أعيدوا الإعتبار الي كمال الجنزوري

**tarekzein** · 12-02-2011 03:01 PM

أعيدوا الإعتبار الي كمال الجنزوري

السبت 12 فبراير 2011 2:09:00 م
حسن عامر

كمال الجنزوري علامة فارقة في التشكيلات الوزارية في مصر ..
جاد ومجتهد ومخلص وأمين ..
غضب عليه النظام ، فأسكتوه كرها وظلما وكيدا ..
فرضوا عليه الظلام . كتموا أنفاسه . وقطعوا لسانة . وأسقطوه من حساب الزمن ..

لكنهم يمرون ويمكر الله والله خير الماكرين ..
كمال الجنزوري مهندس للتنمية الإقتصادية . كفاءة نادرة .
ساعدوه وساندوه حتي يخرج عن صمته . إستمعوا اليه جيدا . فالإقتصاد الوطني في حاجة الي صوته ..
الرجل مريض .. لكنه مازال قادرا علي العطاء ..

هناك مشروعات يمكن أن تبدأ من حيث توقف كمال الجنزوري عام ٢٠٠٠ ..

ـــــــــــــــــــــــــ ـــــــــــــــــــــــــ ـ
يا شباب مصر

هذا الرجل أنبل وأطهر رئيس وزراء فى مصر

هذا الرجل تم أقصاؤة لطهارة يده

هذا الرجل أختلف معه عادل حموده الصحفى الكبير

بسبب رئاسته المباشره لكل اللجان والإجتماعات التى دارت فى عهده ومراقبته الشديده لهم

أعيدوا له أعتباره بغض النظر عن منصب سياسى من عدمه

أستمعوا له ولنصائحه

فالرجل منذ أقالته لم يتكلم

وأظن أن لديه الكثير والكثير

**amado ibrahim** · 12-02-2011 03:10 PM

انا معاك يا طارق 100%

الراجل ده أفضل واحد يتولى ادارة مصر دلوقتى

يا رب يتولى رئاسة الوزراء

لما يتم تكوين حكومة جديدة

الله أكبر

تحيا مصر

**abo_anas** · 12-02-2011 03:11 PM

حقا كمال الجنزورى من الرجال المحترمين واكبر دليل على ذلك ابعاده عن الحكومه الفاشله وتحديد اقامته, راجل محترم واتمنى ان يكون له دور فى المرحله القادمه.

اللهم ولى امورنا خيارنا

**tarekzein** · 12-02-2011 03:19 PM

تمام ياشباب

بس عندى أقتراح لازم صوتنا يوصل بجد

اللى يعرف يعمل جروب عالفيس بوك يتفضل

ونشوف مين المؤيد ومين المعارض

**MOUSTAFA_SAAD** · 12-02-2011 03:19 PM

معاك حق منهم لله

**marsguy** · 12-02-2011 04:05 PM

أحمد جويلي يا شباب

حد فاكره؟

**فادى محمد** · 12-02-2011 04:13 PM

اضم صوتي لصوت زميلي ا طارق زين باهميه كمال الجنزوري في الوزاره ,ده كان عاوز يخلي دخل قناه السويس بالجنيه المصري وده طبعا هيعلي قيمته جدا ولكن بعض الخبثاء اللي ليهم مصالح بالدولار رفضوا وحاربوه ..احمد جويلي كان محافظ عندنا في دمياط ولكن الافضل منه هو د عبد العظيم وزير اللي كان محافظ دمياط سابقا والقاهره حاليا ...

**dr-mohamed** · 12-02-2011 04:19 PM

مع احترامي الشديد للدكتور كمال الجنزوري وهو فعلا من الناس المحترمة
بس يا ريت حضراتكم تدوروا على الاسم ده على جوجول طلعت حماد وتشوفوا كان مين وبيشتغل ايه وعمل ايه ومين اللى ساعده على انه يتجبر ولو كانت الامور استمرت سنتين تلاتة كان هايبقي اسوا الف مرة من احمد عز
وبالمرة كمان تبحثوا عن الاسم ده طارق السويسي