بسم الله الرحمن الرحيم
اولا مبروك كل لمصري حر
مبروك لكل مصري سعى للتخلص من الظلم والاستبداد واهدار الكرامة
ولاكن عندي رسالة
لماذا دائما نراهن على النظريات السوداوية والسمع لفزاعات كان يروجها البعض ولا نعمل عقولنا
ولماذا بعد كل فزاعة وفشل السيناريو المتوقع لها لم نرجع الى الصواب ودائما ننتظر فزاعة جديدة
هل هذا لان البعض ادمن الاستكانة وليس في الامكان احسن مما كان وهل هذا لاننا شعب ادمن الذل
هل هذا لاننا تعودنا وتم تاصيل في عقولنا ان الحرية والكرامة تمنح ولا تطلب فاصبحا غير مصدقين اننا ممكن ان ننتفض لكرامتنا وحريتنا وبناء عهد جديد
ولو مش فاكرين انا بتكلم على ايه هفكركو
1-الفزاعة الاولى انسحاب الشرطة وخدعة انتشار البلطجة وانعدام الامن ولذلك يجب على الشعب الالتزام والعودة الى المنازل للقضاء على البطجة والفوضى
2- الفزاعة التانية وقف الحال والتهديد بان الحال هيوقف والاقتصاد هيخرب وكالعادة هناك من يكون جاهز لتلقف هذه الفزاعة بصدر رحب ويطالب الناس بالعودة
3- الفزاعة الثالثة خروج بعد المؤيدين للنظام بالملايين وسوف يحدث تصادم مع المعارضين وستكون الفتنة الكبرى وايضا لاقت هذه الفزاعة ترحيب كبير وانقذو البلد من اراقة الدماء وارجوكو ارجوكو ارجعو البيت وافهمو زينا انتو مش افهمين وكالعادة تفشل هذة الفزاعة
4-الفزاعة الرابعة البلد هتخرب من المؤامرات الخارجية وهناك ناس من حماس وايران وناس شكلهل غريب وناس من بلاد الواق واق هما المسيطرين على التحرير وكالعادة وسبحان الله تجد هذه الفزاعة صدى كبير لدى البعض وخلاص يا ريت يرجعو البيوت احسن كدة بقت مؤامرة كبيرة
وقبلئل الهوتو والتوتسي موجودين في التحرير
5-اخر فزاعة وهي الفزاعة قبل الخلاص الكبير للطاغية وهي الحرس الجمهوري سيسيل الدماء وكفاية بقى قلة ادب والناس ترجع البيوت وبلاش مشوار القصر الجمهوري بلاش احنا بنفهم افهمو زينا بقى!!!!!!!!!!!!!
وفي النهاية لم يحدث لان الامصريين لن يقتلو بعض دفاعا شخص
انا مكنتش هقول الكلام اللي فوق ده لاكن المصيبة السودة ان دول ملاقوش حد يديهم فزاعة جديدة
فبداو يعملو فزاعات خيالية الحكم العسكري خلاص سلمولنا على الديمقراطية وامريكا خلاص هتحتلنا وغيره وغيره ولسه
يا ناس العالم كله شرقة وغربة بيتكلم على انجاز الثورة المصرية ونخص بالذكر شرفاء التحرير
واحنا لسه فينا اللي بيتكلم على فزاعات وبيقطع في هدوم الناس دول
هو فيه طار بايت بين الثوار في التحرير ومدمنى الفزاعات ولاا ية
احنا في فترة محتاجين كلنا نتجاوز الماضي البغيض ونفكر ازاي يساهم كل واحد فينا في عمل ايجابي
مش لسه بنتريق على بتوع التحرير
لله الامر من قبل ومن بعد