ماذا لو ((مثلا الغاء الجمارك في مده اقصاها خمس سنوات))

**nevozaky** · 14-02-2011 01:59 AM

المشاركة الأصلية كتبت بواسطة mazagangee

ربنا يخليك ليه و تعيش و تدلعه
ما تجيب للواد عربية هوه انت فقير
خد من نصيبك من ال 70 مليار و هات للواد عربية متبقاش بخيل يا راجل

على فكرة يا جماعة هاقول على حاجة ومش عايزاكم تكتئبوا انا سمعت النهاردة فى الجزيرة ان الرئيس خلال ال18 يوم اللى فاتوا نقل كل ثروته من البنوك اللى فى سويسرا واللى تقدر تجمد امواله .نقلها الى بنوك اخرى لا تقوم بهذه الاجراءات يعنى كان عامل حسابه.معلش انا ما ليش ذنب انا باقول اللى سمعته بس .

**mhmdalsaadany** · 14-02-2011 02:12 AM

ياريت يا جماعه يسمع منكم ربنا

**creative_art** · 14-02-2011 05:31 AM

المشاركة الأصلية كتبت بواسطة saadelden

حاجه تاسعه :ش يجمع 128 وشاهين لا يبتدي تصميم عربيات تناسب شوارعنا زي ما السعوديين عملو عربيتين و هيتم انتاجهم
طبعا العربيات هيكون سعرها معقول و اكيد معليهاش جمارك و اكيد هتنعش اقتصاد البلد و هتبقى صناعه وطنيه
المهم في اي عمل الامانه و اكيد هتدي نتيجه رائعه

ههههههههههههههههههه بالمناسبه...انا شفت العربيه السعودى الى هما بيقولو عليها دى وقعت على نفسى من الضحك...العربيه نسخه طبق الاصل من بروتون جين 2 ويقولك تصميم سعودى وهيسموها اصيله

**LanCeLoT** · 15-02-2011 02:47 PM

المشاركة الأصلية كتبت بواسطة wlng76

استيراد سيارات فى الظروف الحالية دى معناه خروج كمية كبيرة من العملة الأجنبية وتأثير سلبى على الميزان التجارى
فياريت تكون فى حملة لرفض شراء كل ما هو مستورد فى الفترة الحالية على الأقل

انا كمان بأنادى بحملة لتحسين اقتصاد مصر يكون شعارها
"شرائك للمنتج المصرى - فرصة عمل ليك ولأولادك"

حلوه اوي الفكره دي .. بس ايه هيا المنتجات المصريه ؟؟؟؟

**factorialx** · 15-02-2011 02:54 PM

لا لإلغاء الجمارك

تعم للقضاء على الفساد

و الجمارك نشوفها خدمات لكافة أفراد الشعب

**Zika9909** · 15-02-2011 11:45 PM

المشاركة الأصلية كتبت بواسطة wlng76

انا كمان بأنادى بحملة لتحسين اقتصاد مصر يكون شعارها
"شرائك للمنتج المصرى - فرصة عمل ليك ولأولادك"

على فكرة مافيش مصري مش عايز يشتري المنتج المصري، بس إحنا اتعودنا إن المنتج المصري رديء الجودة و مرتفع السعر و كأن الزبون غبي و هيشتري المنتجات الرديئة دي بلأسعار المبالغ فيها دي، لكن لو بقى في إخلاص في الصنعة هتلاقي الناس لوحدها بتشتري المصري حتى لو كان أغلى حاجة صغيرة و مع الوقت هتعود ثقة الزبون في المنتج المصري تاني.

**naser_56** · 16-02-2011 03:41 AM

انا من رأيي الاهتمام بالبنيه التحتيه اولا والتوسع العمراني والاهتمام بالطرق والكباري لخفض الكثافه علي القاهره ونواحيها والاهتمام بالاستصلاح للصحاري وتنميتها والاهتمام بالصحراوي الغربي والشرقي وذلك لربط شمال البلاد بجنوبها وبكده الاستثمار يكون في مختلف انحاء الجمهوريه ونخلص من الزحمه وبكده مش هيكون في عندنا مشكله في الجمارك حتي لو رفعوها علشان الكل هيبقي منتج وفي كل البلاد في فرص شغل والناس تعيش حياتها بقي وبعدين في ملاحظه في الفتره الحاليه او السابقه مثلا لو معانا عربيات فخمه مش هنعرف نستمتع بيها ولكن بالعكس دي هتبقي مقرفه بالنسبه لينا اكتر اولا هتسخن بشده علشان الزحمه او هتلاقيها باظت علشان المطبات الي بسم الله ما شاء الله ارتفاع المطب متر