وائل غنيم .. أخيراً شفته بيضحك، لأ وبيرقص كمان :)

كان على طول مبوز فى وسائل الاعلام ومكشر وشايل طاجن سته ..
لكن دلوقتى .. هناك فرق

YouTube - ‫ظپط±ط.ط© ظˆط§ط¦ظ„ ط؛ظ†ظٹظ… ظˆطµط.ط¨ظ‡ ط¨ط³ظ‚ظˆط· ظ…ط¨ط§ط±ظƒ‬‎

ههههههههههههههه
جامدة
الولد دة رااااااااااجل

حقه ياريس

اقتباس:

---

المشاركة الأصلية كتبت بواسطة kobaitary

حقه ياريس

---

حقنا كلنا نفرح, بس الاهم نركز فى اللى جاى. يلا افرح انت كمان

خايف ينفضوا ويقولوا عملنا اللى علينا .. يا رب يعرفوا ان مصر لسه محتاجاهم.

اقتباس:

---

المشاركة الأصلية كتبت بواسطة egyzizo

خايف ينفضوا ويقولوا عملنا اللى علينا .. يا رب يعرفوا ان مصر لسه محتاجاهم.

---

مصر مش محتاجاهم هما بس...مصر محتاجة كل ولادها...عشان نبقي بلد محترمة و اسم مصر يبقي في السما لازم كلنا نتغير و نبقي ايجابييين في حياتنا
وائل غنيم أكد أكتر من مرة أنه مش بيدور علي أي منصب أو دور في الدولة الجديدة و عمره ما كان هايقول اسمه لو ماكانش امن الدولة اعتقله. هو عمل اللي عليه و حقه يرجع الامارات و يشوف شغله اللي سابه..مصر مش هاتقف علي فرد أو مجموعة افراد..دلوقتي الدور علي كل واحد اشترك أو ماشتركش في المظاهرات انه يبقي ايجابي في حياته و يغير من نفسه و ان شاء الله في ظرف 5 سنين مصر هتبقي دولة محترمة جدا و المصريين هاترجع هيبتهم في الخارج و الناس تبطل ترمي نفسها في البحر عشان تهاجر
و علي فكرة المفروض ما نقعدش حاطين ايدينا علي خدنا و نستني من الرئيس الجديد يعمل معجزة و يغير حال مصر...مش مطلوب من الرئيس الجديد غير انه يكون مخلص للبلد و ما يسمحش بالفساد لكن لو هيبقي في تغيير حقيقي فده هايحتاج تغيير في سلوكيات الشعب و الفرصة موجودة الان لاول مرة في التاريخ المصريين ثاروا علي الحاكم و غيروه و دلوقتي كلنا حاسيين ان مصر بلدنا رجعت لينا

مش عارف ليه مش عاجبنى الفيديو
معتقدش ان ده يكون اسلوب واحد ممكن يمسك اى منصب فى الدولة بعد كده
بدايتها شنيمة

الفيبديو ده مسخرة ههههههههههههه والله الشباب دول زي العسل :d

يــــارب مصر تكون على الطريق الصحيح للحرية والإستقلالية التامية والإصلاح

مش عارف الناس مستغربة لية

كلنا قمنا هيصنا و فرحنا

انا عمري ما فرحت كدا اساساً

انا مازلت مش مصدق!!

المهم ماذا بعد

مش مهم وائل بشخصه ، المهم ان كيان (25 يناير) يكبر ولا يختفى لأنه أصبح رمز ونجح يشعل الشرارة اللى حققت لنا اللى احنا فيه دلوقتى فى وقت عجزت الكيانات الأخرى واللى اسمها شرعية عن فعل أى شئ.

يا جماعة

هو مش ديناصور و لا تنين و لا كائن أسطوري

بيفرح زينا

و بياكل و يشرب زينا

و بي.... بعدها زينا ..... آه و الله .....

و متجوز ..... مش بيتكاثر بالانقسام زي الأميبا مثلا .....

عادي انه يهيص مع اصحابه .... فيه مشكلة ؟؟؟؟؟؟

طبعا مافيهاش مشكلة دي حاجة بسطتنا اننا نشوف وائل مهيص وفرحان و كلنا نكن ليه كل الإحترام كــمناضل مصري محترم وفرحه هوه فرحنا وكلنا هيصنا ونزلنا الشوارع من اول الثورة ومحتفلين بعد التنحي