امنيتك ايه بعد الثورة

**abo_anas** · 12-02-2011 04:39 AM

نفسى نعامل بعض برحمه . واخلاقنا تتحسن

**Ralliart** · 12-02-2011 05:06 AM

نفسي تتعمل حمله لتثقيف الناس ويتعلمو يعيشو بحرية ويبطلو العادات بتاعت الفهلوه والدراع والرشوه
لان مع اللي حصل كان في فئة مش قليله استغلت الموضوع علشان تسرق وفي تجار غلت الاسعار استغلالاً.......
والناس تستحمل بعض وفي نفس الوقت منحملش على بعض
والناس تفهم ان دي بلدنا مش بلد الحكومة يعني لما اخرب حاجه انا بضر نفسي مش الحكومه لانهم موظفين بيقبضو آخر الشهر ومش هيدفعو من جيبهم
ونفسي الناس تفهم ان صوتها في الانتخابات أمانة مش للي يوزع لحمة أكتر ولا اللي يدفع أكتر
بقترح ان تتعمل حمله لتوعية الناس في الانتخابات لاني شفت بعيني طبقات جاهله من الشعب بتجري وتبوس رجل المرشح اللي يدفع فلوس ويا خوفي يحصل كده في الانتخابات

من الآخر نفسي الشعب المصري كله يبقى زي ميدان التحرير

**Moh.Abdelbaset** · 12-02-2011 01:14 PM

الأخلاق و تنفيذ أحكام القضاء

**نور القمر** · 12-02-2011 01:26 PM

اتمنى كل واحد كان بيستغل منصبه اومركزه في البلد يتقي ربنا ويمشي بما يرضي الله
من اول عسكري المرور اللي بياخد 10 جنيه عشان يسيبك تركن ممنوع

**AlGazar2** · 12-02-2011 01:39 PM

اصلاح التعليم اهم حاجة
البحث العلمى مينفعش يبقى كل علماء مصر بره
اشوف كلمة صنع فى مصر على المعدات الثقيلة

**wael3m** · 13-02-2011 05:54 AM

عارفة نفسى فى ايه يا مدام نور
أنى أحس انى مصرى بجد واتعامل فى بلدى بإحترام
ولاان الأجنبى يتعامل أحسن منى علشان معاه بسبور تانى
ونفسى التعليم والبحث العلمى يكونوا رقم 1 وميزانية الشرطة
تروح ليهم وكنت كتبتها للدكتور احمد فارما
مصر ممكن تتظبط فى ظرف ٥ الى ٧ سنين ولينا فى البرازيل عبرة
كانت تحت حكم عسكرى وديكتاتورية وفقر وهوب انتخابات ديموقراطية
وفى ظرف ٥ سنين البرازيل من اقوى اقتصاديات العالم ومرشحة هى
والهند وتركيا انها تقود العالم للخروج من الأزمة الأقتصادية

**mohamed_mohsen** · 13-02-2011 06:24 AM

الاهتمام بالتعليم و الصحه
اهم حاجتين

**ahmed-moga** · 13-02-2011 06:36 AM

امنيتي ان تذوب الفوارق الأجتماعيه وتحقق الثوره العداله الأجتماعيه التي هي كانت اساس الثوره بالثوره علي الظلم والفساد وان يحقق للشعب المصري الذي شارك بها من اجل عيشه كريمه ومقدره علي العيش برفع مرتابتهم للحد الأدني الذي حكمت به المحكمه الأداريه والتي تماطل الحكومه حتي الأن في تنفيذه بل تم صرف انتباهنا عنه واصبح للأسف الشديد كل الأهداف كيفية الحكم وتنظيم كيف الصعود لكرسي الحكم اقول لكم لقد اصاب الشعب المصري الذي شارك معنا في هذه الثوره الأحباط لتجاهلكم هذ المطلب والذي هو اهم امنيه له فرجاء حققوا له هذه الأمنيه ولا تتجاهلوها حققوا له ان يعيش عيشه كريمه غير ذليله للمال فهذا هو اهم مطلب واهم امنيه من اجلها قامت الثوره بل كنا وقتها نقنع بها عساكر وجنود النظام ان هذه الثوره من اجل ان يعيش عيشه كريمه فرجاء لاتخذلونا ولا تحققوا اهم امنيه من امنيات الثوره

**medomaster** · 13-02-2011 06:43 AM

عشان نبقى كلنا في اتجاه واحد
دي صفحة عملها وائل غنيم وبعض ثباب الثورة بيجمعو فيها الافكار والتصويتات على الافكار وهيتم جردها وتقسيمها وتسليمها للحكومة المقبلة والمسئولين عن البلد ممكن تدخلو تقولو افكاركو وتشوفو أفكار اخرى وتصوتو عليها
حتى الآن فيها ٢٢٬٧٧٦ فكرة وأكتر من نص مليون تصويت
ظ…ظ†ط³ظ‚ ط.ظˆط§ط±ط§طھ Google