مطلوب من السيد كريم منير اعتذار رسمى

**hon** · 12-02-2011 06:28 PM

السلام عليكم ورحمه الله وبركاته
أولا: أرسل تحياتى وورودى وكل ماهو نفيس الى الشعب المصرى ومحبى نايل موتورز لأنقشاع الغمة عن مصر ورحيل الطاغية مبارك بفضل الله
ثانيا: كلنا قد قرأنا فى فى ظل الايام القاتمة و هجوم الحزب الوطنى على المواقع الالكترونية راى الاخ المحترم كريم منير الذى ناشد ببقاء الرئيس مبارك وبرر انه ميزان الحرية وعامود الاستقرار على عكس موقفة من الثورة التى شارك فيها بنفسة منذ اليوم الاول
وهو ما أدى بى الى النفور من الموقع وكان ردى واضحا فى هذا الموضوع
لذلك اطلب من الاخ كريم منير تقديم اعتزار كتابى منه ونحن نتفهم الضغوط التى مورست عليه من جهات معنية وعلى أدارة الموقع
ولكم جزيل الشكر والعرفان وتحيا مصر

**aly_hosny** · 12-02-2011 06:32 PM

اعتذار ليه ؟؟؟؟
كل واحد حر في وجهة نظره

**amr.elsayed** · 12-02-2011 06:33 PM

اعتذار على ايه .. دة رأيه وهو حر فيه

**تامر.محمد** · 12-02-2011 06:35 PM

سلام عليكم
انا ما كنتش متفق مع كريم في الرأي ده و شايف ان رأيه مش صح
بس في نفس الوقت انا مقتنع ان ده كان رأيه فعلا و كان شايف الخير في كده

فمش شايف ان الموضوع يستحق اعتذار

و انا مش عايز اتقول عليه , بس اظنه دلوقت - مع احترامي له و تأكيد اقتناعي بصدق نواياه - مقتنع ان وجهة نظره ما كانتش صحيحة

**النوبي** · 12-02-2011 06:36 PM

يا اخي اتقي الله
بقي كريم امارست عليه ضغوط وغير رايه
وكمان كان بيقول ان مبارك ميزان الحرية وعامود الاستقرار
وانت لسه قايل انه مشارك في الثوره من اول يوم
طيب واحد مش خايف علي حياته علشان يقول رآيه دلوقتي علشان حته منتدي بيصرف عليه من جيبه
هيستجيب لضغوط
ولا الضغوط قالوله هنخطف عيالك ونسجنك
يا اخي اتقي الله فيما تقول
وموقف كريم كان اوضح من الشمس
وعلشان تعقلها كده مبارك لو الجيش مضغطش عليه كان هيبلط فيها ليبعثون
يعني كريم برضه عنده حق
والله ليس انحيازا الي شخص كريم بل انحيازا للحق

**ahmed4000** · 12-02-2011 06:40 PM

انا اللى قريته منه انه بيقول بلاش شتايم لان جاله تحذير امنى لكن قال انقدوا زى مانتم عايزين

**ganash** · 12-02-2011 06:42 PM

ليه الاعتذار ؟؟

**dr-mohamed** · 12-02-2011 06:45 PM

اعتذار ليه ؟؟؟؟
كل واحد حر في وجهة نظره
ورغم انى من اشد المؤيدين للى حصل
بس لحد دلوقتى متأكدناش اذا كان صح ولا غلط
احنا بنتمنى كده والتوفيق من عند ربنا
ولما حضرتك امتنعت عن الاشتراك في المنتدي انت كنت بقعيد عن المسئولية انما كريم ترك المنتدي مفتوح وترك الاعضاء تهاجم وبعنف في وقت ما زال فيه النظام السابق في قوته يعني لو كان حصل حاجة مختلفة والوضع القديم استمر كان اول واكبر واحد فينا هايتضرر ويتاذي هو كريم
اعتبره زيه زي البرادعي اللى انت عماله صورة شخصية ليك اول الحكومة ما عملت معاه حركة قذرة ونزلت صور بنته والله اعلم صورها ولا لا لانه هو نفسه لم ينفي سكت وهرب على اوربا ولما الثورة اشتعلت فضل هناك لما يتاكد ان الامور هاتتطور للافضل ورجع يوم الخميس بالليل وظهر يوم الجمعة نص ساعة واختفي وكدب وقال ان الاخوان والاحزاب فوضوه عنهم وكلهم طلعوا كدبوه

لما ده يكون القدوة بتاعتك او الرجل الافضل في رايك يبقي كريم منير هو الافضل من الافضل

مع احترامي الكامل لمشاركاتك معانا من اول ما بدات الثورة في موضوعات الاضراب اللى كريم سمح بيها وتركها رغم الضغوط اللى اتمارست عليه ولو كانت الثورة فشلت كان زمانه اول واحد متعلق فينا

-

-

الموضوع: مطلوب من السيد كريم منير اعتذار رسمى

LinkBack

أدوات الموضوع

عرض

-

-

-

-

-

المواضيع المتشابهه

اعتذار لاستاذ كريم منير و كل المشرفين و المراقبين

اعتذار رسمى

السيد كريم منير

اعتذار واجب للإدارة و خاصة كريم منير

الكلمات الدلالية لهذا الموضوع

المفضلات

المفضلات

ضوابط المشاركة