ماذا لو ((مثلا الغاء الجمارك في مده اقصاها خمس سنوات))

**النوبي** · 13-02-2011 09:06 AM

ياتري لو ألغوا الجمارك طبعا مستحيل انهم يلغوها تاني يوم لاكن لو بعد خمس سنوات ياتري هتشتري ايه ومنين
ولو مثلا قالك لكل عائله عربيه معفاه من الضرائب والجمرك برضه هتشتري ايه

**النوبي** · 13-02-2011 09:17 AM

المشاركة الأصلية كتبت بواسطة MaZaGAngeE

يا راجل كتير قوي 5 سنين
تتلفغي بعد 6 شهور و يتم الاعلان عنها دلوقتي عشان المستوردين يعملوا حسابهم
عايزين نركب عربيات زي باقي العالم
كفاية بقى

وحياتك عندي ياريت يلغوها بكره بس متنساش البلد خسرت كتير
وياريت البلد تفضل علي وضعها كمان كام سنه علشان نقدر نعوض خسارتنا
يعني انتا كنت بتدفع علشان تتسرق دلوقتي ادفع علشان تنهض اقتصاديا
يبقي خمس سنين حلوين قوي تكون الازمه عدت والناس اتحاكمت والفلوس رجعت والدنيا زهزهت
ومحمد يكون في kg2 ههههههههههههههههههههه
وساعتها هشتريله عجله وهو يصر انه عايز عربيه
(خليه يتدلع مش مبارك مشي)

**M.Alaa92** · 13-02-2011 09:41 PM

و الله حسب العربيات الموجودة و ممكن اجيب حتة فانتازيا او جيتا او جولف

**creative_art** · 13-02-2011 09:50 PM

هههههههههههههههههههههههه

ياجدعاااااااان الراااجل خلاص بيموت وفى غيبوبه كامله ورجل فى الاخره ورجل فى الاخره يعنى كلنا ندعى ان ربنا يسامحه لانه بجد هيشوف عقاب عسير جداا من ربنا...ومش هوا بس...هو وفتحى سرور وكل الى نهبو البلد خصوصا ف موضوع الجمارك دا

طبعا كلنا نفسنا الجمارك تتشال عشان نرجع نركب بورش وهامر اتش 3 وكامارو والكلام دا....

ولكن سياسيا الامر محتاج تفكير ودراسه متأنيه جداا...انتا عندك بنيه تحتيه تكاد تكون اكتر من سيئه...مش قادره تستحمل العربيات الى موجوده دلوقتى....مابالك لو فتحت الجمارك بقه ايه الى هيحصل...

قول ان بلدك كان فيها 10 مليون عربيه...بعد مالجمارك تتفتح هتبقى 30 مليون ونتا بنيتك التحتيه من طرق وكبارى مش هتساعدك خالص

نعالج البلد الاول ياجماعه وبعد كدا ندور على رفاهيتنا اهم حاجه ( ان الطاغيه مشى )

**hazemhassan** · 13-02-2011 09:57 PM

بصراحة انا لو فكرت فى حتة امريكى هبقى بظلمها لما امشيها فى شوارع المحروسة
يبقى نصلح ونظبط نفسنا وبعدين هبقى افكر اجيب اية
ويسلام بقى لما ابقى محتار بين مكسيما ولا اودى ولا ولا ولا ولا

**shaddadfalcon1** · 13-02-2011 10:08 PM

المشاركة الأصلية كتبت بواسطة creative_art

قول ان بلدك كان فيها 10 مليون عربيه...بعد مالجمارك تتفتح هتبقى 30 مليون ونتا بنيتك التحتيه من طرق وكبارى مش هتساعدك خالص

ماهما لو لغو الجمارك يبقي العربيات اللي تحت موديل 2000 مثلا تتكهن او علي الأقل 95

وساعتها لو في 30 مليون عربيه في اكتر من نصهم هيترمو ويدخل بدلهم جديد

يعني العمليه مش المفروض تبقي سبهلله

اللي يقدر يشتري لادا لما الجمارك تتغلي هتلاقيه يقدري يشتري لانوس ولا لانسر مثلا

يعني الفكره كلها ان الموازين هتتشفت (Shift) شويه

**saadelden** · 14-02-2011 01:31 AM

هي مش تتلغي مره واحده
ممكن تقل تدريجيا و المفروض نلاحظ انها بتقل
لان اتفاقيه اوروبا دي ماشوفناش منها اي بتنجان لغايه دلوقتي

حاجه تانيه
العربيات الجديده يبقى فيها مواصفات امان مش الهبل الي عامله غبور
مفيش ايرباج في عربيه 2011 و معديه ال 90 الف !!!
طبعا كل مايحط زرار زياده ولا ورقه حتى بيرفع سعر العربيه 2000 ولا 3000 جنيه !!

ف المهم تكون الاسعار دي عليها رقابه و تكون متحدده بحيث مايبقاش سعرها مبالغ فيه بالمنظر دا

حاجه تاسعه :d
شركه النصر دي لو اتمسكت صح و اشتغلت علي معايير عاليه هتطلع عربيات ممتازه
و غير كدا احنا عندنا المهندسين و العمال الي يقدرو يعملو كدا و يقدرو يقومو المصنع دا و يلبي احتياجات الشعب
مش يجمع 128 وشاهين لا يبتدي تصميم عربيات تناسب شوارعنا زي ما السعوديين عملو عربيتين و هيتم انتاجهم
طبعا العربيات هيكون سعرها معقول و اكيد معليهاش جمارك و اكيد هتنعش اقتصاد البلد و هتبقى صناعه وطنيه
المهم في اي عمل الامانه و اكيد هتدي نتيجه رائعه

**ahmed1611** · 14-02-2011 01:47 AM

يارب بس قبل ما يلغو الجمارك يلغوا الزحمة
لاننا كمان شوية هنطلع فوق بعض وهنمشى فوق الارصفة وعلى الحيط مش هنمشي في الخط الابيض زي ما شفيق بيقول
الراجل دة شكلة عايش في كولارامبور

-

-

الموضوع: ماذا لو ((مثلا الغاء الجمارك في مده اقصاها خمس سنوات))

LinkBack

أدوات الموضوع

عرض

ماذا لو ((مثلا الغاء الجمارك في مده اقصاها خمس سنوات)) - انشر الموضوع فى :

-

-

-

-

-

المواضيع المتشابهه

فكرة و اقتراح: الغاء الجمارك علي العربيات الكهرباء !

حد يعرف كام الجمارك على قطع غيار السيارات (فلتر مثلا) ؟

العربيه لما بتترفع 4 سنوات مثلا هل بيأثر عل حاجه فيها

جدول تخفيضات الجمارك وطريقة احتسابها خلال العشر سنوات القادمة.....

الغاء الجمارك على السيارات اواخر العام

الكلمات الدلالية لهذا الموضوع

المفضلات

المفضلات

ضوابط المشاركة