هام جدا لكل مصرى ؟؟؟؟!!!!! من فضلك

اولا مصر حدث فيها تغير رهيب ولن يحدث من قبل له مثيل لازم كلنا نبدا نفكر بعقلانية
طبعا الانتخابات الرئاسية جاية لازم كل واحد فينا يبدا يفكر بعقله ويختار بين الناس المترشحين للرئاسة واوعى تخلى حد يجبرك على مرشح معين خلى عقلك وتفكيرك هو اللى يختار واختار البرنامج اللى يعجبك
محدش بقا يقول اصل فلان امريكى وده يهودى وده عميل
لا اللى كان بيزور الانتخابات مات خلاص انزل وخد حقك واختار المرشح اللى يعجبك ويمليه عليك ضميرك لازم كلنا نبدا صفحة جديدة ابدا اختار بعقلك اول ما الاسماء المرشحة تبان وانزل وغير بلدك بنفسك

اكيد و ياريت كمان يبقى لينا دور في الحياة الحزبية و السياسية في مصر

مش يمكن يطلع مننا عضو مجلش شعب ولا رئيس جمهورية كمان كام سنة ؟؟ مين عارف

اكيد ان شاء الله .لاْول مرة لو حصلت الانتخابات هاروح انتخب رئيس للجمهورية .ده حلم والله .

يارب نوصل للديموقراطيه الكامله

انا خايف من الكلام الي بيوصل للناس الي بيبوظ صورة فلان في ثانيه.
الفيس بوك زي ما كان السبب في الثوره ممكن يكون السبب في اظهار اي حد بصوره وحشه.
اتمنى من كل واحد يتحرى مصدر الكلام عن المرشحين

أهم حاجة قبل ما تدي صوتك تقرأ الأول عن كل المرشحين بحيادية كامله وتقرأ كل الآراء وتدور بضمير وبعد كده تبدأ تختار المناسب ليك

انما انا ملاحظ ان الناس بتسمع من بعضها ان فلان محترم بيكونو فكره انه محترم وخلاص من غير ما يعرفو حاجة وفي نفس الوقت واحد يطلع يقول على واحد مش محترم كل الناس بتقوول مش محترم من غير ما يتأكدو من صحة الادعاء اللي بيتقال وطبعاً الاشاعات بتنتشر بسرعة البرق

ايوة كل واحد يقرا برامج المرشحين بحيادية وخلى عقلك يختار اللى انت عاوزه