فيديو لبيان تاريخ البرادعي الناصع ونفاق النظام ( رائع )

دكتور البرادعى :عذرا لمن لم يعرف قدرك وحقيقتك من بنو وطنك عفوا وسياتى اليوم الذى يعرفون من هو الدكتور محمد البرادعى


الى من لا يعرف قدر البرادعى
ارجع الى كل ما كتب و قال منذ أن عاد الى مصر فى بداية العام الماضى و ستجد أن ما قاله تحقق
ارجع الى حديثه مع عمرو أديب مثلا ستجد فقرة سأله فيها عمرو أديب كيف تقول أنك متأكد من سقوط هذا النظام و كانك ترى شيئا لا نراه أو لديك معلومات لا نعلمها
أنها بصيرة السياسى المحنك


أعتقد أن الدكتور محمد البرادعى هو الوحيد الذى لديه نظرة شاملة و عميقة و برنامج متكامل للفترة القادمة...الفترة القادمة ليست سهلة أو بسيطة فالرئيس القادم سيتسلم ورث ثقيل من الفساد و الدمار الذى خلفه مبارك فى كل شبر من أرض مصر و هو ليس معه عصا سحرية لإصلاح ذلك فى وقت قصير...سيكون عمل شاق و مضنى و يريد إنسان مؤهل جداً محلياً و دولياً و أعتقد أنه الدكتور محمد البرادعى


YouTube - ‫ط.ظ‚ظٹظ‚ط© ط§ظ„ط¯ظƒطھظˆط± ظ…ط.ظ…ط¯ ط§ظ„ط¨ط±ط§ط¯ط¹ظ‰‬‎

كلام سليم
اي متعمق في سياسة واحوال بلده هيعرف قدر البرادعي وانه ركن الثورة الذي استند اليه الشباب واعطاهم الجرأة والهمهم الامل في التغيير
حين اسس الجمعية الوطنية للتغيير لم يكن شعارا بل كان فعلا تحقق بقوة وحدث التغيير الشامل الجذري في تاريخ مصر منذ عهد الفراعنة
واسفسى على اناس من المفترض انهم متعلمون اومعلمون انخدعوا
والغريب انهم لازالوا حتى الان ابواق قبيحة للنظام البائد

البرادعى مش هيعرف يتعامل مع البلاوى اللى موجودين فى مصر حتى لو كان كويس و كله تمام مش هيمشى معانا أحنا عاوزين واحد فاهم الليلة و يعرف يلاعب الفاسدين كويس أنما البرادعى و زويل و كل الناس دى لازم يشاركوا فى الحكومات اللى جاية و إلا هتبقى خسارة كبيرة لينا و ربنا يجيب العواقب سليمة و لما نشوف هنوصل لفين ...أدعوا لله فأننا لا نملك إلا الدعاء

بص انا منكرش اني متأثر ولا زلت متأثر بكلامهم عنه
بس مش انه مش عارف جي من بره مصر يحكم ومش يحكم وميعرفش طبيعه الشعب المصري والهكص ده

ماهو وائل غنيم عايش بره مصر ومتجوز امريكيه كمان
وحس بالبلد وعمل حاجه

البرادعي بقي اعتراضي عليه في نقطتين

1- كان فين يوم 25 و26 و27
ناس كتير كرهته بسبب انه اختفي ولا علق في ال3 ايام دول
وحتي مقالش اي تصريح
وبعد ما الثوره ابتدت تكبر والمطالب ابتدي صوتها يعلي
لقيناه جي في الطياره وراح ميدان التحرير
طب انتا كنت فين ياعمنا ولا انتا جي تزيط بقي زيك زي ايمن نور والسيد البدوي

2- انا حاسس انه ولا سياسي محنك ولا بتاع
سياسي منين يعني ولا يعرف شكل السياسه منين
السياسي المحنك ده واحد زي السادات زي مصطفي الفقي زي اسامه الباز
هوا ده اللي مغموس سياسه وبيتنفس سياسه وعنده القدره علي قراءه الاحداث وتفسيرها وتحليلها
انما دكتور محمد البرادعي ده راجل عالم ذره
ماله بقي ومال السياسه


استنتاج تالت طلعته من مشاهدتي للفيديو

الراجل ده مستحيل مستحيل يمسك حكم مصر
ولو كلنا كنا عاوزينه حتي

ده مانشيتات الصحف القوميه كاتبه انه كان فاضل شويه ويتف علي امريكا واسرائيل :)
يبقي ده لو مسك حكم مصر
تاني يوم
لا
مش تاني يوم
يوميها العصر
حنلاقي امريكا واسرائيل واقفه فوق القصر الجمهوري بتقول المبني ده مخالف وجايبين بلدوزر من الحي يقولوا شيلوه
يقولك بقي ده فاهم في النووي ياعم وحيقرفنا بقي
حيقوم ويصحي بيحلم
عاوز مفاعل عاوز مفاعل

ده رأيي واحب اسمع نقدكم لرأيي واعرف انا صح في ايه وغلط في ايه
ونفسي اسمع حد من مؤيدي البرادعي رئيسا لمصر بيأيده ليه كمواطن مش عشان الحاجات اللي في الفيديو
لان مش اي حد ياخد جايزتين يبقي رئيس مصر

سبحان الله على تشوية السمعه الي حصل للبرادعي.
دول واصفينه بالبرشوت على البلد !! و انه بيلقح جتته وكلام لا يليق انه يطلع من مسؤولين.

