فرسان شيفروليه ايه رائيكم البلد رايحه على فين!!!!!!!!

**mhmdalsaadany** · 12-02-2011 08:25 PM

السلام عليكم اخواني واحبائي
وحشتوني اوي بس انا عايز افتح معاكم موضوع مهم انا من ساعه تنحي الريس وانا جوايا مشاعر متضاده جدا فرحان بالتغير وبالثوره وفي نفس الوقت خايف اوي على البلد دي مش عارف بكره شكله ايه خايف نعمل زي العراق ونكسر التماثيل ونفرح اوي وبعدين.............. ودلوقتي حالهم ميخفاش على حد طيب بكره شكله ايه طبعا كله مقدر ومكتوب وربنا يارب يحمي البلد دي بس نعقلها ونتوكل على الله المشكله ان 30 سنه فساد مكنش في حد ممكن نجمع الشعب عليه كل واحد من الناس دي ليه مشجعيه ومعارضيه دا يقولك فولان واحد تاني يقول لأ علان و خايف الموضوع يوصل لحرب شوارع ومنعرفش نلمه والجيش يضطر يلجأ للاحكام العرفيه وما الى ذلك دا كمان لو الجيش مطمعش في السلطه وخلاها خل ......................
بصراحه انا مرعوب واملي في ربنا كبير يارب عدي الايام دي على خير
انا حبيت بس افضفض معاكوا وربنا يستر ان شاء الله

**fawzyyyy** · 12-02-2011 09:48 PM

والله يا محمد نفس الشعور و الكلام...........مبسوووط ان ناس كتير كانوا سارقيين البلد حيتحاكموا و يرجعا الفلوس اللي هي مفروض تبقي بتاعتنا..................و خايف جدا من بكرة......بس يا رب بكرة يبقي احلي و نعيش صح بمعني الكلمة

**aymanmaly** · 13-02-2011 01:22 AM

انا عندى اكتئاب و زاد و يزيد
ولاول مرة اكون مش متفائل
مبسوط من الى حصل
طبعا اكيد
مبسوط من الى وصلانلة
جدا جدا
حاسس انى بحلم
طبعا
نزلت امبارح لفت بالعربية و اخذت مراتى و اولادى
طبعا
صورتهم مع الدبابات
اكيد
حسستهم ان في حاجة جامدة و حقيقية و ممتازة حصلت
اكيد
عيشتهم اللحظة
طبعا
انا حاسس بأية ؟
حاسس انى بحلم
طيب شايف اية امامى
شايف 10 سنوات من الظروف المالية السيئة و عدم الاستقرار السياسى و اقتصاد صعب
و فترة غير بسيطة من عدم الاستقرار الامنى
مرعوب و مكتاب و غير متفائل
يمكن دة لانى عشت عمرى كلة لا اعرف غير نوع معين من الحكم
هل دة لخبرتى البسيطة بالسياسة
هل دة الان المفجئة كانت غير متوقعة لغاية كام يوم فاتو
مش عارف
قدر الله ما شاء فعل
بعتز للجميع عن كلامى بس فعلا انا فى حالة نفسية غير مستقرة و مشتت الزهن جدا
و للاسف مش عارف اخرج منها
بس بحاول

**mhmdalsaadany** · 13-02-2011 02:18 AM

والله يا استاذ ايمن كلنا هذا الرجل
انا من امبارح مش عارف انام ولا افكر ولا اشتغل
حقيقي مش كلام مع اني مش شايف حاجه بتحصل لكل دا والناس كلها فرحانه بس اهو خوف من المجهول
لنت مش عارف انت رايح فين عملين زي اللى مغمض عينه وسايق عربيه منتظر في اي وقت لا قدر الله يعمل حادث او يتقلب او يجي واحد يشيل الغمامه ويخليه يشوف كويس
ربنا يستر انا مرعوب يا خونا والله

**ahmedaglan** · 13-02-2011 11:00 AM

ياأخوانى أن الله لا يضيع أجر من أحسن عملا
وانشاء الله ربنا هيكرمنا والبلد دى هتبقي احسن من الاول بامر الله بس الموضوع محتاج شوية وقت وصبر وانشاء الله ربنا يصلح الاحوال

