الموضوع: فين اللى كانو خيفين على شغلهم و على اكل عيشهم

معلش
حضرتك بتوجه كلامك "لكل" الى كانو خايفين على اكل عيشهم
طيب
انا كنت و مازلت خايف على اكل عيشى
وده لا عيب ولا حرام
وهقولها فى وش اى حد
الثوره زى ما هتخلينا نتقدم
ليها مساوىء ..وجابت ناس كتير ورا ..ولسه ناس كمان هتيجى ورا
ناس هتقول تضحيه و ناس هتقول نصيب و ناس هتقول قدر ..كل واحد يقول الى هو عاوزه
عموما ومحدش يزعل
لما تبقى تعبت فى ملايين وتضيع منك مهما كان السبب ..اكيد هتزعل و تخاف
ولما تتعب فى جنيه واحد و يضيع منك مهما كان السبب ..اكيد هتزعل وتخاف

الحمد لله ربنا ظهر الحق ونصر الشعب
مش عاوزين حاجات تزعلنا من بعض واختلاف الرأى يضيعنا

المشاركة الأصلية كتبت بواسطة dr-mohamed

والله برغم ان واضح جدا من كلام حضرتك ان فيه شماتة لكن هفترض العكس لانك قلت انك مش شمتان
وبرغم انى لست احد من تقصدهم بموضوعك لان عملي لم ولن يتأثر بالثورة المصرية الا اني في نفس الوقت متعاطف تماما مع كل من فقد عمله او خفض راتبه بسبب الثورة والله اعلم متي يحصل على فرصة عمل جديدة او يعود راتبه لما كان عليه
ولو كانت الحرية معناها عدم الاهتمام بمشاعر الناس او بفقدهم لرزقهم او ان بعضهم يبيع عربيته او يترك شقته لانه كان واخدهم بالقسط ومش هيقدر يسدد القسط لانه فقد عمله او لانه هيخرج اولاده من مدرسة اللغات او المدرسة الخاصة لانه فقد دخله او لانه مش عارف هيدبر مصروف الشهر الجاي ازاي
يبقي متشكر مش عايز الحرية
يا ريت نراعي مشاعر بعض شوية

ده الى انا عاوز اقوله بس بصراحه من الى جوايا معرفتش اعبر ...

فى النهاية لا يصح الا الصحيح ولو فتحتنا الموضوع بتاع المواقف الخاصة بكل عضو هنا هايحصل تجريح

كل الناس كانت منقسمة على نفسها مش فاهمة الصح فين والصح مين

لكن للحق كان فى ناس ثابتة على المبدا من الاول للاخر وعندها يقين بان دولة الظلم ساعة ودولة العدل الى قيام الساعة

لكن الحق احق ان يتبع مهما خسرت فى شغلى ومالى انا راضى مش هاكون زى اللى خسر روحه او خسر عينه او رجله او خرج من

الموضوع بعاهة مستديمة سواء جسمية او نفسية