استفسار

**poussi** · 12-02-2011 11:33 PM

السلام عليكم يا اعضاء نايل موتورز

انا ليا استفسارين

اول واحد انا كان حد سايقلى العربيه وكان ماشى ف طريق مش اسفلت يعنى الزلط السغير كان ناعم اوى زى ما يكون متسفلت كده كان ماشى بسرعه اوى تقريبا 100

وتانى حاجه كلنا شويه مطبات ومطبات حديد على سرعه 40 مثلا

عايزه اعرف ايه الاضرار اللى ممكن تكون حصلت للعربيه بسبب كده لانى اسمع ان الانوس محتاجه سواقه كويسه

وانا خلاص قربت على اول صيانه 5000 عايزه اعرف ايه الحاجات اللى اخليهم يركزولى عليها ؟؟

تانى حاجه بقى انا ركبت انذار للعربيه ف التوكيل اخيراا الحمد الله

عايزه اعرف بقى اهميته ايه غير انه ينبهنى لو حد قرب للعربيه ؟؟ خصوصا ف الفتره دى زى مانتوا عارفين مفيش رقابه والمساجين هربوا فخايفه اوى من سرقه العربيه

اخيرا بقى اهميه التامين العام ايه ؟؟ هو مكلف اوى فبفكر اطلع منه ايه رايكوا

**Ahmed Nasser** · 13-02-2011 06:44 PM

الاستفسار الاول
اعتقد ان مافيش حاجة حصلت انشاء الله
بس لما تروحى التوكيل خليهم يكشفوا على العفشة مقصات وبيض و.........

الاستفسار الثانى
مبروك الانذار
ممكن تجيبى وحدة رفع للزجاج لو كان كهرباء وتوصلة مع الانذار
وكمان توصلية مع السنتر لوك

**MMamdouh** · 14-02-2011 11:23 AM

فى الصيانة اطلبى تربيط عفشة... مش اكتر من كدة

الانذار شغلتة انه يضرب السرينة لو العربية اتفتحت او جسم العربية اتهز بعنف

MMamdouh

**A.Saad** · 14-02-2011 08:41 PM

التامين : لو لاقدر الله العربية اتعرضت
لحادث
حريق
سرقة سواء كاسيت او العربية كلها
التامين بيعوضك عن اللى حدث
غالبا بتتحملى جزء والباقى بيتحمله شركة التامين

**A.Saad** · 15-02-2011 08:15 AM

يبقى امنى على العربية
وخلى الشركة تضيف تامين ضد الشغب والاضطرابات الاهلية
هما هيبقوا متعبين فى الجزء ده
بس احداث الشغب بتكون مش مغطاة فى الوثيقة واى ضرر عنها الشركة مش هتوافق عليه
كمان وانتى ماشية اقفلى السنتر ومتخليش الزجاج مفتوح للاخر
متسبيش حاجة مغرية فى العربية وتنزلى زى الموبايل
لاب توب
شنطتك وتكون على الارض فى الدواسة وانتى ماشية
وعمرك ما تنزلى وتسبيى العربية دايرة او المفتاح فيها حتى لو فيها اشخاص تانية