خليه يمشي في مسيرة الشهداء الأول
خليه يعزي بيت بيت ضحايا الثوره
خليه يعزي ضحايا العباره مش يحتفل هو وزوجته بكأس الأمم الإفريقيه
خليه يرجع الأراضي المنهوبه وال70 مليار الأول
خليه يتمنى من ربنا ان 85 مليون مواطن يسامحوه
خليه يمشي في مسيرة الشهداء الأول
خليه يعزي بيت بيت ضحايا الثوره
خليه يعزي ضحايا العباره مش يحتفل هو وزوجته بكأس الأمم الإفريقيه
خليه يرجع الأراضي المنهوبه وال70 مليار الأول
خليه يتمنى من ربنا ان 85 مليون مواطن يسامحوه
يا جماعة براحة شوية على الراجل
He Has a Nervous Shock !!!!
با 85 مليون ايه يا سارة
يابنتي دول المتواجدون حاليا فقط
شوفي المصريين عددهم كام بأثر راجعي ال 30 سنة اللي فاتت
775 Like
LOL
ممكن
شوفوا الخبر ده
مبارك لإسرائيل: الكل تخلى عنى وانتظروا الفوضى بالمنطقة
السبت، 12 فبراير 2011 - 19:05
http://www.youm7.com/images/NewsPics...0117131737.jpg
الرئيس السابق حسنى مبارك
نقلت وسائل الإعلام الإسرائيلية، تصريحات بنيامين بن اليعازر وزير الدفاع الإسرائيلى السابق وعضو الكنيست السابق التى أعلنها أمام شاشات التلفزيون الإسرائيلى، قائلا إن الرئيس السابق حسنى مبارك أبلغه أن ضغوطا عليه كانت السبب الرئيسى الذى اضطرته إلى التنحى.
وذكرت صحف يديعوت أحرونوت وهاآرتس ومعاريف الإسرائيلية، أن وزير الدفاع والصناعة السابق، المعروف بعلاقة الصداقة القوية بالرئيس السابق حسنى مبارك، أكد فى تصريحات حصرية لقنوات التلفزيون الإسرائيلى، أن مبارك اتصل به أول أمس الخميس، وتحدث معه ما لا يقل عن 20 دقيقة، وأبلغه قبل إلقاء الخطاب الذى أعلن فيه تفويض بعض سلطاته، أن الكل تخلى عنه.
وأوضح بن اليعازر، أن مبارك كان الحزن والأسف يغلب على صوته بسبب الضغوط عليه، قائلا إن ما حدث لمبارك جعله يشعر بالنهاية، وهذا اعتبره فى رأيى أنه" أمر مؤسف للغاية"، لأن مبارك الذى يؤكد أنه خدم مصر لمدة 61 عاما كان يعتقد أنه سيحظى بالدعم على طول الخط.
وأكد الوزير الذى كان مبارك يحرص على تهنئته بعيد ميلاده حتى بعد خروجه من الحكومة الإسرائيلية، أن الضغوط التى مارستها الإدارة الأمريكية على مبارك ليستجيب لمطالب شعبة ويترك السلطة، جعلته شديد الغضب خلال المكالمة التلفونية، وانتقد مبارك سياسات واشنطن فى الشرق الوسط بحدة لا نظير لها، وأكد أن الولايات المتحدة الأمريكية لا تفعل إلى ما تدعى له من ديمقراطية، ولا تنفذ إلا السياسات الخاطئة التى تدمر شعوب ودول المنطقة.
وأخيرا أكد مبارك أنه يتوقع بعد رحيله مباشرة من الحكم، أن تعانى دول الشرق الأوسط، وبخاصة الدول العربية، والخليجية بالتحديد، من حركات التمرد والاضطرابات التى لا تؤدى إلا لانتشار الفوضى والانهيار وظهور تيار التطرف والإسلام الراديكالى.
اه جريدة ينيعوت أحرقوت بجازززززز
براحة يا جماعة على الراجل
و بعدين ما الرئيس رحل الرحيل اللائق بيه فعلا
و حضرتك لو استنيت كام اسبوع بعد ظهور الناس اللى اتعاملت معاه الفترة الماضية و توضيحها للامور هتعرف انه رحل الرحيل اللائق بيه
و البداية بحسب الله الكفراوى انهاردة - اللواء مدير امن القاهرة السابق - و و و و
غدا كمال الجنزورى فى دريم
كله قادم
مسيرة ايه و زفت ايه ؟
يا جماعة حرام عليكم متفرجوش دول العالم علينا
وأنا بادعوا كل اهالى الشهداء والجرحى الى اضربوا برصاص حى والى اتحرقوا بالجاز والبنزين والى اداس عليهم بالعربيات للمشاركه فى هذه المسيره وكذلك اهالى قتلى العباره ومرضى الفشل الكلوى من المبيدات المسرطنه ومرضى فيرس سى والمعتقلين السياسين وجوعى مصر جميعا للمشاركه
وهكمل الرد عليك يا جيمى يا عميل لما اشوفك بكره لو رحت الشغل عشان بفكر اخذ اجازه
لو ما جتش اعملى اجازه
815 واحد مشاركين فقط في الصفحه
متأكد ان 3 ارباعهم حزب وطني حرنانين علي العز اللي كانوا فيه
والربع الباقي اكيد كان بيتفرج عالتلفزيون المصري كتير
حسبي الله ونعم الوكيل فيك يافرعون يامتجبر
ده ماكانش بيصلي الجمعه غير لما التلفزيون كان بيصوره
يارب مصر كلها تشوف فيك يوم يشفي غليلهم
منور بعد اختفاء يا باشا
