الموضوع: فين اللى كانو خيفين على شغلهم و على اكل عيشهم

المشاركة الأصلية كتبت بواسطة seiffoz

معذره ..

فى ناس شغالة باليومية ..

بقالها 18 يوم منزلتش شغلها ...

فكرت الراجل ده لما فلوسه خلصت يوم 1 فبراير عمل إيه عشان يأكل ولاده ؟؟؟

إنت معاك عربيتك ... و معاك فلوس تكفيك تاكل لفترة قدام ...

متعممش .... عشان إنت متعرفش الظروف ممكن تعمل إيه فى البنى أدم ..

زى الحرب بالظبط ...

فى ناس كتير هتقول الجيش بيحارب .. و مش عايزين ولادنا يموتوا ... هل كل الناس هنا فى المنتدى هينزلوا يشتركوا فى حرب؟؟؟ لأ

فى التخين إللى مايقدرش يجرى .. و فى العيان ... و فى إللى عنده عيال و خايف يجراله حاجة يموتوا من بعده ..

و فى ناس بتخاف .... ممكن إللى نزل فى 25 يناير ... ماينزلش فى دى ..

متقعدوش تقولوا و تعملوا و تسوو ... كفاية الشغل ده.

خليكوا فى فرحتنا و فرحتكم .... و خليك فاكر بردوا ..

إن إنت هترجع شغلك بكرة ..

عندك 2 مليون شخص شغالين فى السياحة ... شغلهم ضاع ...

كان نفسنا الحاجات دى تحصل من غير خسائر ...

بس إللى عملها و متأثرش .. يا ريت ميقعدش يقول و يعيد .. لأنه ممكن بكره يتأثر ..

انا معاك يا باشا فى رايك ده جدااا وربنا مع الناس اللى شغاله باجور يوميه ... بس اكيد الثوره ليها خسائر وربنا يعدى الايام

دى على خير ان شاء الله ... تقبل تحياتى :)