الفوضى وصلت لسوهاج .. انا قلقان ربنا يستر!
طالع النهاردة من البيت رايح الصيدلية والاقي شباب شكلهم قرويين وبيبنوا اكشاك خشب علي سور مدرسة البنات .. استغربت لأن مستحيل حد يجيب ترخيص يحط كشك علي سور مدرسة ودول اكتر من 5 اكشاك جنب بعض طب الناس دي طلعت تراخيص امتى ؟ .. ماعلينا .. رحت فتحت والشغل مشى وانا صيدليتى جنبها سور مدرسة ثانوى زراعي والاقي سور المدرسة كله متقسم بالخشب .. اللي حاطط خشبتين واللي داقق فى السور و دوشة والناس بتتخانق علي الاماكن وضرب بالمطاوى .. وشوية ولقيتهم جايين بيقسموا ف رصيف الصيدلية .. طلعت وزعقت واتخانقت وشلت الخشب وحطيت دكك وقعدت .. المهم وانا مروح الساعه 5 العصر لقيت الجناين والارصفه واي سور متقسم اكشاك وكل كشك قدامه بلطجية و عرفت انهم فى بلد جنبنا اسمها طما حرقوا مبنى أمن دوله والقسم .. انا دلوقت نازل رايح الصيدلية يارب مايكونوش احتلوها !