إخواني الكرام انا من الأسكندرية
اين سوق السيارات بالقاهرة
وما موعده
وما هو النظام به
وما هو اقرب طريق اليه علما انني قادم عن طريق المواصلات
وجزاكم الله خيرا
__________________
عرض للطباعة
إخواني الكرام انا من الأسكندرية
اين سوق السيارات بالقاهرة
وما موعده
وما هو النظام به
وما هو اقرب طريق اليه علما انني قادم عن طريق المواصلات
وجزاكم الله خيرا
__________________
سوق السيارات في مدينة نصر - الحي العاشر
بيشتغل يوم الجمعة و يوم الأحد بس يوم الجمعة أكتر
لو رايح تعرض عربيتك بتدفع 10 ج عشان تدخلها داخل حدود السوق بس واضح انك جاي عشان تشتري مش تبيع
هتلاقي العربيات المعروضة مرصوصة في صفوف طويلة و كل واحد جنب عربيته و انت هتلف عليهم لغاية لما تلاقي اللي انت عايزه
مهم انك تجيب معاك كاب او طاقية عشان ممكن تلف كتير و الشمس يوم الجمعة غالبا بتبقى حامية و ممكن تتعب
ونت هناك لو دخلت تصلي في المسجد بتاع السوق اوعى تسيب جزمتك بعيد عن عينيك عشان لو غابت عن عينك شوية هتغيب على طول :d
لو انت جاي بالمواصلات غالبا الميكروباص او الاوتوبيس هينزلوك موقف أحمد حلمي أو في رمسيس هتسأل على مسجد الفتح و هتركب من قدامه ميكروباصات او اوتوبيسات اللي رايحة الحي العاشر وهينزلك الميكروباص دا قدام السوق بالظبط
ميكانيكي ثقة وخبير أوي من القاهرة وكمان بيشتغل في تجارة المستعمل قاللي كلمة غريبة أوي
قاللي ولا باشتري ولا بابيع في السوق
قال مليان نصابين
وأكيد طبعاً إلا من رحم الله
عشان كدة خد بالك كويس وياريت لو انت خبراتك متواضعة تاخد معاك حد شاطر في الحاجات دي
جزاكم الله خيرا
ممكن اعرف من حضرتك متى يبدأ ؟ الساعة كام
من 9 الصبح لغاية المغرب تقريبا
نصيحة خد معاك ميكانيكي او سمكري او حد بيفهم في فرز العربيات يكشفلك علي العربية اللي ح تشتريها .. ولو مافيش يبقي تكشف علي العربية في محطة بنزين فيها خدمة الكشف علي العربية .. وممكن الزملاء يدلوك علي المحطات اللي فيها كشف علي السيارات
العربية لو بيتي ومحترمة ومش متمرمطة بين التجار ح تلاقي الرخصة باسم صاحبها اللي بيبيعها مباشرة مش واحد معاه توكيلات
وح تلاقيها مترخصة لمدة كبيرة نسبيا ده بيدل ان السيارة بتاعت اسرة او شخص معين ومش سيارة سوق
ربنا يوفقك
بارك الله فيكم وجزاكم الله خيرا
اخواني الكرام لو الأوتوبيس اللي انا قادم به خط سيره التحرير والماظة اي الأماكن اقرب للسوق ؟
يا جماعه كنت عاوز اسأل هوا مافيش اسواق سيارات
غير اللي في العاشر ولا في في حتتت تانيه
لو نزلت التحرير اركب لغاية رمسيس و من رمسيس الحى العاشر و لو هتاخدفلوس معاك تخلى عينيك فى وسط راسك او كفاية عربون و خلص يوم الاحد لما البنك يشتغل و خلى بالك ان السوق بقى مليان تجار و السوق شغال من بعد الفج لغاية لما الدنيا تضلم لازم يكون معاك حد بيفهم كويس جدا جدا جدا و خليك صاحى فى فلوسك و فى العربية الى ربنا يوفقك فيها و ابقى ارفعها فى البنزينة قبل الشرا او حد ينزل تحتها يشوفها.
فيه يا nokiy ... و اسمه سوق البساتين و هو قريب جدا من سوق الجمعة الشهير :) اللي قبل صقر قريش.
بس ده غير منظم خااااااالص و هو ده أعتقد كان سوق السيارات الوحيد في القاهرة زمان.