من هذا الرجل .... موضوع كوميدي ...!!!

**د.أبونضال** · 14-02-2011 01:52 AM

المشاركة الأصلية كتبت بواسطة cayman69300

انا هقولكم مين بس اللى هيفهم كلامى اكيد فوق الـ 30 سنة
دة اسمة ابحث عن فضولى . و دة كانت شخصية فى مجله كابتن ماجد & فضولى دة شخصية وهمية المفروض انك تبحث عنة فى المجله كله . و من ورا كانت فيها حكاية بتاعت موزة الحبيبة و شقيقها رشود
ههههههههههههههههههه
زمااااااااااااااااااااااا ااااان

والله فكرتني بالزمن الجميل

**Dr Ahmed** · 14-02-2011 02:20 AM

طيب مدام انتم عارفين مجلة ماجد
أنا كنت بشارك أسبوعيا فى المسابقات بالذات مسابقة أكمل الرسم بالذات فترة الإعدادية
وفزت أكتر من 30 مرة معظمها أكمل الرسم وأحيانا التعليقات ومرة بالجائزة الخاصة (يعنى الحاجات اللى مش بالقرعة)
لدرجة إنى حوشت مبلغ محترم من ماجد واشتريت بيه عجلة محترمة وأنا فى 3 إعدادى

**timonet2020** · 14-02-2011 02:31 AM

ده على الكبير ... ابو بن على

**dodino2006** · 14-02-2011 07:25 AM

المشاركة الأصلية كتبت بواسطة dr ahmed

طيب مدام انتم عارفين مجلة ماجد
أنا كنت بشارك أسبوعيا فى المسابقات بالذات مسابقة أكمل الرسم بالذات فترة الإعدادية
وفزت أكتر من 30 مرة معظمها أكمل الرسم وأحيانا التعليقات ومرة بالجائزة الخاصة (يعنى الحاجات اللى مش بالقرعة)
لدرجة إنى حوشت مبلغ محترم من ماجد واشتريت بيه عجلة محترمة وأنا فى 3 إعدادى

انا برضه كسبت كام مرة من ماجد, بس اقصي مرة كانت 10 درهم تقريبا, و مرة اشتراك سنة مجاناً... و اعتقد الفلوس لسه موجودة في بيتنا القديم..... أيااااااااااااااااام.....

.

**زينة الله** · 14-02-2011 09:46 AM

المشاركة الأصلية كتبت بواسطة SHNORY

لسه شايفله حوالي 100 صوره علي الفيسبوك
مسخره
موتوني من الضحك

شوفتهم الصبح لقيتهم وصلوا أكتر من 500 صورة ههههههههههههههههههههههه

يا عينى عليه زمان كل زمايله فى المخابرات دلوقت مظبطينه

أعتقد بعد ما يشوف كمية الصور دى عمره ما هيكشر تانى ابدا ههههههههههههههههههه

**smsm_cato** · 14-02-2011 12:01 PM

اول شئ لفت نظرى اول ما ظهر على التلفزيون مع اهمية الخطاب ده عليه عقدة حواجب صعبة

**م. عمرو شرف** · 14-02-2011 09:33 PM

منقول من أحد المواقع

طبعا كلنا شفنا الصور بتاعة الراجل اللي ورا عمر سليمان انا قلت اجمعها هي و التعليقات الجامدة اللي طلعت عليه
انا نفسي اعرف ده مين الراجل ده بقي اشهر واحد في مصر

نداء الى جميع الشرفاء والمسؤلين والغير المسؤلين أى حد فى البلد يطلع ويقولنا مين الراجل اللى ورا عمر سليمان دا

عاجل : تجميد أرصدة الراجل اللي ورا عمر سليمان

اشهر 3 حاجات في مصر دلوقتى
---------------------------
1 - ميدان التحرير
...2 - وائل غنيم
...
3 - الراجل اللي ورا عمر سليمان

سي ان ان ... الراجل اللى وراعمر سليمان يثىر ضجة فى الشارع المصرى واجتماعات مكثفة لاوباما للكشف عن هويته

في مفاجائه من العيار الثقيل : الراجل اللي ورا عمر سليمان يعترف للنائب العام بأنه هو فعلا الراجل اللي ورا عمر سليمان

و اكد الراجل اللي ورا عمر سليمان لمصادر مطلعه انه سيقف ورا عمر سليمان حتي نهايه ولايته لحين اجراء انتخابات حره و نزيهه للشعب لتحديد من يقف من بعده!!

رويترز : أوباما يعرب عن قلقه من انه لن يتم انتقال سلمي للسلطة طول ما أم الراجل ده واقف ورا عمر سليمان..

الجزيره:مبارك سافر الي دبي...... العربيه: مبارك سافر الي لندن....التلفزيون المصري:مبارك في شرم الشيخ.... و الحقيقه هي : مبارك في بيت الراجل اللي ورا عمر سليمان

عاجل : في ظروف غريبه انتحر الراجل اللي ورا عمر سليمان

من مصادر مقربة من الباشمهندس عمر سليمان ... اكد عدم معرفته بالراجل اللى واقف وراه ...!!!

وراء كل واحد فينا ........... الراجل اللى ورا عمر سليمان

أحمد حلمى : أحلم بتجسيد شخصية الراجل اللى ورا عمر سليمان

في السنة اللي رفضنا فيها فيلم " بــات مــان " ,, عمــلنا فيها فيلم " الـراجل اللـي واقـف ورا عـمـر سـلـيـمـان"

مـــصـــر .. أفلام عربي ،، أم الأجنبي

خبر عاجل من التلفزيون المصري: الراجل اللي ورا عمر سليمان في خطاب للأمة مساء اليوم لتوضيح حقيقة موقفه

التلفزيون المصري ينفي وجود أي شخص وراء عمر سليمان

الجمعة الجية كلنا في ميدان التحرير تبقى جمعة الراجل اللي ورا عمر سليمان

El ragel ely wara Omar Suleiman.... Connecting People

لو لم أكن مصرياً.. لوددت أن أكون الراجل اللي ورا عمر سليمان..