الفيديو ده فعلا عبقري الي عمله عشان يظهر الحقيقه.

مع كامل إحترامي لشخص أي حد ... يا ريت نبطل إختزال القدرات في شخص واحد


طيب ما أنا كنت متوقعة إن حتحصل ثورة لأني كنت عايشة في البلد وشايفة وصلنا لإيه ,,, يبقى أنا الوحيد إللى أصلح رئيس جمهورية ؟ وليا رؤية و و و

البلد مليانة كفاءات لكن كان مصيررها المعتقلات والتهديدات والتضييق في الأرزاق و و و

ربنا ينضف البلد ويردها لأصحابها بشكل كامل قريب يا رب

الراجل ده اتحارب من الحزب الوثني بابشع الطرق واتطعن في شرفه ودينه ووطنيته وعروبته وكل حاجه

اقتباس:

---

انما دكتور محمد البرادعي ده راجل عالم ذره

---

لا تعليق!!!!!!!!
مين ده اللي عالم ذرة

امال ماسك وكاله الطاقه الذريه وهوا دكتور في ايه بالظبط
والله مااعرف يارالي
بالراحه عليا ياعم
متسيحليش هنا
لينا قسم نتخانق فيه :)

اقتباس:

---

المشاركة الأصلية كتبت بواسطة funnymickey

2- انا حاسس انه ولا سياسي محنك ولا بتاع
سياسي منين يعني ولا يعرف شكل السياسه منين
السياسي المحنك ده واحد زي السادات زي مصطفي الفقي زي اسامه الباز
هوا ده اللي مغموس سياسه وبيتنفس سياسه وعنده القدره علي قراءه الاحداث وتفسيرها وتحليلها
انما دكتور محمد البرادعي ده راجل عالم ذره
ماله بقي ومال السياسه

---

مين بس قال لحضرتك انه عالم ذرة ..البرادعي خريج كلية الحقوق جامعة القاهرة ..ونوبل اللي واخدها واخدها في السلام مش في الفيزياء ...و منصبه في الوكالة الدولية كان منصب سياسي في الاساس وليس له علاقة بالذرة من قريب ولا من بعيد

ثانيا انا شايف ان اول واحد قال كلمة التغيير دي كان البرادعي وهوا اول واحد فتح عنينا ع حاجة اسمها التغيير ..لكن هو يعيبه انه كان غير متواجد مع الشباب باستمرار هنا في مصر مما افقده شعبيته الكبيرة اللي حققها اول ما جيه ودعا الي التغيير..

البرادعي ليس عالم ذره وهذه من المغالطات الكثيره البرادعي البرادعي خريج كلية الحقوق واستاذ القانون الدولي