كنت ناوي ابعتلك برايفت اسال عليك بس الظروف وحال الدنيا
المهم بقي
واضح من كلامك ان جيمي زميلك في الشغل
يا ريت لو تعرف مكان بيته
ونروح الفجر نعلق يافطه صغيره بس عليه ونمشي
حنكتب عليها
مقر الحزب الوطني الجديد :36_2_33:
ههههههههههههههههههههههههه هههه
هههههههههههههههههههههههه
ربنا يكرم يا باشا على الاهتمام
واشكرك على مشاركتك لتلطيف الجو
هو جمال زميلى فى الشغل فعلا وكان خايف بجد على البلد وعمال يقول البلد ها تتخرب ويجى على طلو مكتئب
وبيقول حسنى يكلمل مدته ومع الف سلامه واعتقد ده كان رأى ناس مش قليلين وكانت محاولات اقتناع متواصله من كل طرف منا لاقتناع الاخر بوجهه نظره مع تسميه متبادله(على سبيل الهزار طبعا ) بان كل واحد مننا عميل وكنت باحاول اخليه يجى معايا انا وبعض زمايل كنا بنروح التحرير لكن هو مكنش مقتنع وده رغم اختلافى معاه لا يقلل من وطنيته
المهم لو عاوز نسلمه يا باشا انا موافق... هاجيب العنوان وابعتهولك والباقى يبقى عليك
صلى على النبى انت عايز البلد تولع تانى احنا ما صدقنا
ده ما شاء الله اتصل بصاحبه الوزير الاسرائيلي السابق يفضفض له , ويشتكي له امريكا الوحشة اللي اتخلت عنه و سابته للضغوط (اللي كانت من الجيش طبعا) .... اتصل بصاحبه و حبيبه الاسرائيلي يعيط له يا عيني
لأ و طلعت الفوضى اللي هو هددهم بيها هما اللي يستنوها مش احنا
كان خايف عليهم يا حرام
صدق من قال عليه صهيوني
فين الشعب في المعادلة دي ؟؟
ما يعرفهمش
هههههههههههههه
نودع مين.. دا خساره القله اشرب فيها احسن
وخساره عود الكبريت وشويه الجاز اولع بيهم زباله احسن
هو الحزب الوطنى رجع المنتدى تانى
شايف الجمل جاى بيجرى من بعييييييييييييييد اهو
هشششششششش يا جمل مبارك غار خلاص
المشكلة ان الشعب اتخذ الرئيس ده اله أو رب
ده مووووووووووووظف مش أكتر ارحمووووووونا بقى يالهوي اييييييييييييه
انا هجنن هو موجود مش عاجب والحال والعيشة واللي عايشنها مشي مش عاجب برده هههههههههههههه
انا دخلت البيج بتاعتهم يالهوي جاتلي هسترية ضحك هههههههههههههههههههههه
دول عالم ميستهلوش الحرية بصي يا أمور منك ليه انتو تروحو معاه تتنحو انتو كمان
مع إحترامي لكلام حضرتك وروحك الجميلة، بس أنا دلوقتي ابن عمي أخد رصاصة في فخده من القناصة اللي كانوا بيهاجمونا في التحرير، تتوقع لما أقول لابن عمي كده هايقولي إيه؟؟؟؟؟؟؟؟؟؟؟؟؟
ياجماعة خلو بالكم ان الراجل لسة عضو جديد هنا . براحة علية شوية
واضح بس انة لسة ما فاقش من الصدمة لانة بيحب مبارك
سامحوة ياشباب
شكرا لكل محترم رد بأدب و احترام لأن هذا ينم عن تربيته و نشأته النظيفة و اخلاقه الحميدة و آسف لما رأيتة من ردود غير محترمة او تستخف برأى الآخرين و هذا ايضا يدل على العشوائة فى كل نواحى حياتهم سواء ان كانت فى النشأة او فى التعامل مع الآخرين لأنه من غير الائق ان نشكك فى وطنية احدنا الآخر و قد حبانا الله عقلا لكى نستخدمه فى لغة حوار محترمة فى النهاية احب ان اوضح اننى مع الثورة جدا و مع التغيير للأفضل و كل من كان فى الثورة انسان شجاع و ساهم سواء بصوته او بروحه من اجل تحقيق حياه افضل لنا جميعا و لكن وجهة نظرى اننا لا نريد ان نضرب برموزنا عرض الحائط حتى نثبت للعالم اننا مهد الحضارات نعم قمنا بثورة و لكن ليست للإهانة و لكن للإصلاح و التغيير و عندما رحل الملك فاروق قد ضرب له 21 رصاصه فى توديع محترم و رحل على متن قاربه. فى النهاية اود ان اذكر نقطة مهمة انى جيلى من مواليد الثمانينيات لم يشهد رئيسا غيرة و لم نعهد احدا اخر فليس من السهل ان نستوعب الحدث لأننا ببساطة نخاف على احوال مصرنا الحبيبه و ان شاء الله سوف نعيس عصر ازدهار بفضل ثورتنا المصرية الرائعة المتحضرة
حبيبى يا هانى بجد احب ان اوضح ان هانى مثال للمصرى المحترم المتحضر. هو زميلى فى الشغل و مكتبا جمب بعض صحيح كنا مختلفين فى الرأى بس بمنتهى الادب و الاحترام و مازلنا و هانفضل حبايب ان شاء الله ربنا يديم المعروف يا جماعه احنا كانت مطالبنا واحده فليس هناك داعى ان نتعصب على بعض نهائيا و شكرا لمشاركتك يا هانى يا عميل ههههههههههه:tongue32: