السلام عليكم يا اجدع رجاله
كنت عايز اعرف ازاى البوجيهات بتاعت 250 علشان شكلها رطب
النهارده حليت التنك وحليت الفلتر والى تحته وبعد كده انا عطلت
لو فى اى فديو او شرح ياريت
ومتشكرين يا رجاله:help1:
عرض للطباعة
السلام عليكم يا اجدع رجاله
كنت عايز اعرف ازاى البوجيهات بتاعت 250 علشان شكلها رطب
النهارده حليت التنك وحليت الفلتر والى تحته وبعد كده انا عطلت
لو فى اى فديو او شرح ياريت
ومتشكرين يا رجاله:help1:
السلام عليك ورحمة الله ..
بص يا أستاذ حسن ..
أولا انت مش محتاج تفك التانك .. لكن هيكون افضل لو فكيته
ثانيا : ابدأ بفك جنبى الفيبر ( السبعة )
ثالثا : فك المشع ( الرادياتير ) مسمارين من الجانبين واحد من اليمين وواحد من الشمال بمفتاح 10 ومن اسفل المشع هتلاقى تيلة كبيرة شبه بنسة الشعر شدها هيتبقى الخرطوم العلوى للرادياتير فك الأفيز بتاعه بمفك وشيل الخرطوم وخلى بالك من الميه ممكن تقع مش مهم بس ابقى زود المية بعد كده من فوق . هيفضل سلك المروحة هتشيله من الثرموستات ( كلبس )
رابعا: تفك الاسلاك بنزعها من كل بوجيه وخلى بالك من الترتيب .
خامسا: تجيب مفتاح بوجيهات طويل رقم 16 او 17 مش فاكر وتفك وتركب الجديد وخلى بالك وانت بتركب الجديد متقرصش اوى مجرد مايمسك البوجيه فى مكانه اقرص سنة بسيطة وخلاص كده ..
الف شكررررررررررررر لحضرتكالنهارده بأذن الله ححاول اعمل كده لان انا كنت جتنن علشان احلهمواشوف مفتاح البوجيهاتشكرا ليك مره تانيه
السلام عليكم كنت عوز اعرف البوجيهات لما بتبوظ ايه الي بيحصل في الموتو واعرف ازي اي هي باظط
ياباشا بسيطه حل الريداتير ومفتاح بوجيهات 8 ال هوا بتاع البوجيهات الهندى بتاعت الفيسبا الصباب هوا هوا بتاع بوجيهات ال 250
بس متحرقش اوى على البوجيهات فى الرباط
تحياتى لو عطلت فيهم قولى وانا اجى احلهملك فى السريع
سلام ياباشا
شكرا للاستاذ m3_dolphen شكرا للاستاذKHALED2010 النهارده الحمد لله حليت كله وطلعت البوجيهات وبكره بأذن الله حركبهمعلى الفكره المفتاح كان 16 شكرا يا رجاله
انا كنت ناوى اصلا انضف مكنهم
الشكر لله يا حسن باشا .. خلى بالك لما تخلص التركيب وتقفل اتأكد ان المروحة شغالة مع الثرموستات صح
الحقونى يا شباب
ان زى ماقولت المكنه مش عايزه تدور من الاول..طلعت البوجيهات ونضفتهل قولت يمكن وخده رطوبه
المهم ركب واجى ادور.....مافيش فاااااايده..المكنه تفرقع بس مش بتدور
انتو ايه رايكو؟؟
وكمان كنت عايز اسال عن ترتيب الاسلاك بتاعت البوجيهات..بعنى الاول مع الاول والتانى مع التانى ولا فى اختلاف
قلتلك ياعبقرى خلى بالك من ترتيب الاسلاك انت كده لخبطت الاسلاك بص ركز معايا
خلى قدامك الاتنين كويل اللى طالع منهم اربع اطراف كويل منهم بيدى للبوجيه رقم 1 ورقم 4
والكويل التانى بيدى للبوجيه رقم 2 ورقم 3
بكره بأذن الله انزل اجرب لو عليا انزل دلوقتى بس الوقت متأخر
معندكش فكرا الواحد بيتعككن ازاى لما المكنه تقق كده
بس يلا..حعمل ايه وكمان مش عايز اطلع ازق لحد الميكانيكى
ان شاء الله هتعملها الموضوع بسيط بس ركز شوية
نزلللت وجربت..وعلى رأى سعد زغلول..مفيييييييييش فايده
للاسف مافيش حل قدامى غير انى اطلع ززززززززززززززززززززززززز زززززق على الميكانيكى وديه اكتر حاجه بكرها
ازاى يعنى قولى ايه اللى بيحصل بالظبط ؟
بفضل ادى فى مارش ومفيش ولا حس ولا خبر
انت شايف ان العيب ممكن يكون بوجيهات اصلا؟؟
اكيد العيب من ترتيب الاسلاك .. هما نوعهم ايه البوجيهات وبكام ؟
denso
بس الصراحه مش فاكر السعر
انا زى مابقولك ان طلعتهم لانه فى ناس قالت البوجيهات تلاقيها رطبت
رحت سخن وسنفرت
وكمان انا سبت المكنه اسبوعين من غير ما ادورها
وانا اخر مره كنت مسخنها وسبتها
الى يجننى انها عملت كده لوحدها
طيب ارفع الشفاط وانت بتدور المكنة واكشف على طلمبة البنزين يعنى شيل الخرطوم اللى رايح الى الكربريتور ودور شوف هتدفع بنزين ولا لأ .. اهم حاجة تكون المكنة مش بتفرقع
هى كانت بتجيب بنزين وكله تمام
بس كان فى فرقعه بسيطه
المهم بقى انا رحت النهارده ززززززززق طبعا..والحمد لله رحت سخنت البوجيهات ولان واضح انى ماسخنتهاش كويس او غلط
وكمان رمنلها زق اخدت وقت شويه وفرقعه وكده بس دارت الحمد لله
الف شكررررررررررر لمتابعته حضرتك..وربنا يباركلك
واتمنى انى اقدر افيدك زى ما انت افدتنى
الحمد لله انها دارت اصل كنت حاسس بيك لأنى مجرب ... وبعدين احنى اخوة يعنى انا فى خدمتك .. وكان الله فى عون العبد مادام العبد فى عون أخيه
الحمد لله...وشكرا ليك