بدأ حياته العملية موظفًا في وزارة الخارجية المصرية في قسم إدارة الهيئات سنة 1964م حيث مثل بلاده في بعثتها الدائمة لدى الأمم المتحدة في نيويورك و في جنيف. سافر إلى الولايات المتحدة للدراسة، ونال سنة 1974 شهادة الدكتوراه في القانون الدولي من كلية نيويورك الجامعية للحقوق. عاد إلى مصر في سنة 1974 حيث عمل مساعدا لوزير الخارجية إسماعيل فهمي ثم ترك الخدمة في الخارجية المصرية ليصبح مسؤولا عن برنامج القانون الدولي في معهد الأمم المتحدة للتدريب و البحوث سنة 1980م، كما كان أستاذا زائرا للقانون الدولي في مدرسة قانون جامعة نيويورك بين سنتي 1981 و 1987. اكتسب خلال عمله كأستاذ و موظف كبير في الامم المتحدة خبرة بأعمال و صيرورات المنظمات الدولية خاصة في مجال حفظ السلام و التنمية الدولية، و حاضر في مجال القانون الدولي و المنظمات الدولي الحد من التسلح و الاستخدامات السلمية للطاقة النووية، و وضع مقالات و كتبا في تلك الموضوعات، و هو عضو في منظمات مهنية عدة منها اتحاد القانون الدولي و و الجماعة الأمريكية للقانون الدولي. التحق بالوكالة الدولية للطاقة الذرية في سنة 1984 حيث شغل مناصب رفيعة منها المستشار القانوني للوكالة، ثم في سنة 1993 صار مديرًا عامًا مساعدًا للعلاقات الخارجية، حتى عين رئيسا للوكالة الدولية للطاقة الذرية في 1 ديسمبر 1997 خلفًا للسويدي هانز بليكس و ذلك بعد أن حصل على 33 صوتًا من إجمالي 34 صوتًا في اقتراع سري للهيئة التنفيذية للوكالة، وأعيد اختياره رئيسا لفترة ثانية في سبتمبر 2001 ولمرة ثالثة في سبتمبر 2005. جائزة نوبل في أكتوبر 2005 حصل محمد البرادعي على جائزة نوبل للسلام مناصفة مع الوكالة الدولية للطاقة الذرية ومنحت الجائزة للوكالة ومديرها اعترافا بالجهود المبذولة من جانبهما لاحتواء انتشار الأسلحة النووية. وقال البرادعي «إن الفقر وما ينتج عنه من فقدان الامل يمثل "أرضا خصبة" للجريمة المنظمة والحروب الاهلية والارهاب والتطرف.» تتألف الجائزة من شهادة و ميدالية ذهبية و 10 ملايين كرونا سويدية (حوالي 1.3 مليون دولار) مناصفة بين الوكالة ومديرها. وقال البرادعي إن نصيبه من الجائزة التي سيحصل عليها ستذهب إلى دور لرعاية الأيتام في بلده مصر، و أن نصيب الوكالة سيستخدم في إزالة الألغام الأرضية من الدول النامية. العلاقة بأمريكا عارضت الولايات المتحدة تعيين محمد البرادعي لمدة ثالثة كرئيس للوكالة الدولية، كما أثارت صحيفة واشنطن بوست جدلا حول ما أعلنته من قيام الولايات المتحدة بالتنصت على مكالماته على أمل العثور على ما يساعدها على إزاحته عن رئاسة الوكالة. و بالرغم من عدم وجود مترشحين منافسين على رئاسة الوكالة في ذلك الوقت، حاولت الولايات المتحدة إقناع رئيس الوزراء الأسترالي ألكسندر كونر بالترشح إلا أنه رفض فتأجل قرار مجلس محافظي الوكالة حتى نهاية مايو 2005، عندما أسقطت الولايات المتحدة من اعتراضاتها على رئاسته في 9 يونيو بعد مقابلة بينه و بين كوندوليسا رايس و هو ما فتح الطريق أمام مجلس محافظي الوكالة للموافقة عليه في 13 يونيو. كان البرادعي قد أثار منذ 2003 تساؤلات حول دوافع و رشد الإدارة الأمريكية في دعواها للحرب على العراق بدعوى حيازتها لأسلحة دمار شامل، حيث كان قد ترأس هو و هانز بلكس فرق مفتشي الأمم المتحدة في العراق، حيث صرح في بيانه أمام مجلس الأمن في في 27 يناير 2003، قبيل غزو الولايات المتحدة العراق،إن فريق الوكالة الدولية للطاقة الذرية لـم يعثر حتى الآن على أي أنشطة نووية مشبوهة في العراق. كما لم يأت تقرير هانز بلكس رئيس فرق التفتيش على أسلحة الدمار الشامل بما يفيد وجود أيا منها في العراق، و إن كان لا ينفي وجود برامج و مواد بهدف إنتاج اسلحة بيولوجية و كيميائية سابقا. قبل عشرة أيام من موعد انتخابات الرئاسة الأمريكية في 2004، أثار البرادعي تساؤلات حول مآل 377 طنا من المتفجرات التي اختفت في العراق بعد سيطرة الجيش الأمريكي عليها، فيما شكل مفاجأة أكتوبر في السياسة الأمريكية لتلك الانتخابات. البرنامج النووى الايرانى اتهمت الولايات المتحدة الباردعي باتخاذ موقف متخاذل فيما يتعلق بملف البرنامج النووي الإيراني، إلا أن حيثيات فوزه بجائزة نوبل السلام "لجهوده الحثيثة في الحول دون استخدام التقنيات النووية في الأغراض العسكرية و في أن تستخدم في الأغراض السلمية بآمن و أسلم الوسائل الممكنة" فند تلك المزاعم. في مقابلة معه أجرتها قناة سي إن إن في مايو 2007 أدلى البرادعي بتصريح شاجب للإجراءات العسكرية كحل لما تراه دول أنه أزمة الملف النووي الإيراني، فقال البرادعي ما معناه "لا نريد أن تكون حجة إضافية لبعض 'المجانين الجدد' الذين يريدون أن يقولوا هيا بنا نقصف إيران كما قال في مقابلة مع الصحيفة الفرنسية لوموند في أكتوبر 2007: "أريد أن أبعد الناس عن فكرة أن إيران ستصبح تهديدا من باكر، و أننا تحت إلحاح تقرير ما إن كان ينبغي قصف إيران أو السماح لها بأن تحوز القنبلة النووية. لسنا في هذا الموقف. العراق مثل صارخ على أن استخدام القوة، في حالات كثيرة، يضاعف المشكلة بدلا من أن يحلها. كما أنه قال مؤخرا في سنة 2008 "إذا وجهت ضربة عسكرية إلى إيران الآن لن أتمكن من الاستمرار في عملي" ، أي أنه سيستقيل بحسب ما ذكر، كما أنه أوضح بأن ضرب إيران سيحيل المنطقة ويحولها إلى كرة لهب

