هل ها نبقي زي بلاد بره
هل ها يبقي في احترام بين المواطن ورجل المرور
هل خلاص هايبقي في ادب متبادل بين الشرطه والشعب؟
عرض للطباعة
هل ها نبقي زي بلاد بره
هل ها يبقي في احترام بين المواطن ورجل المرور
هل خلاص هايبقي في ادب متبادل بين الشرطه والشعب؟
ان شاء الله
( اقولك حاجة؟... انا متفائل)
لازم نكون متحضرين وتعاملنا يكون راقي
احنا بنتعامل كبشر مش كحيوانات
يا جماعة الموقف ده حصل و انا مش مصدق
انا كنت طالع من سمحة و طالع على البحر عن طريق الشارع اللى فية كيروسيز مول فالشارع ده لما الاشارة بتفتح يبقى تقريبا اتجاه واحد ناحية البحر المهم لقيت العربيات ماشية قولت تبقى الاشارة مفتوحة و اخدت عكس لحد قبل شارع ابوقير و هوبا الاشارة مقفولة
وطبعا انا عكس لقيت ظابط من ابو موتوسيكل جه نحيتى قولت اجهز التليفون للجنة الشعبية احتياطى و بابتسامة و قاللى " انا اسف بس حضرتك واقف عكس الاتجاه و اعتقد ان حضرتك افتكرت الاشارة مفتوحة"!!!!!
المهم نظرة غريبة منى و فتح الفم تعجبا مما حدث و كأنى فى حلم المهم وقف ورا منى و خلاانى ارجع و اظبط مكانى و يقولى خالى بالك من العربية اللى وراك سنة ورا لحد اما بقيت فى الصف و قاللى " حضرتك مش رابط الحزام اعتقد حضرتك لسة طالع فياريت تلبسوه عشان سلامتك " و قاللى " اى خدمة تانى حضرتك"!!! مش مصدق اللى حصل لولا والدتى كانت قاعدة جمب منى لقالت انى بحور و انا بحلم قولتلو الف شكر و كان هاين عليا انزل و احضنه هو الذوق و الادب ده كان فيييييييييين من زمان
يااارب يفضل الحال كدة امين
اولا كل واحد لازم يلتزم متخلوش اى حد يتلكك يا جماعة على اى حاجة حتى لو صغيرة لازم كلنا الفترة اللى جاية كلنا نحترم بعض من ناحية الشرطة و الشعب ولازم كلنا ايد واحد
طبعا الاحترام جاى من احترام النفس
وعشان نلاقى احترام متبادل منهم لازم احنا الاول نحترم القوانين
ومنقولش ده مولد وصاحبه غايب يبقى كده هنرجع أسوأ من الأول
انا سعيد اني قريت مشاركة زي اللي فاتت دي في مصر
الحمد لله
بس طبعا احنا لابد نلتزم بالقوانين لأن من حقهم انهم يعاقبونا في حال مخالفتنا للقوانين دا حقهم لأنهم بيحمو القانون
اما التعامل فباذن الله هيكون أفضل ان شاء الله
الكلام دا في مصر امال كان فين من زماااااااااااان
السلام عليكم و رحمة الله و بركاته
و الله احنا مع الكداب لحااااااااااااااااد باب الدار, طول ماهما معانا فى الPeace و ميه ميه, أدينا أخوات و حبايب:verygood::36_3_10[1]:, تحصل حاجة كده و لا كده, عالطول, هيشوفوا الوش بتاع 25 يناير و ربنا مايوريهم الوش بتاع 25 يناير:cool (1):.