ان شاء الله انا في انتظار مولود............ انا نفسي اسمية باسل او سيف بس المدام نفسها في خالد ............دبروني يا اخونا علما باني اسمي امير قيسوا بقى الاسامي على اسمي و عايز جواهر و تحف كدة تنور في المشاركات
الادارة 1
عرض للطباعة
ان شاء الله انا في انتظار مولود............ انا نفسي اسمية باسل او سيف بس المدام نفسها في خالد ............دبروني يا اخونا علما باني اسمي امير قيسوا بقى الاسامي على اسمي و عايز جواهر و تحف كدة تنور في المشاركات
الادارة 1
سيـــــــــــــــــــــــ ـف
انا بمووت فى الاسم دة
يا رب يخليهولللك و يفرح بيه دايمااا
شوف بقى
خالد وسيف أسماء جميلة
طيب هو اسم حضرتك ايه؟؟
معلش يا أمير لسه شايف اسمك
سيف أمير
باسل
ثم
حمزة
ثم
بلال
إحنا كمان مستنيين بيبي وهي دي الأسماء اللي استقرينا عليها
وربنا يجيبه بألف سلامة إن شاء الله
ومتنساش الحمص :)
سمية زى القياده العليا ما قالت علشان تمشى امورك بدل ما انت وانا وكل المتزوجزن فاهمين الوش التانى لما بيطلع بتبقى الايام عامله ازاى .
بس اسم سيف جميل لو قدرت تقنع القياده يبقى تول كلى الله وسمى سيف
سيف أمير
أو من المفضلات
عبد الله
عبد الرحمن
ربنا يباركلك فيه و يجعله من الأبناء الصالحين
باسل
سيف
خالد
والله الأسماء كلها جميلة بس ايه رايك فى
عمر
هشام
شدوا حيلكوا يا جماعة القيادة ابتدت تشاور عقلها بفضلكم......................كاسبر العزيز..........اخوة.الكبير اسمة عمر
سيف حلو بس منتشر!
باسل حلو بس مش منتشر!
يبقى ..... باسل أمير :)
ألف مبروك مقدماً.. وعايزين السبووووع :)
اقتباس:
المشاركة الأصلية كتبت بواسطة turboman
واحد معرفة سمى اسمين عجبوني اوي بس القيادة عندي رافضة مجرد مناقشة الفكرة :D
البراء
و
أواب (بتشديد الواو)
يوسف امير
عبد الرحمن امير
خير الاسماء ما حُمد وما عُبد
اما معانى الاسماء التى قمت بأختيارها فهى كما يلى :
باسل : من بسب الرجل يبسُل فهو باسل ، إذا عبس من الغضب أو الشجاعة والباسل : الاسد ، والشجاع والشديد ، وباسل القول شديدة وكريهه ويم باسل : شديد
سيف : الذى يُضرب به ، والسيف : ساحل البحر والجمع اسياف
خالد : الخلد : دوام البقاء فى دار لايخرج منها ، والخلد اسم من اسماء الجنة ، والخالد : هو الباقى فى مكان لايبرحه ، وخالد : هو شيخ أبطأ عنه الشيب
وتخير بعد ذلك ماشئت
أولا ألف مبروك مقدماً
ثانيا انا بقترح أسم (مهند)
سيف أسم منتشر جداً ومش حلو قوى علشان تريقة العيال فى المدرسة بتبقى جامدة قوى وأسأل مجرب عند زملائى وقرايبى بتعمل عقدة عند العيال
أسم خالد جميل جداً مش علشان أسمى لأن أنا أسمى خالد بن الوليد وده أسم مركب وممنوع دلوقتى عندنا الأسماء المركبةفى شهادات الميلاد
ولو ماكنش خالد يبقى كتكوت الأمير
أنا بهزر معاك
وربنا يفرحك بيه ويجعله من الذرية الصالحة إن شاء الله
وعلى فكرة أسمه موجود عند ربنا ولكنها أسباب فقط لاغير وهتتفاجئ بأسم ممكن يكون جديد خالص ولا على البال ولا على الخاطر
ربنا يجيبيه بالسلامة ان شاء الله .
خالد وسيف أسماء جميلة
وان كنت أفضل : :خالد أمير:
اولا الف مبروك ويارب يبارك لكم فيه وفي اخوته
من الاختيارات سيف
ح يبقي سيف امير ... له موسيقي لذيذة في الأذن
..
لكن طالما اخوه اسمه عمر
يبقي اسم حمزة ح يكون جميل جدا
لأن فية ميزة
انه اسم شخص واسم عيله
يعني اولادة واحفادة إن شاء الله ح يبقوا عيلة حمزة ... لها وقع جميل .. مش كدة
وبعدين حمزة ده اسد الله .. رضي الله عنه
ولما يبقو عمر وحمزة يبقي عندك اسماء اسود الاسلام فعلا
ربنا يجعلهم من الصالحين
كل إسم تختاره لازم تعمل حساب إسم الدلع بتاعه..
