اقتباس المشاركة الأصلية كتبت بواسطة human12 مشاهدة المشاركة
عزيزى
انا ضد الاعتصام الان ولا اجد له اى مبرر الان
فيه ناس هناك قاعده بسبب نشوه نصر
والكثير اللى عنده مطالب شخصيه او يكون فاهم ان ده موضوع يقدر يفضل قاعد عشان وره تمشى او ماعندوش اصلا مكان ماينفعش تعامله بعنف
ده ابن بلدك الغلبان اللى اندحر و شرب الغلب

الناس ديه صنيعتنا احنا ذنبنا احنا مارضاش نتكلم عليهم اكنهم حشرات تسحق من اجل ان نعيش والميدان يمشى

دول ناس فيه منهم اللى احسن مننا بس ظروفه صعبه فيهم ناس مش عارفين عيالهم ولا اجوازهم فين - اعتقلوا و مش معرف هما فين وشايفين بثقافه محدوده (كلنا مسئولين عنها) ان لو مشوا من الميدان هيبقوا خلاص مش يعرفوا يعملوا ايه طبعا عشان مصر اللى يعرفوها مافهاش حد ساعدهم ولا طمنهم
فيه ناس معندهاش مكان اصلا تروحه وعايشه فى الشارح مش فاهمين هيمشوا يروحوا فين

فيه ناس مش مصدقه اصلا ان الموضوع انتهى لغير ذات رجعه فيه ناس دافعت عن النصب التذكارى للشهداء ارتبطوا بيه عاطفيا

يبقى ازاى نقل عليهم سفله و ينضربوا بالرصاص

الناس ديه قعدت معاهم وكلت وشربت معاهم وحمونى وادونى مكان انام فيه - صعب جدا اقبل حد يقول عليهم كده

الى المشرف | لا اجد مبررا لاى نوع من العقوبه الكلام اللى انا قلته مافهوش تهكم بل وصف دقيق لاناس مازالوا يظنون انهم يستطيعون ان يصرفوا الناس بالجزمه وان الحريه لا وجود لها واللى المفروض يعاقب اللى يقول على ولاد بلده سفله وينضربوا بالرصاص مافيش اى قواعد فى المنتدى تدين اللى انا قلته بس فيه قواعد تدين اللى هو قاله على ولاد بلده اللى عايش فيها

فى حاله اصرارك ارى التصعيد للجنه فض المنازعات

كلام ذي الفل ....... متفق مع كل كلمة فيه حتى في عتابك للإشراف


فيه ناس بتكلم عن التحضر و الرقي من وجهة نظر أحادية ........ احنا الراقيين احنا المتحضرين احنا إلي فاهمين يعني إيه حرية


و في نفس الوقت بيطالبو بضرب الناس بالرصاص و إستعمال القوة معهم


قمة التناقض


و بعد ما كل اراؤهم و تحليلاتهم طلعت خاطئة خصوصاً من يوم 28 يناير و حتى التنحي


لسه بردو بيتكلمو