انا حاليا بافكر اشتري هيونداي بس في ناس خوفتني من الوكيل الجديد. ممكن حد يقوللي ايه اكبر مشاكل الموضوع ده وازاي الواحد يتغلب عليه. و شكرا مقدما يا رجاله :wink:
عرض للطباعة
انا حاليا بافكر اشتري هيونداي بس في ناس خوفتني من الوكيل الجديد. ممكن حد يقوللي ايه اكبر مشاكل الموضوع ده وازاي الواحد يتغلب عليه. و شكرا مقدما يا رجاله :wink:
نصيحه لله لو تقدر تبعد عن انتاج غبور ابعد
لو تقدر تجيب كوري مش تقفيل مصري يبقى أحسن
طيب ليه .... ممكن توضحلي أكثر ايه المشاكل !
يا أستاذ ... أبو عبدالله ... صدقني مش لازم أن أحسن عربيات فى العالم ... هيا الياباني ... فقط ...
ماله الكوري ... فى أوربا مثلاً الكوري والياباني متقاربين جداً ...بالأضافه أن عربيات كثيره كوري ... تميزت عن الياباني ... وقربت من الأوربي وده من وجهة نظري المتواضعة (زى الألنترا الجديده) ... وأكيد حضرتك عارف ... أن هيونداي الكوري ... دى فى المركز الخامس عالمياً ... وبتسعى للوصول إلى المركز الثاني ... سعر إعادة البيع ... للكوري فى مصر .. مش بطال ...عربيات منتشره والشكاوى منها مش كثيير ... طبعاً ... فيها عيوب ... بس مش كثيير ....
يعني ممكن نقبل نقول عن الصيني كده ... على أساس خبراتنا بالمنتجات الصيني فى مصر ... وعلى أساس أن العربيات الصيني لسه ما تجربتش فى مصر ... بالقدر اللي ممكن نحكم عليها بيه ...
مع العلم أيضاً ... أن غبور مش أحسن توكيل عربيات فى مصر ... ولكنه ليس الاسواء حسب كلام حضرتك ...
تحياتي للجميع ...
م/ حسام منير
مفيش وكيل جديد ولا قديم فية عمو غبور بس ..ينفع
كمان انت معاك يابانى ايه اللى هينزلك للكورى
خليك فى اليابانى احسن
الكورى اسمة الخشن لليابانى يبقى بلاش منة لو قارنته باليابانى
شكرا على جميع الردود
بالنسبة للانسر اللي معايا دلوقتي ... ده لأني قاعد في أحد دول الخليج ... ونازل مصر قريب ... وبفكر أشتري سيارة عائلية في الحدود من 70000 الي 80000 .... و بفكر في الماتريكس
لو حد عنده رأي تاني يقوللي يا جماعة و جزاكم الله خير :) :)
طب متنزل بيها
او اشترى واحدة خليجى من هنا بال 80 الف
MATRIX IS A PERFECT DEAL
طب مين التوكيل الجديد ومين القديم؟
الماتريكس كلها كورى و مفيش منها تقفيل غبور قصدى مصرى و العربية حلوة بس للأسف منفضنيها من الكماليات بتاعتها حتى الفول أوبشن فاضية .
و بعدين توكيل هيونداى طول عمره هو شركة إيتامكو لصناعة السيارات و المعروفة بين الناس باسم غبور مالكها.
و ربنا يوفقك للى فيه الخير ليك و أنصحك إنك تشترى العربية اللى مناسبة ليك و لإمكانياتك بغض النظر عن رأى الناس لأن فى النهاية إنت اللى هاتدفع و إنت اللى هاتركبها و تستخدمها مش الناس و لو عاوز تشوف تقييمات السيارة و تسأل عليها عندك بايو معاه و ممكن يفيدك فيها.
أبو عبدالله قال :اقتباس:
المشاركة الأصلية كتبت بواسطة Hossam Mounir
لو تقدر تجيب كوري مش تقفيل مصري يبقى أحسن
متهيألى يا سيد حسام أبو عبدالله كل كلامه على التقفيل المصرى و ما جابش سيرة اليابانى خالص و أنا أتفق معاه فى الرأى إن التقفيل الكورى أفضل بكتيييييييير و عن تجربة من المجمعة محليا مع حبى .
