بعض المتظاهرين مقررين استمرار المظاهرات

**human** · 12-02-2011 01:38 PM

انا من الاول ماوجهتش الفاظ نابيه لحد
انا بقول ان فيه ناس لسه مصممه ترفع الجزمه وتمشى الناس بالجزمه وحاسه انهم فوق الناس يشتموهم ويفرضوا عليهم اراء
الاستاذ المحترم غاصبن عنى بيقول يضربوا بالرصاص وقله ادب وسفاله

فيه ايه ؟؟؟

هو الحق التبس عليكم ومش عارفين الحق من الباطل؟؟؟

فيه ايه

انا لغايه دلوقت ىساكت على كلامك المستفز وبالتمسلك عذر عدم تقدير الموقف او الفهم

قسما بالله تغلط تانى اخد حقى منك

والاستاذ عطيفه لوسمحت فين الافاظ النابيه اللى قلنها؟؟؟ انا قلت قله ادب وسفاله ولا قلت نضربهم بالرصاص

وبالنسبه للمشرف |مش فاهم موقفك

انت تعلم ان الاشراف يجب ان يكون محايد فى مثل هذه الموضوعات
وان يحاسب المخالف دون ابداء رأيه الشخصى فى الموضوع نفسه

مشرف 18ب

**ahmedsamir79** · 12-02-2011 01:40 PM

انا مش حسمح لحد يشكك في مصريتي و وطنيتي
و طالما الموضوع وصل لحد الكلام عن تربيتي فأنا موجود في أقسام السيارات فقط و لن أشارك في الأجتماعي نهائي
الأخ طارق ميعرفنيش و بالتالي ملوش انه يحكم علي وطنيتي أو تربيتي
والدي والحمد لله أنسان فاضل و معلم مثالي علي مستوي مصر و شارك في حرب أكتوبر المجيده (ده الأنسان اللي رباني)
أنا خدمت في الجيش المصري(مش الاسرائيلي) و شغال مهندس كمبيوتر و مشرف علي أكبر مشروع توثيق لتاريخ مصر .يعني أنا خدمت و بخدم و حخدم مصر لغاية ما ربنا يفتكرني

أسف علي الاطاله و مع السلامه

**human** · 12-02-2011 01:42 PM

يبقى ماتشتمش ولاد بلدك ولا تقول ينضربوا بالرصاص

ازاى تقول كده

وانا مازيدتش على وطنيتك وبقول التمسلك عذرا

**A.Saad** · 12-02-2011 01:43 PM

بيان من حركة 25 يناير
انهم مستمرين فى المظاهرات لحين :
حل مجلس الشعب
الغاء العمل بالدستور
تأسيس لجنة لتشكيل دستور جديد
الغاء العمل بقانون الطواريء
الغاء الاحكام الصادرة من محاكم عسكرية ضد مدنيين
وطلبات تانية مش فاكرها

بجد
ما ينفعش كدة
ياريت الجيش يعلن الاحكام العسكرية ويقفل الفوضى دى بقى
كل شوية طلبات جديدة
وطلب بيناقض طلب
ومالهم هما ومال اللى عليه احكام عسكرية
اللى عليهم احكام عسكرية دول اغلبهم من الجماعات الاسلامية اللى كانوا بيدعوا لاستخدام السلاح والارهاب ضد المدنيين واللى موجود فى السجن لحد دلوقت اللى رفض تغيير فكره والعدول عنه
يعنى اول ما يطلعوا هيرجعوا يعملوا تفجيرات ارهابية تانى

وبعدين الجيش قال انه يضمن تنفيذ مطالب الشعب
وانه بيحترم حقهم فى تنفيذها
الموضوع بقى سخيف جدا
وابتدى يدل انه فيه مصالح خارجية بتحركهم

**Everlasting** · 12-02-2011 02:02 PM

المشاركة الأصلية كتبت بواسطة a.saad

بيان من حركة 25 يناير
انهم مستمرين فى المظاهرات لحين :
حل مجلس الشعب
الغاء العمل بالدستور
تأسيس لجنة لتشكيل دستور جديد
الغاء العمل بقانون الطواريء
الغاء الاحكام الصادرة من محاكم عسكرية ضد مدنيين
وطلبات تانية مش فاكرها

بجد
ما ينفعش كدة
ياريت الجيش يعلن الاحكام العسكرية ويقفل الفوضى دى بقى
كل شوية طلبات جديدة
وطلب بيناقض طلب
ومالهم هما ومال اللى عليه احكام عسكرية
اللى عليهم احكام عسكرية دول اغلبهم من الجماعات الاسلامية اللى كانوا بيدعوا لاستخدام السلاح والارهاب ضد المدنيين واللى موجود فى السجن لحد دلوقت اللى رفض تغيير فكره والعدول عنه
يعنى اول ما يطلعوا هيرجعوا يعملوا تفجيرات ارهابية تانى

