الموضوع: أحقاقا للحق

انتهت الثورة
و المولد انفض !!
عملنا اللى عايزينه و خلعنا دكتاتورنا
انا نزلت 25 و 26 و 28 و بعدها نمت فى الميدان 4 ايام
و كنت بروح يوميا و اللى اضربت و اتشتمت عشانه و الجثث اللى شلتها و المصابين اللى شديتها من قلب المعركة اللى كانت دايرة بين مصرى و مصرى بسببك و و و و و
كل ده جاب نتيجته الحمد لله و حقق منايا و منى ناس كتير و ليس جميع المصرييين بالطبع
فرحنا و شمينا الحرية :)

ان الاوان للتفكير فهدوء
ولمحاسبة النفس على ما هو فات فى الفترة الاخيرة
وللقراءة جيدا و للمشاهدة فى التلفزيون حوالين الاشخاص و الاحداث اللى فاتت

و بعدما حصلى كل ده
احب اوجه اعتزارى الشديد للبرادعى اللى سبيته و هزقته و اعتبرته عميل و هو مش كدة ( والله واعلم)
تقريبا نص معلوماتى عنه كانت غلط
هو مش عالم زرة ولا امريكى ولا عميل
هو استاذ قانون
عاش برة مصر عشان كدة عرف معنى الديموقراطية و معنى النظام عندنا فنطق و اتهزق و اتشتم و اتحرك ضد من قلده قلادة النيل و كنت اظن ان ده عار ولكن اتضحلى انه كدب وانه اول من نادى بالتغيير و انه احد اكبر تروس الة الثورة
رغم اانى مصر ان فى ادوار اكبر منه زى خالد سعيد ووائل غنيم و رغم اصرارى ايضا انى لا اظن انه يصلح لرئاسة مصر ( حاليا ) لكن بعد كدة اعتقد افضل شخص ليها و هننتظر الايام القادمة تبين حاجات كتير
و ده فيديو رائع محتاج تفكيير جيد اثناء مشاهدته

YouTube - ‫ط.ظ‚ظٹظ‚ط© ط§ظ„ط¯ظƒطھظˆط± ظ…ط.ظ…ط¯ ط§ظ„ط¨ط±ط§ط¯ط¹ظ‰‬‎

اما بقى سبب موضوعى الرئيسى

فهو اعتذار اتقدم بيه لسيادة الرئيس محمد حسنى مبارك

انا قريت كتير لحد ما شبعت و اتفرجت كتيييير و اقتنعت بانه مش لوحده السبب
اللى حواليه اللى موصللوش الحق (غلطته)
ابنه اللى ورطه(غلطته)
حكومة رجال الاعمال اللى اختارها ظناً منه انها هتغير تاريخ البلد (غلطته)
عنده(غلطته)
كبريائه(غلطته بس لما ابداها على شعبه و لم ينحى من الاول)
انا مش هتكلم كتير بس هو بقاله خادم للبلد 61 سنة اكيد فيهم الكويس و الوحش
بس الوحش بتاعه هو اللى ودانا و وداه فى داهية

الراجل كان قائد فى حرب اكتوبر73 كان من مجلبين الانصر واحنا لسة متولدناش
كان كويس فى وقت مشفناهوش لننا كنا لسة متولدناش معظمنا
مشفناش منه غير الوحش و بس
محسناش غير بسيئاته

مشفنهوش و هو بيبنى بلد و بيعمر و بيرمم علاقتنا بالدول و شغال فى البلد داخليا اكتر من خارجيا عكس اواخر سنينه مشفناهوش و هو بيعمل مترو و كبارى و مشاريع اسكان

مشفناش منه غير تجبره و تكبره و ظلمه لبنى بلده و قتله و سفك دماء شعبه و رضاه بناس حواليه موديانا فى داهية
30 سنة حولته من شخص جميل الى وحش كاسر و الوحش ده هو اللى عصرناه

ليه يا ريس خلتنى وقفت فى عز البرد عشان اقول يسقط يسقط حسنى مبارك !!
ليه يا ريس خلتنى اسبك انتا و اللى جابوك واللى عملوك ريس !!
ليه يا ريس مخلتنيش احبك ؟
انا كنت بقعد مع اصدقاء عرب قلاقيهم بيحبوا ملكهم !! ملك يا نهار اسود يحبوا ملك ! نظام عبودى و الوزارات و الجهات كلها عبارة عن عائلة واحدة و محدش من الشعب يقدر ياخد مكان من دول !
بيحبو نظام فيه عيلة هى اللى ماسكة البلد ولا كانها عزبة وانا مش قادر احبك !!
ليه يا ريس خلتنى اضرب عشان امشيك و استحمل ذل و مهانة عشان تغور من وشى

