زيت فتيس و لا بلي عجل

**ottana** · 13-02-2011 01:05 AM

السلام عليكم و رحمة الله و بركاتة
عربيتى دايو لانوس 2007 عاملة 68 الف ,,,, عند 60 الف غيرت السيور كلها و الفلاتر و البوجيهات و المفروض اغير الزيت بتاع الموتور كنت حاطة زيت شيل 7000
من فترة قصيرة حسيت ان صوت العربية عالى,,,,, صوت العربية اعلى من صوت الكاسيت
و صوت العربية العالى دة بيبقى على السرعة فوق ال 60
روحت للميكانيكى قالى ان البلى بتاع العجلة اليمين الامامي عاوز يتغير

قولت اتاكد برضة و اروح لميكانيكى تانى قالى بلى العجل بتاع الاربع عجلات سليم
و الصوت العالى دة من الفتيس و انتى لازم تحطى زيت فتيس تقيل مش خفيف قولت لية دة العربية ليسة جديدة و الزيت التقيل للعربيات القديمة قالى العمر الافتراضي للفتيس
بصراحة انا فى حيرة شديدة مش عارفة مين الصح و اعمل اية
برجاء المساعدة

**osama.m** · 13-02-2011 01:12 AM

بلي العجل مش بيطلع صوت علي زي ما بتقولي كدا
النقلات وسحب العربية اخبارة اية .. حاسة ان عزم العربية قل عن الاول ؟
حاولي توديها عند مركز متخصص يكشف عليها او ميكانيكي يكون ثقة

**midooo_119** · 13-02-2011 11:55 AM

بسم الله اولا اهلا بحضرتك ...
من واقع تجربتى الى استمرت سنه و نص مع الصوت الى حضرتك بتقولى عليه فهو 90 % بلى امامى و ممكن نتأكد لو فيه زنه فى الطابلوه الامامى عند السرعات العالية

**midooo_119** · 13-02-2011 11:58 AM

المشاركة الأصلية كتبت بواسطة osamalover

بلي العجل مش بيطلع صوت علي زي ما بتقولي كدا
النقلات وسحب العربية اخبارة اية .. حاسة ان عزم العربية قل عن الاول ؟
حاولي توديها عند مركز متخصص يكشف عليها او ميكانيكي يكون ثقة

مع احترامى لرأى حضرتك البلى مش بس يعمل صوت عالى ده ممكن يجيبلك صداع لو انت استمريت تمشى على سرعه فوق ال 60 فترة و فعلا صوته اعلى من الكاسيت و ياسلام بقى لو الطابلوه الامامى بيزن كمان بتبقى مزيكه حصبالله

اسال مجرب و لا تسالش مياكنيكى

**midooo_119** · 13-02-2011 01:38 PM

المشاركة الأصلية كتبت بواسطة jojowork1

لما البلي باظ عندي اول مره بعد سرعه 80 كنت بحس ان المتور فوت واني راكب محرات زراعي بايظ كمان

ده أقل واجب , البلى ده صداع رسمى و الله ربنا يكفينا شره بس لما بيبقى مظبوط بيبقى صباح النعومة للعربية

**midooo_119** · 13-02-2011 02:41 PM

المشاركة الأصلية كتبت بواسطة ottana

شكرا لكل من ساهم بالرد
هو بالنسبة لسحب العربية كويس جدا مفيش اى مشاكل معاة

دلوقتى بس اللى محيرني ان فى ميكانيكى قال دة بلى عجل امامي

و ميكانيكى قال لا دة بلى العجل سليم مفيهوش حاجة و ان الصوت العالى دة من الفتيس و انة عاوز يتغير الزيت لية بزيت تقيل 140

و السؤال برضة هل الفتيس لما يكون فية مشاكل بيبقى صوت العربية عالى على السرعات العالية
لانة مهم جدا اننا نعرف اية تأثيرة لو دة فعلا صحيح

و اكرر الشكر لكل من ساهم بالرد

زى ماقلنا ان الصوت ده بنسبه كبيرة بلى اما الفتيس فاعراضه ان سحب العربيه بيقل و بيبقى فيه صوت خشونه لما ندوس دبرياج فحضرتك ممكن تغيرى البلى الامامى و تزودى زيت الفتيس مش تغيريه بزيت تقيل. لو العربيه مانيوال بنحط زيت فتيس 90

**A.Saad** · 13-02-2011 09:34 PM

فتيس ايه اللى عمره 60000 كم
الهى ربنا يقصف عمره على راى احمد مكى

ممكن ترفع العربيه و تلف العجل بايدك ... لو العجل قافش او مش بيتحرك بحريه يبقى تيل الفرامل
لو العجل مش بيتحرك بحريه مع خشونه يبقى بلى

والاختبار التانى هيبين الصوت اكتر
-ارفع اى جنب للعربية
- لف العجل بئيدك جامد
- حط ودنك على الرفرف فى نفس مكان المساعد و امسك السوستة بئيدك
- لو البلى فى مشكلة هتسمع بودنك صوت زى نحر خشن و هتحس بية فى السوستة

-

الموضوع: زيت فتيس و لا بلي عجل

LinkBack

أدوات الموضوع

عرض

-

-

-

-

-

-

المواضيع المتشابهه

نصحية تغير فتيس مانيوال الى فتيس اتوماتيك

حد غير فتيس شيرى قبل كداااا؟؟؟ يركبلها فتيس جولف ولا لا؟؟

تغيير فتيس الايه 4 الاوتوماتيك الى فتيس الايه 5 اتوماتيك

مقارنة فتيس الافيو و فتيس اللوجان

فتيس غريب ولا انا الى عمرى ما شفت فتيس صح ابل كدة

الكلمات الدلالية لهذا الموضوع

المفضلات

المفضلات

ضوابط المشاركة