وبعدين الجيش قال انه يضمن تنفيذ مطالب الشعب
وانه بيحترم حقهم فى تنفيذها
الموضوع بقى سخيف جدا
وابتدى يدل انه فيه مصالح خارجية بتحركهم

مش فاهم يعني ايه المشكلة لما تتحقق كافة مطلبنا ... ونصر على تحقيقها ... أول مطالب الثورة تحققت بسقوط النظام ... المطلب التاني وهو مطلب في غاية الأهمية ... حل مجلس الشعب والشوري والمجالس المحلية .. المجالس دي زي ما كلنا عارفين انها مزورة بالكامل كل أعضائها نجحوا بالتزوير ... و95 % من أعضاء مجلس الشعب من الحزب الوطني .. المطلب التالت إلغاء الدستور بالكامل وعمل دستور جديد بواسطة لجنة تشكيل الدستور لأن مفيش مصري حر يقبل إن مجلس الشعب بأعضاءه وترزية قوانينه ودساتيره يقبل إن هو اللى يحط الدستور الجديد فما بني على باطل فهو باطل ... ... أما بقيه المطالب فهي مطالب مشروعة وهامة ... زي الغاء قانون الطوارئ والغاء الأحكام الصادرة من المحاكم العسكرية والافراج عن كافة المعتقلين السياسين (لسة فيه ناس معتقلة ومختفية منذ بداية الثورة) بالإضافة إلى حرية إنشاء الأحزاب ..
لازم كل المطالب دي تتحقق فورا عايزين نبقى دولة ديمقراطية حرة والحرية مفيهاش تنازلات.
ولو كنا سمعنا لكلام المتشائمين والمثبطين اللى ملهمش هم سوى بث اليأس والرضا بالفتات كان مبارك فضل في سدة الحكم حتى نهاية مدته.... إللى من حق اللى ضد استمرار الثورة إنه يعبر عن رأيه لكن من ما يغلط ويلسن ويسفه من حد.
لا تنازلات في سبيل تحقيق كافة مطالبنا.... ولا ترضوا بالفتات.

**yassin_samir** · 12-02-2011 02:12 PM

المشاركة الأصلية كتبت بواسطة everlasting

مش فاهم يعني ايه المشكلة لما تتحقق كافة مطلبنا ... ونصر على تحقيقها ... أول مطالب الثورة تحققت بسقوط النظام ... المطلب التاني وهو مطلب في غاية الأهمية ... حل مجلس الشعب والشوري والمجالس المحلية .. المجالس دي زي ما كلنا عارفين انها مزورة بالكامل كل أعضائها نجحوا بالتزوير ... و95 % من أعضاء مجلس الشعب من الحزب الوطني .. المطلب التالت إلغاء الدستور بالكامل وعمل دستور جديد بواسطة لجنة تشكيل الدستور لأن مفيش مصري حر يقبل إن مجلس الشعب بأعضاءه وترزية قوانينه ودساتيره يقبل إن هو اللى يحط الدستور الجديد فما بني على باطل فهو باطل ... ... أما بقيه المطالب فهي مطالب مشروعة وهامة ... زي الغاء قانون الطوارئ والغاء الأحكام الصادرة من المحاكم العسكرية بالإضافة إلى حرية إنشاء الأحزاب ..
لازم كل المطالب دي تتحقق فورا عايزين نبقى دولة ديمقراطية حرة والحرية مفيهاش تنازلات.
ولو كنا سمعنا لكلام المتشائمين والمثبطين اللى ملهمش هم سوى بث اليأس والرضا بالفتات كان مبارك فضل في سدة الحكم حتى نهاية مدته.... إللى من حق اللى ضد استمرار الثورة إنه يعبر عن رأيه لكن من ما يغلط ويلسن ويسفه من حد.
لا تنازلات في سبيل تحقيق كافة مطالبنا.... ولا ترضوا بالفتات.

