقطعة من يوم 10 ان شاء الله ولن انشق عن الجماعة
طب مكنستي الفيلبس باظت انزل اصلحها ولا ارميها بقي
وكتنت هولندي اصلي وغالية جدا
))))))-:
أنا عن نفسي حاعمل زي كريم
و مش حاشتري حاجة هولندي
بس هو فيه ايه هولندي لاني مش عارف
(غير فيلبس)
دي اقل مساعدة مني في المقاطعة
http://www3.0zz0.com/2008/04/03/14/862472218.jpg
http://www3.0zz0.com/2008/04/03/14/748542963.jpg
http://www3.0zz0.com/2008/04/03/14/691796209.jpg
جميع المنتجات الهولندية تنتهي بالارقام المتسلسله
8716506 999404
جزاك الله خير يا كريم ؛؛؛؛
بصراحه الله ينور عليك ؛؛؛
يا كرييييييييييييييماقتباس:
وانا معاكم مع المقطعة من يوم 10 ان شاء الله ولن انشق عن الجماعة
طب مكنستي الفيلبس باظت انزل اصلحها ولا ارميها بقي
وكتنت هولندي اصلي وغالية جدا
علشان لسه مغير الزيت الشل بتاعك قريب و لسه بدري علي ما تعمل ال 10 الاف كيلو فقولت ادخل المقاطعه
فاهمك انا هههههههههههههههههههه