انا كنت في التوكيل فرع الدقي الأسبوع دا بودي الماروتي بتاعة واحد صاحبي
وسألت على الإنذار والسنتر طلعوا الاثنين تقريبا في حدود 570 بالتركيب
عرض للطباعة
انا كنت في التوكيل فرع الدقي الأسبوع دا بودي الماروتي بتاعة واحد صاحبي
وسألت على الإنذار والسنتر طلعوا الاثنين تقريبا في حدود 570 بالتركيب
حرام 570 كتيييير
انا عربيتي 2010 كانت نازلة بالإنذار والسنتر والكاسيت (جميع الكماليات)
دي كانت عربية صاحبي 2009 نازله من غير حاجة
ولما في التوكيل قالوله 570
صاحبي صرف نظر طبعا لان كدة كتير
هو برة مش هايزيد عن 300 جنيه بس اعتقد دا هايخرجك برة الضمان
كتير تنين 570 !
هو الطبيعى بيكون فى حدود 300 .. بس فعلا بيطلعك من الضمان .. لأنه بيقطع سلوك وبيعمل شغل
اذا ركبت الحاجات بره هتخرج الكهرباء من الضمان انا جبت كاسيت بايونير من الخارج وركبته في التوكيل طبعا هما مكنوش في الاول عايزن يركبه ويقول لا لازم تشتري الكاسيت من عندنا اول مارحت ومعي الكاسيت محدش قال حاجة وركبوه انما بكام باه
تركيب كاسيت وسماعات 100 جنيه ممكن تشتري الكاسيت وهما يركبه في التوكيل
العربية معايا بقالها سنتين ونص وكملت بيها امبارح 30 ألف كيلومتر ومارحتش بيها التوكيل غير مرة واحدة فى صيانة 10 كم وحلفت 100 يمين ما انا رايحه تانى، لأن التوكيل اللى بيدىع انه بيفهم فى العربية طلعهالى صوت السلانسيه بتاعها عالى وبتسقف ومعملوش فيها اى حاجة ورموها ساعتين بعد ما خلصوها من غير ما حد يكلف نفسه ويقول لى انها خلصت نهايك عن عدم وجود مكان للجلوس واستقبالهم السئ للعملاء واعتبارهم ان اصحاب السوزوكى شحاتين فى ضل اهتمامهم باصحاب نيسان، وخدو مبلغ مرعب مالوش اى لازمة، من بعديها بعمل كل حاجة فيها بإيدى والموضوع لا يتعدى تغيير زيت وفلتر وتيل فرامل وفلتر هواء وبوجيهات وأبلاتين وكندنسر وضبط السلانسيه والهواء وشوية تشحيم للمفصلات والوايرات وكلها اشياء بعملها بايدى وممكن أى صبى ميكانيكى يعملها ، ولحد النهاردة الحمد لله كل ما بعمل لها صيانة العربية بتفوق وبتقفل العداد بتعاها، يعنى لا محتاجة توكيل ولا غيره فى اى حاجة لأنها عربية مافيهاش اى تكنولوجيا من اى نوع ولا فيها أى الكترونيات ولا محتاجة ضبط على كومبيوتر ولا محتاجة سكانر ، ومش محتاجة سوى ميكانيكى امين لو صاحبها مالوش فى الميكانيكا
قطع الغيار انا بجيبها من واحد فى شارع دمشق عنده حاجات نضيفة اوى ، اسمه الشركة البولندية قصاد محطة شل، هو بيشتغل فى السكودا والماروتى ، وعنده كل حاجة تقريبا، وفيه كمان الشركة اليابانية فى مول التوفقيقية اللى فى شارع زكى فى التوفيقية ، بس حاجات البولندية انضف
الميكانيكى اللى بتعامل معاه اسمه محسن ، مكانه فى شارع الجيش جنب جزارة المؤدب قصاد التوحيد والنور ، بس الصراحة مرحتلوش من سنة ونص لأنى حاليا بعمل كل حاجة فيها بإيدى، يمكن اروحله كمان كام شهر علشان سير الكاتينة بس لما معاده ييجى