خلاص يا جدعان احنا نروح ميدان التحرير و نبات هناك لغاية الجيش يعمل اللى الناس عايزاة و اذا مرضيش نطلب من الدول الصديقة لمصر ان تحكم بين الجيش و الناس او امريكا تيجى تحل المشكلة دى و تحقق مطالب الناس و كل واحد فى نفسة حاجة ياخدها و بتاع الدى جى اللى هناك مين هيحاسبة و يفرجوا عن الجماعات الارهابية المحبوسة لانهم اتحبسوا عن طريق محكمة عسكرية و هما مدنين و كذلك الجواسيس برضة هما ملهمش نفس و اللى عندة شغل يقفل و ملعون ابو الدنيا على العيشة على ابو الناس اللى حياتهم واقفه المهم الناس دى تتراضا

**A.Saad** · 12-02-2011 02:14 PM

المشاركة الأصلية كتبت بواسطة Everlasting

مش فاهم يعني ايه المشكلة لما تتحقق كافة مطلبنا ... ونصر على تحقيقها ... أول مطالب الثورة تحققت بسقوط النظام ... المطلب التاني وهو مطلب في غاية الأهمية ... حل مجلس الشعب والشوري والمجالس المحلية .. المجالس دي زي ما كلنا عارفين انها مزورة بالكامل كل أعضائها نجحوا بالتزوير ... و95 % من أعضاء مجلس الشعب من الحزب الوطني ..

هو تنقية الاعضاء من خلال الاحكام القضائية مش كفاية
اعادة الانتخابات : بعد شوية ييجى واحد تانى يقول لا ، دى كمان مزورة
غير طبعا العنف اللى هيكون فيها

المطلب التالت إلغاء الدستور بالكامل وعمل دستور جديد بواسطة لجنة تشكيل الدستور لأن مفيش مصري حر يقبل إن مجلس الشعب بأعضاءه وترزية قوانينه ودساتيره يقبل إن هو اللى يحط الدستور الجديد فما بني على باطل فهو باطل ... ...
الدستور معمول من زمان
ولو قريته هتلاقى ان فيه بنود لازم تفضل موجودة
البنود اللى اعلنت اللجنة المشكلة لتعديله هيا البنود اللى شابها تعديلات لمصلحة فئى معينة فى 2007 ولو اتعدلت هيكون كافى
الدستور فوق 170 مادة
شوف تعديلها كلها ياخد وقت اد ايه
غير طرحها للنقاش العام ثم الاستفتاء العام
وبعد كدة لازم يكون فيه تعديل للقوانين التابعة ليه وبعد كدة انتخابات مجالس الشعب والشورى والمحليات غير الاعادة ليهم كمان
وانتخابات الرئاسة بعدهم

أما بقيه المطالب فهي مطالب مشروعة وهامة ... زي الغاء قانون الطوارئ والغاء الأحكام الصادرة من المحاكم العسكرية والافراج عن كافة المعتقلين السياسين (لسة فيه ناس معتقلة ومختفية منذ بداية الثورة)
ارجع للراى اللى كتبته فوق

بالإضافة إلى حرية إنشاء الأحزاب ..

لازم كل المطالب دي تتحقق فورا عايزين نبقى دولة ديمقراطية حرة والحرية مفيهاش تنازلات.
افهم بقى فورا يعنى ايه
يعنى بكرة ولا يعنى كمان 6 ساعات
اى اصلاح فى الدنيا بياخد وقت
غير ان الجيش اعلن ضمانه للاصلاحات
مش مصدقين النظام اللى فات
مش مصدقين الجيش كمان

ولو كنا سمعنا لكلام المتشائمين والمثبطين اللى ملهمش هم سوى بث اليأس والرضا بالفتات كان مبارك فضل في سدة الحكم حتى نهاية مدته.... إللى من حق اللى ضد استمرار الثورة إنه يعبر عن رأيه لكن من ما يغلط ويلسن ويسفه من حد.
لا تنازلات في سبيل تحقيق كافة مطالبنا.... ولا ترضوا بالفتات.
خلاص خللى المظاهرات شغالة ست ولا سبع شهور كمان على ما اللى انت عايزه يحصل

**yahyanaabil** · 12-02-2011 02:20 PM

انا شايف ان تنحى الرئيس ارضى معظم الشعب المصرى وحاليا الجيش ضامن لمطالب الناس اللى فى التحرير بس لازم يطلع بيان رسمى فيه التفاصيل بانه حيعدل الدستور ويحل مجلس الشعب والشورى
ازاى نبتدى دوله ديمقراطيه بضرب الناس المتظاهرين بالرصاص؟؟؟؟؟

-

الموضوع: بعض المتظاهرين مقررين استمرار المظاهرات

LinkBack

أدوات الموضوع

عرض

-

-

-

-

-

-

-

المواضيع المتشابهه

ايه القرف ده - المظاهرات لحد فين ؟

كيزاشي 3 استمرار الفخامه بلا حدود

الكلمات الدلالية لهذا الموضوع

المفضلات

المفضلات

ضوابط المشاركة