فعلا أبو عبدالله ما جبش سيرة اليابانى خالصاقتباس:
المشاركة الأصلية كتبت بواسطة abo3bdolrahman
إتفق مع أبو عبدالله و أبو عبدالرحمن فى رأيهم
اولاً اهلاً بك يا اخ سعد عضو جديد ضمن عائلة نايل موتورز :)
بالنسبة لسؤالك احب اوضح حاجة في الاول ان وكيل هيونداي ,غبور, مش جديد ولا حاجة، دة قديم جداً :)
اما بالنسبة لسيارات غبور المجمعة محلياً خاصاً والسيارات التي تنتمي لمركات اخرى ولكنها مجمعة محلياً فهي تعاني من سوء التجميع المحلي وما الى ذلك في استخدام انواع محلية "رخيصة" وأقل جودة مثل مواد العزل والخراطيم والمواد البلاستيكية التي تستخدم في الطابلوة وما الى ذلك. ولكن بصفة عامة لا توجد مشاكل شائعة او عامة في سيارات هيونداي. بس طبعاً الكوري افضل من المصري.
المهم اية الفئة اللي بتبحث عنها؟؟
quote
الماتريكس كلها كورى و مفيش منها تقفيل غبور قصدى مصرى
unquote
أعتقد المعلومة دي خاطئة يا أستاذ أبو عبد الرحمن لأان الماتريكس إللي بينزل دلوقتي تقفيل تركي مش كوري!
أما للاخ إللي بيسأل طالما إمكانياتك تسمح بالوصول إلي حاجز ال 80 الف جنية يبقى إبعد عن الكوري وخليك في اليلباني...... لانسر جميل وياريس أجمل...... روح للكوري لو معاك تجيب إلانترا ...... وبالنسبة لتوكيل غبور دي حظوظ..........ز
حاجة ... واحدة ... بس عايز أفهمها ... سامحوني يا عني لتدخلي ... ومع أحترامي لكل الأخوة اللي رضوا ...
هذه المشاركة بتاريخ ... 31 مايو 2007 ... أخر رد عليها جاء بتاريخ ... 2 يونيو 2007 ...
يبقى ما هو سبب أعادتها من جديد ... بتاريخ أمس23 سبتمبر 2007 ... يا عني بعد أكثر من ثلاثة أشهر من أخر رد ..
مع أن صاحب السؤال له فى المنتدى كله 3 مشاركات فقط ... كلهم فى هذه المشاركة ...
سؤال محتاج أجابة ...
م / حسام منير
+ 100000اقتباس:
المشاركة الأصلية كتبت بواسطة Hossam Mounir
دة تقفيل وجودة الخامات فى الماتركس سيئة زى النيو أكسنت أنا من رأى نفض لهيونداى
يا سيد حسام ..طبقاً لقواعد وقوانين المنتدى من حق اي حد المشاركة في اي موضوع في اي وقت ما لم يكن صاحب الموضوع هو الذي ارسل الرد بغرض تنشيط موضوعة .اقتباس:
حاجة ... واحدة ... بس عايز أفهمها ... سامحوني يا عني لتدخلي ... ومع أحترامي لكل الأخوة اللي رضوا ...
هذه المشاركة بتاريخ ... 31 مايو 2007 ... أخر رد عليها جاء بتاريخ ... 2 يونيو 2007 ...
يبقى ما هو سبب أعادتها من جديد ... بتاريخ أمس23 سبتمبر 2007 ... يا عني بعد أكثر من ثلاثة أشهر من أخر رد ..
مع أن صاحب السؤال له فى المنتدى كله 3 مشاركات فقط ... كلهم فى هذه المشاركة ...
سؤال محتاج أجابة ...
بالمناسبة، انا ماشفتش التاريخ، مش عارف انا لوحدي ولا لأ بس اعتقد ان معظم الناس مش بتبص غير على اسم الموضوع.
فعلاً المعلومة دي صحيحة بس الماتركس بتاعت السنة دي هي اول ماتريكس تتجاب من تركيا اتباعاً لسياسة غبور في الاسترخاص زي ما جاب الاتوس برايم والفيرنا الهندي الي هي موديل اقدم من الموديل الحالي اللي هو قديم اصلاً :) لا وكمان غلاها :D :D :Dاقتباس:
quote
الماتريكس كلها كورى و مفيش منها تقفيل غبور قصدى مصرى
unquote
أعتقد المعلومة دي خاطئة يا أستاذ أبو عبد الرحمن لأان الماتريكس إللي بينزل دلوقتي تقفيل تركي مش كوري!