اقتباس:

---

المشاركة الأصلية كتبت بواسطة smartchoice

البرادعى مش هيعرف يتعامل مع البلاوى اللى موجودين فى مصر حتى لو كان كويس و كله تمام مش هيمشى معانا أحنا عاوزين واحد فاهم الليلة و يعرف يلاعب الفاسدين كويس أنما البرادعى و زويل و كل الناس دى لازم يشاركوا فى الحكومات اللى جاية و إلا هتبقى خسارة كبيرة لينا و ربنا يجيب العواقب سليمة و لما نشوف هنوصل لفين ...أدعوا لله فأننا لا نملك إلا الدعاء

---

أنا مع فكرة أن الشرفاء فقط يستطيعون منع الفساد...البرادعي موقفه واحد منذ دار الحديث عن عزمه الترشح للرئاسة... وكل ما طالب به تحقق ويبدو آن آخرين للأسف سوف يحصدون ما زرع الرجل بسبب غسيل المخ الذي تعرض له الناس على مدى عام على يد النظام السابق.

البرادعى كان محدد الاقامه لما رجع مصر

اى حد يقابله او يتكلم معاه بيروح المخابرات على طول ومايطلعش
وكان خايف يموتوه بالذات بعد موضوع احلال دمه
السيناريو بسيط = مختل عقليا

ياريت الموضوع يكون تصحيح لمعلوماتنا عن البرادعي وليس للخلاف حول ان كان يصلح لمنصب رئيس مصر ولا لا يصلح
يكفينا فخراً ان الراجل ده من مصر

أول من تكلم عن المسيرة المليونية هو البرادعي
مسألة إنه لازم يكون عاش في مشاكل البلد و عشوائياتها و الكلام ده مالوش معنى بالنسبة لي .. و إلا نجيب واحد من عزبة الصفيح يبقى رئيس
مشاكلنا هي مشاكل تواجه و واجهت دول كثيرة من العالم و كثير من الدول كان عندها مشاكل زينا و أكتر و تغلبوا عليها ببرامج التنمية و الإستثمار في العقول
احنا عاوزين واحد مثقف و عنده رؤية
البرادعي جيد و قد يظهر من هو أفضل و الفيصل صندوق الإقتراع النزيه ..

العقليه المصريه لازم تتغير كفايه نفكر بطريقة المؤامرات وشغل الفهلوه والألاعيب الموروثه عن مبارك المخلوع

أنا عامل الموضوع للدفاع ضد حقائق أفسدها النظام السابق ضد رمز من رموز التغيير

اقتباس:

---

المشاركة الأصلية كتبت بواسطة funnymickey

امال ماسك وكاله الطاقه الذريه وهوا دكتور في ايه بالظبط
والله مااعرف يارالي
بالراحه عليا ياعم
متسيحليش هنا
لينا قسم نتخانق فيه :)

---

ههههههه
المرره دي سماح بس تاني مرره ابقى اقرأ عن الناس كويس
يعني نص الشعب المصري فاكر ان مبارك في 73 كان راكب الطياره الميج وبيوقع في الاسرائيليين وانه ضحى بحياته
مع انه كان قاعد في غرفة عمليات القوات المسلحة في أأمن مكان في مصر بيشرب سحلب واللي مش كل الناس تعرفه انه كان من الاسباب اللي كانت هتقلب الانتصار لهزيمه ومن الاسباب اللي خلت بيجن يقول في الكنيسيت في وش السادات "لقد حققنا نصراً على العدو وكبدناه الخسائر"

احنا عايزين نعمل موضوع نطالب في الناس اللي غلطو في الراجل المحترم ده بالاعتذار

خاصة عبد الله كمال وسرايا اللي ماسابوش حد محترم في البلد الا ونكلوا بيه وشوهوهم كأنهم شياطين لازم يتحاكموا بتهمة الخيانه العظمى

اقتباس:

---

المشاركة الأصلية كتبت بواسطة felix

احنا عايزين نعمل موضوع نطالب في الناس اللي غلطو في الراجل المحترم ده بالاعتذار

---

خاصة عبدالله كمال وممتاز والقط الأوغاد