اللى بيقول لك سيف أحسن .. طب دا يدلعوه يقولوا له إيه ؟ يا مطوة؟
اقتباس:
المشاركة الأصلية كتبت بواسطة aif
مانا باقول كدة والله :)
انا رأى امشى مع المدام اسم خالد فعلا لايق اكتر مع امير
سيف وباسل مش منتشرين ..عشان كده هتدوخ على ماتلاقى قطع غيار..ههههههه
انا بهزر والله ..والف مبروك مقدما ويتربوا فى عزك..انا كنت هاقولك على عمر بس اخوه اسمه عمر
فبرشحلك عبد الرحمن ....شوف كده لما يبقى اسمك ابا عبد الرحمن
..mokhtar..
خالد امير
اسم جميل وله رنة موسيقية جميلة
وكمان على اسم ابنى
باسل
ألف مبروك
سيف ......... طبعا
و برضه عندك سكينة ........... و مطواه ............. و كازلك ............. خنجر
:D :D :D :D :D :D :D
أنا بالطبع بأهزر
ربنا يارب يبارك لك فيه و يبارك فيك و في القيادة كمان
بس لازم القيادة قتنتع بالإسم علشان ميبقاش فيه زعل بعد كدا
و أنا مع الدكتور أحمد
تريقة العيال مش لذيذة و هاتخلي أبنك يعمل مشاكل كتير في المدرسة
يبقى الأفضل تسمي إسم ملوش تريقة او اسم دلع مش كويس
و لذلك أقترح خــــالـــد
و ربنا يوفقكم يارب
مهاب علي اسمي طبعا
او شهاب علي اسم ابني مستقبلا
:)
وفيه شوية اسماء بيعجبوني
ساجد
لؤي
حمزه
وافضلهم عبد الله امير
فياريت تخلي بالك من اختيار الاسم لائنه بنسبه كبيره بياثر في شخصيه صاحبه
ألف مبروك و يوصل بالسلامه ان شاء الله
كل الاسماء جميله فعلا
بس ايه رأيك فى :
باسم
مروان
زياد
اياد
الف مبروك مقدما
انا معنديش اسماء اقترحها عليك
بس نصيحة بلاش اسماء عجيبة او جديدة او صعبة النطق على اللسان علشان متحطهوش فى موقف شرح اسمة للناس كل ما يتعرف على حد فعلا بيصعابو عليا
الرسول صلى الله علية وسلم وصانا باختيار اسماء الابناء
اولادى ان شاء الله
خالد
عمر
اسامه
عبد الله
نور
ياسمين
ايمان
من الاسماء اللي انتا كاتبها ارشح سيف اسم تحفة وخفيف وتحس ان صاحبه ابن ناس
وفي شوية اسماء ارشحهالك زي
لؤي
يوسف
مالك
انس
والف مبروك وربنا يباركلك فيه
Basel is good name and good meaning. en shaa allah , god bless him to you
سيف أحسنهم
انا من رايي تسميه مبـــــــــــــــــــــــ ـــارك :):):):)
علشان تبقي في الامان :)
.................................................
الجد بقي\
عندك مروان حلو
مروان امير جميل جدا و شكله سينمائي كده .
في الاسامي اللي انت كاتبها يبقي سيف
ههههههههههههههههههاقتباس:
كل إسم تختاره لازم تعمل حساب إسم الدلع بتاعه..
اللى بيقول لك سيف أحسن .. طب دا يدلعوه يقولوا له إيه ؟ يا مطوة؟
عسل و الله يا دكتور احمد
طب لما يبقي عجوز بقي حيسموه ايه
رمح ؟؟ ههههههههههههههههههههه
تفضلت حكومتنا الرشيدة بالنظر في مظلمة العبد لله ونظرت لمطلبنا باسم باسل بعين العطف و الموافقة.....و نحن في انتظار باسل يوم الخميس او الجمعة إن شاء الله...........اخواني الاعزاء......... ادعوا معي لزوجتي الحبيبة.........ربنا يسهل إن شاء الله...........ولكم جميعا جزيل الشكر
--------------------
برجاء تصحيح كتابة لفظ الجلالة فى توقيعك
الإدارة4
ربنا يسهل ان شاء الله يابو باسل :)
الف الف مبرروك ربنا يتمم لزوجه حضرتك حملها على خير ويتربى فى عزك
ممكن اسم خالد ويبقى عندك عمربن الخطاب
وخالد بن الوليد