فانا بختلف معاك بالنسبة لحتة الوكيل :?
ولو جينا للواقع برضة هنلاقي التركي ارحم من المصري للاسف :?
تصحيح للمعلومة إن غابور أسترخص و جاب من تركيا الماتركس لا وبلاش نظام الإحساس بالمؤامرة الماتركس وقف إنتاجها في كوريا و ذلك لأحتياج المصنع لخط الإنتاج لموديلات أخري من هيونداي خاص الألنترا و السنتا في وهما من أكثرالعربيات مبيعا للهيوونداي عن عام 2007 . أما بالنسبة لخامات الماتركس أعتقد بالنسبة لثمن العربية تعتبر ممتازة و هذا حسب كل مواقع العربيات في أوروبا إن العربية بالنسبة لسعرها تعتبر صفقة رابحة جدا
يا سيد نادر ... أكيد أنت معاك حق ... أن اى حد يقدر يشارك فى أى موضوع فى أى وقت ... وأكيد كمان ممكن يكون مش من حقي اسأل ... بس بالصدفة كدة دخلت على قواعد وقوانين المنتدى ...
http://www.nilemotors.net/Forum/viewtopic.php?t=176
فوجدت البند الرابع بيقول :
4ً - الرجاء عدم رفع المواضيع القديمة أو تفعيلها فى شريط آخر الموضوعات من أجل التفعيل فقط بدون داعي (وذلك بالرد عليها) إن تم رفع أحد هذه المواضيع فسيتم إنذار هذا العضو وحذف ردّه.
فالحقيقة سؤالي دلوقتى البند الرابع ده لسة موجود ... ولا أتحذف ... علشان بس نبقى عارفيين ...
وبعدين ... لما يكون فيه سوء فهم حديثاً ... بينى وبين السيد الأخ أبوعبدالله ... يبقى ليه أرفع مشاركة قديمة بقاها أكثر من 3 شهور ... ومش هتفيد حد ... حتى صاحبها اللى مشاريكش غيرفيها ...وأعتقد أنه مش متواجد حالياً ... إلا لو فيه أسباب أخرى ...
وبعدين مش شايفها غريبة أن اللى رفع المشاركة مشرف ... وبعدين يجي 2 مشرفين وراه على طول ... يردوا ...على العموم ربنا يزيد ويبارك ... فى أهتمامكم بأسئلة الأعضاء ... مع أنها جت متأخرة شوية ... بس معلهش ... كل شئ بوقته ...
أشكرك ...وأحييك ... يا أستاذ وائل على صراحتك ... بس ده مش جديد عليك ...
م / حسام منير
wad7a 2wy mesh m7taga so2al ya a5 7osam :lol: :lol: :lol:
m3 7oby :D
أنا أول من دخل على الموضوع ده و رد عليه لأنى إستغربت جدا من موضوع التوكيل الجديد لهيونداى ده و فعلا ما أخدتش بالى من موضوع التاريخ و أنا با عتذر عن الخطأ ده و دمتم سالمين. :mrgreen:
اولاً يا سيد حسام من حقك ان تسأل كما تريد... الموضوع كما قلت لك من قبل يعتبر مخالف اذا جاء التنشيط بدون هدف ولاكنة جاء هنا لتصحيح واضافة معلومة... يعني مجاش حد ورد وقال شكرا على الرد ولا اجابة ملهاش علاقة.
وبعدين ارجوا منك عدم تقديم سوء النية، الاتنين المشرفين اللي ردوا هما اللي اغضبوك... ما في اعضاء اخرين ردوا... وكل واحد قال رأية... منهم من عقب على كلامك ومنهم من لم يعقب واضاف معلومات اخرى.
اى حاجة احسن من المصرى :roll:
يا سيدي الموضوع مش موضوع مؤامرة ولا حاجة... دي حاجة معروفة عن غبور من زمان... طيب اية رايك في الفيفا...مؤامرة برضة، دي العربية الوحيدة اللي انا بشجع فيها التجميع المصري بدل من الموديل القديم اللي غبور جابة.اقتباس:
تصحيح للمعلومة إن غابور أسترخص و جاب من تركيا الماتركس لا وبلاش نظام الإحساس بالمؤامرة الماتركس وقف إنتاجها في كوريا و ذلك لأحتياج المصنع لخط الإنتاج لموديلات أخري من هيونداي خاص الألنترا و السنتا في وهما من أكثرالعربيات مبيعا للهيوونداي عن عام 2007 .