**joe_techno** · 13-02-2011 01:34 PM

يا جماعة انا متفق معاكوا كلكم بس انا شعوري مختلف حبتين صحيح انا فرحان جدا جدا باللي حصل لاني احسن حاجة في الدنيا اني الحق يرجع لاصحابه و الغلطان يتحاسب و صحيح برضه خايف جدا من اللي جاي لاني احنا زي ما قال استاذ محمد عاملين زي اللي ادوله عربية غالية و جميلة بس مغميين عينيه فحاسس اني في وقت هيحصله حاجة و مش عارف يتهني بيها من كتر خوفه بس في حاجة بتطمني اني احنا بنقدر نتحمل اي حاجه و بنواجه اي حاجه تحصل لنا صحيح اتظلمنا كتير بس في الاخر خدنا حقنا اتذلينا كتير بس محدش عرف يكسرنا حاولوا يوقعوا بينا كتير بس معرفوش يخلونا نموت كل ده مش كلام شعارات ولا اغاني صدقوني بس دي الحقيقة
في ناس سرقت و هتفضل تسرق بس هيجي الوقت اللي هيتحاسبوا في فيه ناس ممكن تخرب البلد او عايزه تخرب البلد بس احنا فوقنا و مش هنسيب حد يخربهلنا اي كان

**ecybrarian** · 13-02-2011 04:23 PM

أنا مش خايف..بكرة احسن من النهاردا..بس احنا نبدأ..شوف الموضوع دا http://www.nilemotors.net/Nile/200946-a.html
مصر دي دولة عظيمة جدا..والشعب ممتاز وإن شاء هانبقى زي تركيا لو مش زي كوريا

**zeznia** · 13-02-2011 07:05 PM

ياسفني اني اسمع هذا الكلام من فرسان الشيفروليه
ياجماعه احب اطمنكوا
اولا مهما كان الجاي سيئ لاقدر الله عمره ماهيكون اسوء من اللي فات
ثانيا مصر مش ممكن تبقي عراق ثاني او حتي لبنان لسبب بسيط ان اهلها في رباط الي يوم الدين وطبعا الرسول هو اللي قال كده
ثالثا الجيش مش ممكن يستولي عالحكم لان ارادت الجيش من ارادت الشعب وده نفس اللي حصل في 52 بالاضافه ان دول خير اجناد الارض
رابعا كل اللي اقدر اقوله دلوقتي وانا متاكد ارفع راسك يااخي لقد مضي عهد مبارك
وشويت تفائل بقي ياجماعه ولا احنا فعلا شعب بيحب النكد زي عنيه بيعيط حتي في العز الفرح
ماخبيش عليكما الواحد حاسس بزهق شويه بس مش باكتاب يعني علشان كده انا بدعو لانعقاد مجلس نادي الشفرليه كنوع من الاطمئنان علي الاعضاء اللي عندهم اكتأب دول قبل مايعدو المنتدي كله ههههههههههههههههههه
اسف لاطاله

**hpxp** · 17-02-2011 02:27 PM

محدش يقلق
الي جاي احسن من الي الهباب الي راح
وانا متفق مع استا ذ ايمن في اراءة معادا في النقطه الماليه الاخ بوبو هربان ب70 مليار هيرجوا وعم ميدو زوزو هربان62 مليار هيرجعوا
ان الله لا يضيع اجر من احسن عمل
بعدين الناس فهمت تجيب حقوقها ازاي دا يعم العيل الصغير كان بيقول لبوبو ارحل
شوف بقي لما المليارات دي كلها ترجع وكل الناس تبقي امينه مع بعضها الدكتور يخلص في مهنته والمدرس والصنيعي
والحرامي كمان يخلص في عمله ايوة يخلص في عمله يسرق والحكم العسكري موجود او يسرق الحاجه من الحرميه اخوته ويخلصوا علي بعض او يسرق الحاجه ويرجعها علي بعض وربنا ما يوريكم حرقه السرقه

**Bassem Raafat** · 17-02-2011 05:21 PM

والله يا شباب أنا تقريباً برضه شعورى قريب كتير من شعوركم ، وبجد اللى خايف منه فى الفتره الحاليه هو خلق فتنه من نوع جديد فى البلد .

مع العلم إن الكل : ( بيحب البلد - ضد الفساد - مع التغيير - ضد الإهانه ) يبقى ليه إختلاف فى وجهات النظر ممكن يولد فتنه مع إن الكل متفق على المبادئ الأساسيه !!!! والله حاجه تحزن : (

الموضوع: فرسان شيفروليه ايه رائيكم البلد رايحه على فين!!!!!!!!

LinkBack

أدوات الموضوع

عرض

فرسان شيفروليه ايه رائيكم البلد رايحه على فين!!!!!!!! - انشر الموضوع فى :

-

-

-

-

-

-

-

المواضيع المتشابهه

إلي فرسان شيفروليه

حبايبي و اخواني فرسان شيفروليه

هي البلد رايحه علي فين فوضي فعلا

.. مقابلة فرسان قسم شيفروليه الخامسه ..

.. تحديد ميعاد لمقابلة فرسان شيفروليه الخامسه ..

الكلمات الدلالية لهذا الموضوع

المفضلات

المفضلات

ضوابط المشاركة