هل فيه توقع ان الأسعار ترخص ولا لآ؟
اسعار الشقق والاراضي والعربيات والمواد الغذائيه علي سبيل المثال؟
عرض للطباعة
هل فيه توقع ان الأسعار ترخص ولا لآ؟
اسعار الشقق والاراضي والعربيات والمواد الغذائيه علي سبيل المثال؟
انت مستعجل أوي يا باشمهندس :d
البلد دلوقتي خرابة.. لسه قدامنا كتير على ما إحنا نبني بلدنا من جديد
أعتقد إن أسعار المواد الغذائية أقرب للانخفاض إن شاء الله
ثم تتبعها السيارات إذا تم تعديل قوانين الجمارك
أما العقارات فدى أصعبها لكن أعتقد إنها مش هترتفع
و المفيد بقى لو الناس هتشترى أرض و تبنى من خلال اتحاد ملاك مثلا هيكون أوفر كتير
متشكر جدا ليكم
اى حاجة بتيجى من برة هتغلى لو الدولار زاد
الشقق معتقدش : الطلب هيقل عليها لكن اغلب المقاولين فى مصر بيرفضوا خفض الاسعار
ياجماعة انا دلوقتى عاوز ابنى فوق السطح عندنا شقة
والعمارة ملكنا لكن فيها ملاك لشقق
وانا بصراحة خايف بعد ما الحكومة ترجع تتهد
اية العمل فى ناس بتقولى مينفعش وناس بتقول ينفع
وانا بصراحة يادوب معايا ثمن البناء والتشطيب واكون مفلس بعدها
ارجوكم ساعدونى
خرابة؟!!!!!!!!!!!!!!!!
يا راجل بشروا ولا تنفروا
هو الكام مبنى بتوع الحزب الواطي على الكام قسم شرطة اللي كانوا اساسا ايلين للسقوط هما اللي هيخلوا البلد تبقى خرابة؟؟؟
الحمد لله كل البنى التحتية والفوقية لسه بخيرها زي ما هي.
الاقتصاد المصري كان عامل زي تانك البنزين المخروم ربع البنزين بتستفاد بيه، والباقي بيقع على الفاضي
احنا كده الحمد لله سدينا الخرم( سدينا ايه!! داحنا غيرنا التانك)، يبقى لازم تنتظر الطفرة اللي ان شاء الله عن قريب.
طب يا جماعة أعمل ايه انا كنت حاجز قبل جمعة الغضب و البنك عمال يتصل بيه و سمير ريان هاريني مكالمات و مش عارف أعمل ايه ؟؟؟
ليه الحاجة ترخص؟
مش النظام اللى كان مخللى الحاجة غالية.
ان شاء الله خير ، الديمقراطية وقتل الفساد هيخللى الأمور أحسن
بس لا نتوقع المعجزات.
انا شايف ان اسعار المواد الغذائيه زي ما هي ان لم تكن ارخص من الأول . و الخضار و الفاكهه سعرها معقول جدا نظرا للظروف . و ربنا يصلح الحال .
أعتقد فترة الركود خلال الثلاث أسابيع السابقة حترخص الحاجة فى المدى القريب بدرجة بسيطة على الأقل
يا ترى حد يعرف أخبار اسعار السيارات إية ؟
تغير الاوضاع محتاج من 6-18 شهر
علي الاقل المخزون الحالي من كل حاجة بالاسعار القديمة يخلص
و بعدين يظهر التحسن تدريجيا مع تطبيق لوائح و قوانين و قرارات جديدة
و ربنا يكرمنا