ليه نستنى حلوك و شربتنى مرك انا مش عارف بصراحة
ليه يا ريس مخلينى رغم كل ده تخيل !! مش قادر اسامحك فى حقى !! كل ما احاول اسامحك مقدرش
ليه مخلتنيش تصعب علية !!
ليه خلتنى اشوفك بعين رحل الطاغية غير مؤسوف عليه!!

انت كنت عظيم لحد ما بقيت رئيس حتى اول فترة ليك كنت اعظم من الاول كمان لحد ما بقيت تنتخب بالااستفتاء و تزور و و و و تتعب و تمسك فالسلطة و تحكم وانت عندك سرطان !!! و تسيب البلد لابنك واصحابه ولا كانك بتديله هدية

ليه خلتنى اعيش الايام دى

YouTube - ‫ظٹظˆظ…ظٹط§طھ ط«ظˆط±ط© ط§ظ„ط´ط¨ط§ط¨‬‎

ربنا يسامحك عشان مخلتنيش احبك و افخر بيك

الحمد لله انى ازحت الدكتاتور محمد حسنى مبارك
و ربنا يسامحنى فى تجاوزى فى حق الشخص محمد حسنى مبارك

واخيرا احب اقول
انا زعلان على الطريقة اللى انا شاركت فيها و اللى مشى بيها زعلان جدا جدا ولكنى غير ندمان ولا اسف
هو من فعل فى نفسه كدة حتى لو اللى حواليه هم السبب هو من قبلهم السبب
لكن انا هعتبر كبر سنه و كبريائه و ثقته العمياء في من حواليه هو السبب الحقيقى

و ده فيديو ليه

YouTube - This is the real Mubarak - ظ‡ط°ط§ ظ‡ظˆ ظ…ط¨ط§ط±ظƒ ط§ظ„ط.ظ‚ظٹظ‚ظ‰

و اخيرا ارجوكم تدعوا له من اجل الله فمن المؤكد انه فى حالة حرجة جدا صحيا و نفسيا و يعيش ايامه الاخيرة

( اللّهم أهدى حسنى مبارك وأرزقه توبة نصوحة و صادقة قبل الممات إنك أنت الغفور الرحيم وهيئ لنا من يدعو لنا بهذا الدعاء قبل أن نموت فإنا كلنا أهل معاصى وذنوب )

اعزرونى على الاطالة

المشاركة الأصلية كتبت بواسطة dr-mohamed

اسمح لي اختلف معاك يا طارق
حب الابن ومن لا يحب ابنه وللاسف لم يكن الابن على قدر المسئولية
حاشية السوء التي ترعي حول كل قائد وسترعي حول الجديد والذي يليه وراجع الفيديوهات وشوف كم الناس في مجلس الشعب واجتماعات الحزب الوطني المنحل اللى كانوا بيبقوا مجتمعين وكل كلامك صح يا ريس وانت ملهم ووووووووووو يووووووووه يمكن انت حاسس ان دي حاجة غريبة لكن اللى شافوا امثالهم بيعملوا كدة مع السادات مش مستغربين
المرض
فقدان الحفيد الضربة القاضية
كل ذلك جعله يفقد كل صلة بالواقع الحقيقي

حلو اوى لو قولنا انه كان حلو زى الفل (ده لو كذبنا على نفسينا وقولنا كده )

مسابش الكرسى لغيره ليه

معملش انتخابات رئاسه فى عهده نزيه وسلم البلد بخيرها وشرها لواحد يحميها ليييييييييييه
سابها لحد متخرب عشان ايييييييييه

حرام يا دكتور ده المفروض يتحاكم بتهمه الخيانه العظمى
انتو ليه لحد دلوقتى مش متخيلين كم الفساد والظلم الى كان بيحصل وبتتعاملو مع الامور بقلوبكم !!!!!!!!!

قال وفيه ناس عاوزه تعمل مسيره سلميه تودعه

طيب ومفكروش فى دم الناس الى ماتت فى عهده قبل الثوره وبعدها

دكتور اوعى تفتكر مبارك كان غلبان او اتغرر بيه