اقتباس:
المشاركة الأصلية كتبت بواسطة karim_monir
هاتغير عشانك يا مصر
اخوانى واخواتى بالمنتدى
اخيرا وبعد ثلاثون عاما تحت حكم مبارك
والذي افسد الكثير والكثير في مصر
والذي لو افردنا الاف الصفحات ما كفتنا ايام طويلة نصف حجم الفساد الذي وصلت اليه مصر
وبناء على حبنا الشديد لبعض
وحبنا الاشد لوطننا الحبيب مــــــــــــصر
اختلفنا مع بعض في نقاط
واتفقنا مع بعض في نقاط اخرى
لكن ما جمعنا
هو اسقاطنا لراس الفساد في مصر
قطعنا لرأس الافعى
ولكن جسد الوطن مثخن بالجراح
جراح الفساد
جراح الرشوة
جراح المحسوبية والواسطة
جراح الاهمال
جراح التقصير في العمل
جراح التقصير في حق ربنا
جراح اخلاقنا التي تدهورت بشدة
جراح اختفاء الاحترام
ايدي في ايدك يا مصري
ننهض بمصر
نصلح مصر الحديثة
باننا نغير من نفسنا
محدش هايخد رشوة
ولا هايدي لموظف رشوة
هانحترم اشارة المرور
وهاحترم المشارة
وهاحترم راكب السيارة ايضا فله حق ويجب ان احترمه
مش هارمي زبالة في الشارع فالنظافة ستكون عنواننا
هاساعد الضعيف
هاقف في وش الظالم واعاتب بادب
مش هاركن صف تاني
مش هانكذب
مش هانشتم
هاغير من نفسي عشان ربنا يقف جنبنا ونكون افضل شعب في العالم
واعمل لولادي واهلي وطن كويس نعيش فيه
ونكون محط انظار العالم كله
الشعب اللي وقف في وش الظلم وغير نفسه
ايدي في ايدك يا مصري
نتغير عشانك يا مصر
في انتظار اقتراحاتكم
لصياغة بنود الحملة
ونشرها بكل قوة على الانترنت
وتكون على صفحة كل منا على الفيس بوك
وهايتم اعادة صياغة بنود الحملة بواسطة خبراء ومثقفين
وسيتم نشرها بكل الوسائل الاعلامية والمطبوعة
وهانطبع بانرات ومطبوعات واللي عايز يساهم فيها
ونكون احنا بنفسنا
اللي صنعنا تاريخ مصر الحديث
وغيرنا سلوكيات شعب مصر
هاتغير عشانك يا مصر
لينك الجروب على الفيس بوك
login | facebook
كريم منير
رئيس مجلس ادارة منتدى نايل موتورز
اكبر موقع سيارات مصري على الانترنت في مصر
www.nilemotors.com
والرئيس الشرفي للحمله
كلنا ان شاء الله هذا الرجل
ده الى لازم يحصل على ارض الواقع
"لا يغير الله مافي قوم حتي يغيروا ما في انفسهم"
وده كان تأثيره ضعيف فى ظل النظام البائد الفاسد لكل القيم والاعراف
دلوقتى بمشيئة الله لا
لازم نتغير................. لازم نتغير