الموضوع: عايز ايه من الحكومة الجديدة ؟

قطع يد السارق و بالذات سارق المال العام ( كان زمان حبايبنا كلهم ماشيين بايد واحده ) .

نسيت
انا عايز عدد دسته اجنده داخلى مقاس اربعه
و عدد نصف دسته اجنده خارجى نهار مشمس

المشاركة الأصلية كتبت بواسطة dramir1

-رسوم تسجيل السيارات والعقارات بالشهر العقاري تبقى رمزيه عشان الناس تبطل موضوع التوكيلات

بالنسبة للنقطة دى زمان كانت رسوم الشهر العقارى نسبة فى المية من قيمة الثمن تقريبا 3% و الله أعلم

و تم تعديلها لنسبة 2% بحد أقصى ألفين جنية !! يعنى اللى بيسجل شقة بـ 100 ألف يدفع زى اللى يسجل قصر بـ 100 مليون !!

أتنمى النسبة تبقى 0.25 % و بدون حد أقصى

يعنى 250 جنية على الشقة أم 100 ألف و 2500 على الشقة أم مليون و هكذا

--------------------------------------------------

و أتمنى فلوس التأمينات اللى اتنهبت ترجع تانى و تستقل التأمينات و صندوق المعاشات عن خزانة الدولة كما كانت

افكار كتير حلوة
شكرا على القائمة الممتازة دي

حد يجمعها و يبعتها للرجالة اللي في التحرير

المشاركة الأصلية كتبت بواسطة mazagangee

بحلم ان الحكومة الجديدة تعمل الحاجات دي :

1- الغاء الضرائب أو تعديل قانون الضرائب
2- الغاء الجمارك على السلع كلها
3- تعديل قوانين انشاء الشركات و تسهيلها و دراسة دبي كنموذج ناجح في جذب رؤوس الأموال
4- رفع مستوى الدخل
5- الغاء قانون الضرائب العقارية
6- الغاء قانون الضرائب على المبيعات
7- تقديم دعم مباشر للمصانع بنفس الطريقة اللي تقدمها الحكومة الصينية
8- توزيع أراضي الصحراء على كل من يستطيع أن يستصلح و أن تكون القطع بحد أدنى 20 فدان لتحقيق قيمة اقتصادية و أن يتم نزع الملكية في حالة عدم الاستصلاح خلال سنة من استلام الأرض و محاكمة كل من ياخذ أرض و يسقعها
9- تجريب البناء على الأرض الزراعية
10- ازالة أي انشاءات على الأرض الزراعية
11- الغاء كل الرسوم و الدمغات المفروضة عند انشاء مصانع أو شركات
12- اعطاء دعم يتناسب طرديا مع عدد العمالة التي يتم تعينها في الشركات و المصانع
13- اعطاء دعم لكل الشركات التي تعمل في جالات التصدير



لو افتكرت حاجة تانية هكتبها .........

انت ايه رأيك ؟ عايز ايه من مصر الجديدة ؟

إنت عايز تلغى كل الضرايب و الرسوم و الجمارك ؟؟؟

هتصرف على البلد منين ؟؟؟ و يجيبوا فلوس الدعم منين ولا تسليح الجيش منين!!!