الموضوع: عايز ايه من الحكومة الجديدة ؟

طبعا ده بعد أو مع تحقيق كل طلبات الرجال في ميدان التحرير

تغيير عملة رسوم المرور فى قناة السويس من الدولار الى الجنية المصرى

المشاركة الأصلية كتبت بواسطة ahmed_mubarak

تغيير عملة رسوم المرور فى قناة السويس من الدولار الى الجنية المصرى

عشان بعد كده تروح تغيره دولار عشان الواردات

1- التوسع في تعمير الظهير الصحراوي للمحافظات وبناء مساكن عصرية ومدن ومجمعات سكنيه بأسعار معقوله وبقسيطها للشباب بدون فوائد .. عشان لما المتر الأرض ابو 10 قروش في الرحاب أو مدينتي أقل شقه فيه بمليون جنيه يبقي حرام علي اللي كان السبب
2- الإبلاغ الفوري عن حالات الرشاوي في المعاملات الحكومية كلها خصوصا المرور
3- وقف تصدير الغاز لأسرائيل
4- الإبلاغ الفوري عن أي فساد في أي مكان والمحاكمه الفورية للفاسدين والخونه
5- الغاء كلمه احتكار من قاموس الاقتصاد المصري
6- مصادرة أموال الحرامية كلهم واعادتها في خزانه الدولة
7- إذاعة محاكمات الكلاب كلهم وإذاعتها مباشرة في التلفزيون والفضائيات لكي يشفي صدور الغلابه
8- رد المظالم الي أهلها .. وانصاف كل مظلوم وكل من له حق مسلوب منه يرجعله وفوقيه بوسه
9- اعادة تشغيل مصانع الغزل والنسيج واعادة تشجيع زراعة القطن المصري اللي كان علامه من علامات مصر في العالم
10- تحسين الأجور والمساواه بين الموظفين في الوزارات كلها مش موظف مقهور في التعليم ولا الصحة ياخد 250 جنيه في الشهر وواحد توتو داخل بواسطه بنك ولا بترول بنفس المؤهل وياخدلي 5000 الاف في الشهر مش ده ظلم برده ؟
11- زياده الدعم علي السلع الأساسية ومراقبه الأسعار
12- دعم الكهرباء والبنزين والأدوية الضروريه
13- الغاء الرسوم الأدارية في أي معامله حكومية مش روح هات دمغة .. روح هات استماره - روح ادفع تبرع - ايه الاستقطاع ده

......... ولو فاكر حاجه تانيه هقولكم

تـحـس بمعاناة الشعب
تـحـاول تعمل كل اللى تقدر عليه ويبان ده ونلمسه ميبقاش كلام وخلاص
تـكـسـب حب وتعاطف الشعب معاها
تـشـجـع الناس على التعاون علشان تبقى مصر احسن واجمل دول العالم

المشاركة الأصلية كتبت بواسطة human12

عشان بعد كده تروح تغيره دولار عشان الواردات

كيف سيحصل من يمر فى القناة على الجنية المصرى

سيدفع دولار او يورو

المشاركة الأصلية كتبت بواسطة ahmed_mubarak

تغيير عملة رسوم المرور فى قناة السويس من الدولار الى الجنية المصرى

فعلا الموضوع دا لو تم حيرفع قيمة الجنية جدا جدا

المشاركة الأصلية كتبت بواسطة human12

عشان بعد كده تروح تغيره دولار عشان الواردات

لأ ساعتها هما اللى حيغيروا بالجنية عشان التصدير و إحنا مش عايزين واردات كتير إحنا عايزين تصنيع عندنا يحقق الإكتفاء و يفيض

-----------------------------------------------------------

أما بالنسبة لطلباتنا من الحكومة أنا شايفة مبدئيا إن اللى عنده مرض أو ورم خبث لازم الأول يتعالج و يجتث الورم

1 - يعنى كل المخطئين يتحاسبوا و الناس اللى أخدت حاجات بغير وجه حق تعاد للدولة و يعاد توزيعها من جديد على مستحقيها

إمبارح فى التلفيزيون المصرى صحفيى بيقول إن طريق مصر اسماعيلية فى مليون و 800 ألف فدان مملوكين لعشرة من رجال الأعمال

و طبعا سلمت بمرافقها بأدنى الأسعار ... دا غير توشكى و الأراضى الأخرى فى البلد كلها ملايين الأفدنة

2- سداد الدين الداخلى الذى أقترب من 500 مليار جنية من الأموال المنهوبة من البلد بالمليارات و من الصناديق الخاصة
( الدين الداخلى دا كان هيخصم من الموازنة الحالية 35% من قيمتها)

3 - و بعدين يجب أن يوضع دستور محترم لا يجعل كل السلطات والمؤسسات تحت سيطرة شخص واحد و هو الرئيس كالدستور الحالى

4 - يتم تنظيم مرافق الدولة و مؤسساتها و تعديل هياكلها إن لزم الأمر و توزيع الأجور بطريقة متوازنة عادلة على مستوى الدولة

5 - مراجعة قوانين الاستثمار و تشجيع الاستثمار الوطنى أولا فى مجالات الزراعة والصناعة و التجارة و الخدمات و غيرها للقضاء على البطالة

6 - مراجعة قوانين منع الاحتكار و ارساء قواعد سليمة مستقرة للسوق الداخلى تشجع على الاستثمار

7 - عمل موازنة محترمة للدولة تقدر العلم والبحث العلمى والصحة

دى الحاجات اللى فاكراه دلوقتى لو افتكرت حاجة تانية هاقولها