نتنياهو يعرب عن امله ان يقف ورا الراجل اللي واقف وراء عمر سليمان

نظرا لزيادة شعبية الراجل اللي واقف ورا عمر سليمان ... رد عمر سليمان بتصريح شديد اللهجة و أكد ان هذا الرجل له (( اجنداته الخاصة)) و نحن لا نقبل بذلك

الراجل الى واقف ورا عمر سليمان يهنئ الشعب بالفلانتاين و يناشد كل شاب انو يقف ورا حبيبتة فى مثل هذة الظروف

مجلة تايم الأمريكية تختار الراجل اللى ورا عمر سليمان شخصية العام 2011

مصادر في امن الدولة : الراجل اللي ورا عمر سليمان قفش.. و حلف ما هيقف ورا حد تاني )

عاجل : هيلارى كلينتون تطالب الراجل اللى واقف عمر سليمان بضبط النفس

...واخيرا
أمريكا عندها بات مان و سوبرمان لكن إحنا عندنا الراجل اللي ورا عمر سليمان

مدرس يسأل تلميذ : نفسك تبقى ايه لما تكبر ؟ ..

التلميذ : الراجل الي ورا عمر سليمان

بيان عاجل: صرح مصدر مسئول ان الراجل اللي ورا عمر سليمان هو صاحب الميك وكان مستنيه يخلص علشان يلم العده ويمشي

الراجل مش بس بكلمته - الراجل.....اللي واقف ورا عمر سليمان

باراك أوباما : يـجب أن نربي أبـناءنا ليصبحوا كالرجل اللي ورا عمر سليمان

رئيس وزاراء ايطاليا : لا جديد في مصر فقد وقف رجل ورا عمر سليمان كالعاده

ستولتنبرج رئيس وزراء النرويج : اليوم كلنا الراجل اللي ورا عمر سليمان

هاينز فيشر رئيس النمسا : شعب مصر أعظم شعوب الأرض و الراجل اللي ورا عمر سليمان يستحق جائزة نوبل في الغموض

CNN : لأول مرة نرى شعبا يقوم بثورة ثم يبقى حتى الفجر يتكلم عن الراجل اللي ورا عمر سليمان.

هيفاء وهبي تغير كلمات أغنيتها إلى
رجب :حوش الراجل اللي واقف ورا عمر سليمان عني

الشعب يريد معرفة الرجل اللي ورا عمر سليماااااااااااااااان

أخيراً شفت بعيني معنى كلام نبيل فاروق بتاع : و عقد حاجبيه .. و عقدهما أكثر .. و عقدهما أكثر حتى كادا أن يمتزجا

وراء كل رجل عظيم امرأه .. و وراء كل عمر سليمان , الراجل اللي واقف ورا عمر سليمان

خليك راجل....... واقف ورا عمر سليمان

عاجل : هيلارى كلينتون تطالب الراجل اللى واقف عمر سليمان بضبط النفس

كفاية تهريج بقى وليكن شعاركم في المرحلة القادمة
الله
الوطن
الراجل اللي واقف ورا عمر سليمان

الراجل اللى ورا عمر سليمان يعتصم فى ميدان التحرير و يطالب بالوقوف امام او جانب عمر سليمان

عاجل : الراجل الي ورا عمر سليمان يطالب بعودة النظام عشان مش لاقي حد يوقف وراه

الوقفات الرسمية هذا العام ثلالث وقفات:
وقفة عيد الفطر
وقفة عيد الأضحي
...وقفة الراجل اللي واقف ورا عمر سليمان

نجيب سوايرس يخصص مليون جنيه لمن يدلى على اسم الراجل الي ورا عمر سليمان ؟

أنباء غير مؤكدة: جلوس الراجل اللي واقف ورا عمر سليمان

خبر عاجل:بيبيسى تلغي تعاقد حملتها الإعلانيه مع تامر حسنى وتتعاقد مع الراجل اللى واقف ورا عمر سليمان
...

CNN | مؤكد
أول مرة نرى شعبا يقوم بثورة ثم يتريق على الراجل اللي ورا عمر سليمان

أريد عريساً : س ص ع 35 عام مطلقة بدون أولاد صيدلانية خمرية ملفوفة القوام تمتلك شقة بمسكن الأسرة و صيدلية
مواصفات العريس : 35 الى 40 عام مهندس - عضو هيئة قضائية - عضو هيئة تدريس - لا يدخن - يشبه الراجل اللى ورا عمر سليمان

قد صرح مصدر مسؤول في البيت الابيض انه اذا لم يتم الكشف عن هوية الراجل اللي واقف ورا عمر سليمان فسيتم تطبيق حصار اقتصادي على مصر وذلك لتوجس البيت الابيض من انه قد يكون نفس الراجل اللي كان واقف ورا صدام حسين

**mnomno** · 14-02-2011 09:49 PM

مش ممكن بجد بجد قمه فى الكوميديا و خفه الدم
انا شخصيا حموت و اعرف مين الراجل ده . ده عليه كام بصه يمين و شمال مرعبه

**cheetos_892005** · 14-02-2011 09:53 PM

الراجل اللي ورا عمر سليمان هو مقدم اركان حرب حسين شريف, قائد المجموعة 64 قتال من القوات الخاصة.....
يعني احتمال يركبنا المرجيحه كلنا علي اللي عملناه فيه